امور خارجہ اور ثقافت کی مرکزی وزیر مملکت محترمہ میناکشی لیکھی نے آج جنوبی دہلی کے چانکیہ پوری علاقے میں وکست بھارت سنکلپ یاترا کے حصہ کے طور پر منعقد ایک پروگرام میں شرکت کی۔ اس موقع پر انہوں نے وکست بھارت کا عہد لیا اور مختلف اسکیموں کے استفادہ کنندگان سے بات چیت کی۔ اپنے خطاب میں، مرکزی وزیر نے موجودہ انتظامیہ میں گڈ گورننس کے کردار پر زور دیا اور اس بات پر زور دیا کہ حکومت اس طرح کی مہمات کے ذریعہ لوگوں تک کیسے پہنچ سکتی ہے۔ انہوں نے زور دے کر کہا کہ مودی حکومت اس بات کو یقینی بنا رہی ہے کہ انتظامیہ ضرورت مند لوگوں کی دہلیز تک براہ راست پہنچے۔ محترمہ لیکھی نے اس بات پر بھی روشنی ڈالی کہ کس طرح موجودہ حکومت نے ماضی کے گمنام جانبازوں کو سامنے لا کر ملک کی ثقافت اور ورثے کو زندہ کیا ہے۔ انہوں نے نیتا جی سبھاش چندر بوس کی انڈین نیشنل آرمی کے انٹیلی جنس یونٹ کی سربراہ نیرا آریہ کو یاد کیا۔ آزادی پسند جنگجو کو خراج تحسین پیش کرتے ہوئے، محترمہ لیکھی نے کہا، "ہمیں ہر اس شخص کو یاد رکھنے کی ضرورت ہے جنہوں نے ملک کی آزادی کے لیے جدوجہد کی۔ سڑکوں، جگہوں وغیرہ کو ان کے نام سے منسوب کرکے انہیں ہماری یادوں میں محفوظ رکھا جائے۔ انہیں فراموش نہیں کرنا چاہیے۔‘‘

مزید برآں، محترمہ میناکشی لیکھی نے اس بارے میں بات کی کہ کس طرح وزیر اعظم نریندر مودی کی حکومت سے پہلے، عام آدمی کی فلاح و بہبود کے لیے بنائی گئی اسکیمیں کبھی صحیح ہاتھوں تک نہیں پہنچیں۔محترمہ  لیکھی  نے کہا کہ بد عنوانی نے قوم کو اپنی لپیٹ میں لے لیا اور پروگراموں کے لیے مختص کی گئی رقم غلط جیبوں میں گئی۔

وکست بھارت سنکلپ یاترا کے بارے میں بات کرتے ہوئے، مرکزی وزیر نے اس بات پر زور دیا کہ یہ حکومت کا فرض ہے کہ وہ لوگوں کو پروگراموں کے بارے میں آگاہ کرے اور انہیں ان پروگراموں سے فائدہ اٹھانے کے قابل بنائے۔ اس کوشش میں کامیابی ہر شخص کی زندگی میں نظر آنی چاہیے۔ حکومت گھر گھر جا کر صحت کی جانچ کر رہی ہے اور قریبی رہائش گاہوں پر کیمپ لگا رہی ہے۔ محترمہ لیکھی نے ان لوگوں کی مدد کے لئے مرکزی حکومت کی کوششوں پر روشنی ڈالی جنہوں نے ابھی تک وزیر اعظم مودی کی طرف سے پیش کردہ ضمانتوں سے فائدہ نہیں اٹھایا ہے۔

حکومت ہند کی طرف سے شروع کیے گئے مختلف فلاحی پروگراموں کا کمال حاصل کرنے کے لیے آؤٹ ریچ سرگرمیوں کے ذریعہ بیداری پیدا کرنے کے لیے وِکسِت بھارت سنکلپ یاترا پورے ملک میں شروع کی گئی ہے۔ دہلی میں،  اس مہم کا آغاز 28 نومبر کو لیفٹیننٹ گورنر وی کے سکسینہ نے شہری آئی ای سی وین کو  ہری جھنڈی دکھا کر کیا تھا۔

مہم کے ایک حصے کے طور پر 5 خصوصی طور پر تیار کردہ آئی ای سی (انفارمیشن، ایجوکیشن اور کمیونی کیشن) وین دہلی کے 11 اضلاع میں سفر کر رہی ہیں جس میں 600 سے زیادہ مقامات شامل ہیں۔ شہری مہم کا مقصد مرکزی حکومت کی متعلقہ فلاحی اسکیموں جیسے پی ایم سواندھی، مدرا لون، اسٹینڈ اپ انڈیا اور اسٹارٹ اپ انڈیا، ڈیجیٹل ادائیگیوں کا انقلاب، پی ایم ای بس سیوا، آیوشمان بھارت، پی ایم آواس (شہری) پی ایم اجولا یوجنا  کے بارے میں بیداری  پیدا کرنا اورکمال حاصل کرنا ہے۔

ضرورت مند لوگوں کی دہلیز تک براہ راست خدمات فراہم کرنے کی مہم کے ایک حصے کے طور پر پی ایم سوانیدھی کیمپ، ہیلتھ کیمپ، آیوشمان کارڈ کیمپ، آدھار اپڈیٹیشن کیمپ، پی ایم اجولا کیمپ دہلی کے مختلف مقامات پر شہری بلدیاتی اداروں اور ضلع انتظامیہ کی طرف سے مختلف مقامات پر وین کے ذریعہ دورہ کیا جا رہا ہے۔ قومی راجدھانی کے لوگ خاص طور پر خواتین وی بی ایس وائی میں جوش و خروش سے حصہ لے رہی ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ت ع  (

3027

(Release ID: 1984553) Visitor Counter : 89