کوئلہ، کانکنی اور پارلیمانی امور کے مرکزی وزیر جناب پرہلاد جوشی نے آج لوک سبھا میں ایک تحریری جواب میں بتایا کہ عام آبادی کے مقابلے میں کوئلے کی کان کے مزدوروں کے سب سے بڑے مسئلے کے طور پر دمہ، آنکھوں میں انفیکشن یا صحت کے کسی دوسرے مسئلے کی نشاندہی کرنے کے لیے کوئی رپورٹ نہیں ہے۔ ان کی صحت اور ذریعہ معاش کو یقینی بنانے اور برقرار رکھنے کے لیے حفاظتی اقدامات کیے گئے ہیں۔

سی آئی ایل کے پاس صحت کی دیکھ بھال کی سہولیات کا مضبوط نیٹ ورک ہے۔ ہر ملازم اور کارکن کو زبردست صحت کی دیکھ بھال فراہم کی جاتی ہے۔ نیویلی لگنائٹ کارپوریشن انڈیا لمیٹڈ ( این ایل سی آئی ایل)کے پاس کھلی کاسٹ کانیں ہیں، جو مناسب طریقے سے مشینی ہیں۔ اس لیے کانکنی کی سرگرمیوں کے لیے دستی مزدوروں کی تعیناتی نہیں ہے اور پیشے سے متعلق بیماری میں مبتلا ہونے کا  بھی کوئی خطرہ نہیں ہے۔ این ایل سی آئی ایل کانکنی یونٹس میں مصروف کانکنوں کے گروپ اور ایگزیکٹیوز/سپروائزرز اور طویل سفر میں مصروف  کارکنوں کے لیے پیشہ ورانہ صحت کی خدمات (او ایچ ایس)کو برقرار رکھتا ہے جو تقریباً ان کی پوری کام کرنے والی زندگیوں کا احاطہ کرتے ہیں اور ان کی بھرتی سے لے کر ان کی ریٹائرمنٹ تک صحت کے معیارات  کی نگرانی کرتے ہیں۔ اس سے صحت کے مسائل کا جلد پتہ لگانے میں مدد ملتی ہے، خواہ وہ کام کی جگہ کے ماحول سے منسلک ہوتے ہیں یا پیشہ ورانہ تناؤ اور غلط رویے کے ردعمل کی وجہ سے تناؤ سے نمٹنے کے لیے اور مناسب وقت پر صحت کی دیکھ بھال کے اقدامات کی منصوبہ بندی کی وجہ سےہوتے ہیں۔ اس طرح یہ مضبوط افرادی قوت کے فروغ اور تحفظ کے ذریعے کمپنی کے نچلے درجے کے نتائج کو متاثر کرنے میں اہم کردار ادا کرتا ہے۔

سنگارینی کولیریز کمپنی لمیٹڈ(ایس سی سی ایل)ملازمین اور کنٹریکٹ ورکرز کو طبی اور صحت کی دیکھ بھال فراہم کرتی ہے۔ ایس سی سی ایل کے پاس سات ایریا ہاسپٹلز(821 بیڈ کی گنجائش)،21 ڈسپنسریاں بھی ہیں، جن میں ماہرین کی خدمات بشمول چیسٹ فزیشنز/ آپتھلمولوجسٹ شامل ہیں، جوتلنگانہ کے 6 اضلاع میں پھیلے ہوئے ہیں،جہاں کانکنی کی کارروائیاں جاری ہیں۔ ایس سی سی ایل کانوں اور محکموں کے ملازمین کو پیشے سے متعلق بیماریوں کے بارے میں آگاہی پروگرام بھی چلا رہا ہے۔ پیشہ ورانہ صحت کی خدمات کی دیکھ بھال کرنے اور ملازمین کی دائمی بیماریوں کی نگرانی کے لیے ایس سی سی ایل کے تمام علاقوں میں12 پیشہ ورانہ صحت کی خدمت کے مراکز بکھرے ہوئے ہیں اور پی ایم ای کے دوران، ملازمین/کنٹریکٹ ورکر آنکھوں کے ریفریکشن ٹیسٹ اور سینے کی ریڈیو گرافی سے گزریں گے، اگر ان میں صحت کا کوئی  مسئلہ ہے  تو  انہیں کمپنی کے اسپتالوں میں طبی علاج فراہم کیا جائے گا۔

