کوئلے کی وزارت کے تحت ایک نورتن پی ایس یو این ایل سی انڈیا لمیٹڈ نے آج ہنرمندی کے فروغ کے لیے تمل ناڈو سرکار کی نوڈل ایجنسی تمل ناڈو اسکل ڈیولپمنٹ کاروپوریشن لمیٹڈ (ٹی این ایس ڈی سی) اور  ایم ایس نیتور ٹیکنالوجی ٹریننگ فاؤنڈیشن (این ٹی ٹی ایف) کے ساتھ ایک سہ فریقی مفاہمت نامے پر دستخط کئے ہیں تاکہ  بے روزگار نوجوانوں کو ہنرمندی کی تربیت فراہم کی جاسکے جس سے موجودہ صنعت کی مانگوں کو پورا کیا جاسکے۔

این ایل سی آئی ایل ، ٹی این ایس ڈی سی اینڈ این ٹی ٹی ایف نیویلی میں این ایل سی آئی ایل کے آپریٹنگ علاقوں کے   پروجیکٹ سے متاثرہ کنبوں کے 540 وارڈس کے لیے روزگار سے جڑی ہنرمندی کے فروغ کی تربیت فراہم کرے گا۔ این ایل سی آئی ایل نے  بازآبادکاری اور ری سیٹلمنٹ کے اپنے بجٹ کے تحت   اس مفت رہائشی پروگرام کے لیے 1.12 لاکھ روپئے فی امیدوار خرچ کرنے  کاعزم کیا ہے۔ اس پروگرام سے  امیدواروں کو تکنیکی اعتبار سے تربیت یافتہ بنانےمیں مددملے گی اور وہ  اہم کمپنیوں میں روزگار کے مواقع حاصل کرسکیں گے۔

اس مفاہمت نامے پر دستخط نوجوانوں کے بہبود اور کھیلوں  کی ترقی  ،خصوصی پروگرام کے نفاذ کے محکمے کے وزیر جناب  اُدھایا ندھی اسٹالن، ایگزکیٹیو ڈائرکٹر جناب پربھو کشور کے اور این ایل  سی آئی ایل و ریاستی سرکار کے دیگر سینئر عہدیداران  کی موجودگی میں کئے گئے۔

اُن پی اے ایف کو مواقع فراہم کرنے کے لیے این ایل سی آئی ایل اپنے عزم کے تئیں   اُس  کی جانب سے  شروع کی گئی  یہ ایک اور بڑی پہل ہے، جنھوں نے پروجیکٹ کی ترقی کے لیے این ایل سی آئی ایل کو اپنی زمین اورمکانات  دیئے ہیں۔

*****

U.No.1654

(ش ح – ح ا  - ر ا)