شہری ہوا بازی اور اسٹیل کے مرکزی وزیر جناب جیوترادتیہ ایم سندھیا نے کل راجیہ سبھا میں ایک ستارہ والے سوال کے ضمنی سوال کے جواب میں بتایا کہ شہری ہوا بازی کی وزارت کے لیے مسافروں کی حفاظت اور تحفظ اولین ترجیح ہے۔ مسافروں کی حفاظت کے لیے، بیورو آف سول ایوی ایشن سیکیورٹی (بی سی اے ایس) تمام ہوائی اڈوں پر چوکسی برقرار رکھتا ہے جبکہ ڈی جی سی اے نے تحفظ کو یقینی بنانے کےلیے سول ایویشن ریکوائرمنٹ (سی اے آر)جاری کی ہیں۔

جیسے ہی وزارت کو کسی مسافر کے حوالے سے اصولوں کی خلاف ورزی  کے بارے میں کوئی اطلاع ملتی ہے، متعلقہ ایئر لائنز یا ہوائی اڈے  سے اس کا جواب طلب کیا جاتا ہے۔ وزارت ہوائی اڈے یا ایئر لائنز کے ذریعہ انجام دیے گئے کسی بھی غلط کام کی صورت میں، ان کے خلاف جرمانہ عائد کرتی ہے۔

انہوں نے یہ بھی بتایا کہ پہلے 65 برسوں میں ملک میں محض74 ہوائی اڈے تھے لیکن اب ملک میں 149 ہوائی اڈے/ ہیلی پورٹ/ واٹر ایروڈوم کام کر رہے ہیں۔ جناب سندھیا نے یہ بھی کہا کہ اڑان  اسکیم کے لیے فراہم کردہ وائبلٹی گیپ فنڈنگ سے 1.3 کروڑ لوگوں کو ہوائی جہاز سے سفر کرنے میں مدد ملی ہے۔ انہوں نے مزید کہا کہ یہ حکومت کی کوشش ہے کہ سال 2030 تک ہندوستان میں 42 کروڑ لوگ ہوائی جہاز سے سفر کرسکیں۔

۔۔۔۔۔۔۔۔۔۔۔

ش ح۔ش م۔ع ن

(U: 1794)