سی آئی ایل نئے شامل ہونے والے ملازمین/ٹھیکیدار کارکنوں کے لیے ابتدائی طبی معائنہ( آئی ایم ای)اورموجودہ ملازمین ، کنٹریکٹ ورکرز کے لیے وقتاً فوقتاً طبی معائنہ(پی ایم ای) کا اہتمام سی آئی ایل کے ذریعے چلائےجانے والے اسپتالوں اور ڈسپنسریوں میں باقاعدہ وقفے کے ساتھ  کرتی ہے۔ اس کے علاوہ ٹھیکیدار کارکنوں اور ملازمین کے لیے کمپنی کے مختلف اسپتالوں اور ڈسپنسریوں میں صحت کی دیکھ بھال کی باقاعدہ سہولیات دستیاب ہیں اور 395 نجی اسپتالوں کو کمپنی کے ملازمین اور ان کےمستحق اہل خانہ کے لیے کل ہند سطح پر فہرست میں شامل کیا گیا ہے۔ اپریل 2018 سے مارچ 2023تک74550 افراد کا ابتدائی طبی معائنہ کیا گیا اور اسی عرصے کے دوران 311945 افراد کے وقتاً فوقتاً طبی معائنے بھی کئے گئے۔

این ایل سی آئی ایل  کانکنی یونٹس میں مصروف تمام ورکروں کے لیے ابتدائی طبی معائنے ( آئی ایم ای)کا انعقاد کرتا ہے، جس میں سوسائٹی/ شارٹ ٹرم/آؤٹ سورس اور دیگر کنٹریکٹ ورکر شامل ہیں اور وقتاً فوقتاً طبی معائنے(پی ایم ای)سوسائٹی/قلیل مدتی/آؤٹ سورس اور دیگر کنٹریکٹ ورکرز کے لیےاین ایل سی آئی ایل کے ریگولر ملازمین کے مساوی، عمر سے قطع نظر تین سال میں ایک بار باقاعدہ ملازمین کے برابر  بھی  منعقد کئے جاتے ہیں ۔ این ایل سی انڈیا اسپتال میں او ایچ ایس (پیشہ سے متعلق صحت خدمات) یونٹ کانکنوں کی پیشہ ورانہ صحت اور تندرستی کی نگرانی کے لیے ڈی جی ایم ایس رہنما خطوط کے مطابق وقتاً فوقتاً طبی معائنے(پی ایم ای) کے پروگرام کو نافذ کرتی ہے۔ پی ایم ای  ڈی جی ایم ایس کے رہنما خطوط کے مطابق عمر سے قطع نظر 3 سال میں ایک بار کانکنی کی پوری آبادی کا احاطہ کرتا ہے۔ او ایچ ایس کانوں میں کام کرنے والے ملازمین کی صحت اور تندرستی کی مسلسل نگرانی کی تعمیل کرتا ہے، بشمول کنٹریکٹ ورکرز جو3 سال کی مدت میں وقتاً فوقتاً طبی معائنے کے پروگرام کے تحت آتے ہیں۔ اس سائیکل کو وقفے وقفے سے دہرایا جاتا ہے جو او ایچ ایس کو کانکنوں کی پیشہ ورانہ صحت اور تندرستی کے بارے میں مناسب نقطہ نظر رکھنے کے قابل بناتا ہے۔ پی ایم ای سینے کے ایکسرے اور پھیپھڑوں کے فنکشن ٹیسٹ جیسی مناسب تحقیقات کے ذریعے کسی بھی پیشہ ورانہ طور پر متعلقہ سانس کی بیماری کی روک تھام پر بھی توجہ مرکوز کرتا ہے۔ او ایچ ایس تمام اکائیوں کے ایگزیکٹیوز اور نان ایگزیکٹیو کے لیے احتیاطی صحت کی حکمت عملی کے طور پر ماسٹر ہیلتھ چیک اپ بھی انجام دیتا ہے۔

ایس سی سی ایل اپنے اسپتالوں میں کنٹریکٹ ورکرز کوبھی طبی علاج فراہم کرتا ہے۔

************

ش ح۔ا ک۔ن ع

U. No.2328 

(रिलीज़ आईडी: 1985956) आगंतुक पटल : 97