एनटीपीसी या भारतातील सर्वात मोठ्या एकात्मिक ऊर्जा कंपनीला, 7 डिसेंबर 2023 रोजी दूरदृश्य प्रणाली मार्फत झालेल्या प्रसारणात ब्रँडन हॉल समुहाच्या एक्सलन्स इन टेक्नॉलॉजी पुरस्कार 2023 मध्ये दोन गटांमध्ये रौप्य पुरस्कार विजेती म्हणून घोषित करण्यात आले आहे. एनटीपीसी या भारतातील सार्वजनिक क्षेत्रातील एकमेव उपक्रमाने तंत्रज्ञान पुरस्कार श्रेणीत दोन पुरस्कार पटकावले आहेत.

या कंपनीला "कॉर्पोरेट वेलबीइंग - तंत्रज्ञानातील सर्वोत्कृष्ट प्रगती" आणि “संवर्धित आणि आभासी वास्तव क्षेत्रातील सर्वोत्कृष्ट प्रगती” अशा दोन श्रेणींमध्ये हे प्रतिष्ठित पुरस्कार मिळाले आहेत. हे पुरस्कार एनटीपीसी’चा नवोन्मेष आणि तांत्रिक उत्कृष्टतेप्रति वचनबद्धता अधोरेखित करतात.

व्यक्ती-केंद्रित आरोग्य सेवा परिसंस्थेची रचना करण्यात तंत्रज्ञानाचा लाभ घेण्याच्या प्रयत्नांसाठी एनटीपीसी ने "कॉर्पोरेट वेलबीइंग - तंत्रज्ञानातील सर्वोत्कृष्ट प्रगती" पुरस्कार प्राप्त केला आहे. एनटीपीसीची विविध ठिकाणी असणारी कार्यालये आणि दुर्गमतेमुळे निर्माण झालेल्या मर्यादांवर मात करण्याच्या कामी तसेच सर्व ठिकाणी कर्मचार्‍यांना प्रभावी वैद्यकीय सेवा प्रदान करण्याच्या कामी एनटीपीसी’चे प्रयत्न लक्षवेधी ठरले. त्याचबरोबर नाविन्यपूर्ण तंत्रज्ञानाचा अवलंब करण्यात अग्रेसर असल्याबद्दल “संवर्धित आणि आभासी वास्तव क्षेत्रातील सर्वोत्कृष्ट प्रगती” श्रेणीतील रौप्य पुरस्कारही एनटीपीसी’ने जिंकला आहे.

***

M.Pange/S.Mukhedkar/P.Kor

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(रिलीज़ आईडी: 1984565) आगंतुक पटल : 117