আউৎরীচ এক্তিবিতীশিংগী খুত্থাংদা এৱের্নেস পীনবা অমসুং কেন্দ্রনা হৌদোকখিবা তোঙান-তোঙানবা য়াইফ-থৌরাংগী প্রোগ্রামশিংগী সেচুরেসন ফংবা ঙম্নবা লৈবাক শিনবা থুংবদা বিক্ষিৎ ভারত সঙ্কল্প য়াত্রা কেম্পেনশিং চত্থরি। বিক্ষিৎ ভারত সঙ্কল্প য়াত্রা অসি ঝারখন্দগী খুন্তিদা পাঙথোকপা জনজাতীয় গৌরব দিবসকী থৌরমদা নবেম্বর 15দা প্রধান মন্ত্রী নরেন্দ্র মোদীনা লমথাখি। য়াত্রা অসিনা IEC ভেনশিংগী খুত্থাংদা গ্রাম পঞ্চায়ৎ অমসুং অর্বান লোকেল বোদীশিং কোনশিন্নবা অমসুং লোকেসন অমমমদা তোঙান-তোঙানবা স্কিমশিংগী কেম্পশিং পাঙথোক্নবা পান্দম থম্মি।

.কেন্দ্রগী লৌউ-শিংউ অমসুং লৌমীশিংগী য়াইফ থৌরাং মন্ত্রী শ্রী নরেন্দ্র সিংহ তোমরনা অপনবা লৈতনা ওপরেসন তৌনবগীদমক বিক্ষিৎ ভারত সঙ্কল্প য়াত্রা নুমিৎ খুদিংগী য়েংশিল্লি। শ্রী তোমরনা মীফমশিং/ভর্জুএল মীফমশিংগী খুত্থাংদা রাজ্যশিংগী নোদেল ওফিসরশিং অমসুং অতৈ মকোক থোংবা ওফিসিএলশিংদগী বিক্ষিৎ ভারত সঙ্কল্প য়াত্রাগী মরমদা ই-পাউ লৌরি। শ্রী তোমরনা হায়খি কেন্দ্র সরকারনা য়াত্রা অসিগী খুত্থাংদা জনুৱারী 26 ফাওদা গ্রাম পঞ্চায়ৎ লাখ 2.6 লোয়ননা অতোপ্পা মফমশিং কোনশিন্নবা হোৎনরি। হৌখিবা নুমিৎ নিনি অসিদা শ্রী তোমরনা গুজরাত, মহারাস্ত্র, গোৱা, দামন-দিয়ু, লক্ষদ্বীপ, অন্দমান অমসুং নিকোবরগা মীফমশিং পাঙথোকখি অমসুং হায়খি মদুদি য়াত্রা অসিগী খুত্থাংদা ইলিজিবল ওইবা বেনিফিসরীশিংনা কান্নবশিং শোইদনা লৌগদবনি অমসুং স্কিমশিং অসি মীচম মীয়ামদা য়ৌহনগদবনি। মন্ত্রীনা হায় প্রধান মন্ত্রী শ্রী মোদীনা 2047 ফাওবদা ভারতপু চাউখৎপা লৈবাক অমা ওইহন্নবা পুম্নমক্তা ৱাশকখি অমসুং মীপুম খুদিংমক্না অপুনবা প্রোগ্রাম অসি মাইপাকপা ওইহন্দুনা প্রধান মন্ত্রীগী মঙলান অসি প্রজা করোর 140গী মতেংগা লোয়ননা মঙফাওননবা হোৎনগদবনি। মন্ত্রীনা পি.এম.না লৈবাক্কী খুন্নাইগী শরুক খুদিংমকপু চাউখৎপা ভারত অমা ওইহন্নবা ফিরেপকা লোয়ননা কন্নেক্ত তৌনবা অমসুং শরুক খুদিংমক চাউখৎহনবা, মখোয়বু শক্তি পীদুনা ঐখোয়গী লৈবাক অসি 2047 ফাওবদা মপুং ফানা চাউখৎপা ঙম্নবা অমসুং ভারত ইমাবু খ্বাইদগী ৱাংবা থাক্তা য়ৌহন্নবা হোৎননবা ফিরেপ অদু নৌহৌননা নীংশিংখি।

হৌজিক্কী ওইনা য়াত্রা অসি রাজ্য/UT 26তা চত্থরি। হৌজিক ফাওবদা গ্রাম পঞ্চায়ৎ লিশিং 30রোম কোনশিনখ্রে, মসিদা মীওই লাখ 80না শরুক য়াদুনা চাউখৎপা ভারত অমা শেম্নবা ৱাশকখ্রে। য়াত্রা অসিদা দিজিতেল্লী ইনেবল ইনফোর্মেসন, এজুকেসন এন্দ কম্ম্যুনিকেসন (IEC) ভেনশিং দিপ্লোই তৌরি, মখোয়না লেপ্পা লৈতনা তুর তৌরি অমসুং রুরেল স্কিম 17 অমসুং ত্রাইবেল স্কিম 5 হেনবগী এৱের্নেস পীরি। ভেনশিং অসিনা অর্বান বোদীশিংদা অর্বান স্কিম 17কী মরমদা এৱের্নেস শন্দোক্লি। জেনরেল হেল্থ কেম্পশিং, TB স্ক্রীনিং, সিকল সেল স্ক্রীনিং কেম্পশিংগুম্বা তোঙান-তোঙানবা এক্তিবিতীশিং অমসুং সর্ভিসশিং প্রোগ্রাম অসিগী মনুংদা পাঙথোক্লি, হায়রিবা অসিদা মীওই লাখ কয়ানা থৱায় য়াওনা শরুক য়ারি। পি.এম. উজ্জ্বলা এনরোলমেন্ত, মাই ভারত ভোল্যুন্তীয়র রেজিস্ত্রেসন, আয়ুশ্মান কার্দশিং য়েন্থোকপা অসিগুম্বা কেম্পেনশিংনা প্রোগ্রাম অসিদা পাঙথোক্লি। প্রোগ্রামগী অকুপ্পা ৱারোলশিং লৌনবা IT পোর্তেল (বিক্ষিৎ ভারত সঙ্কল্প ৱেবসাইৎ) দিবেলপ তৌখ্রে মসিনা তোঙান-তোঙানবা দেশবোর্দশিং অমসুং রিপোর্তশিংগী খুত্থাংদা প্রোগ্রাম মনুংদা লৌখিবা তোঙান-তোঙানবা দেতা অমসুং ফোতো/ভিদিওশিং দিস্প্লে তৌরি।

*****