প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ইং 2024-25তগী 2025-26 ফাওবগী মতমগীদমক্তা লুপা করোর 1261 কাইথোক্তুনা নুপী সেল্ফ হেল্প গ্রুপশিংদা দ্রোন পীবগী সেন্ত্রেল সেক্তর স্কিমগী অয়াবা পীখ্রে।

স্কিম অসিনা ইং 2024-25তগী 2025-26কী মনুংদা লৌমীশিংদা লৌউ-শিংউনবা দ্রোনগী রেন্তেল সর্ভিস পীহন্নবগীদমক্তা খনগৎলবা নুপী SHGশিংদা দ্রোন 15,000 পীবগী পান্দম থম্লি।

ইকায়খুম্ননীংঙাই ওইরবা প্রধান মন্ত্রী, শ্রী নরেন্দ্র মোদীগী মঙলানগী মতুং ইন্না, স্কিম অসিনা নুপী সেল্ফ হেল্প গ্রুপ (SHG)শিংবু মপাঙ্গল হাপ্তুনা লৌউ-শিংউগী সেক্তরদা দ্রোন সর্ভিস পীদুনা অনৌবা তেক্নোলোজী পুরকপগী পান্দম থম্লি।

স্কিম অসিগী মরু ওইবা ৱারোলশিং মখাদা পীরিঃ

1. লৌউ-শিংউ অমসুং লৌমীশিংগী য়াইফ থৌরাং বিভাগ (DA&FW), খুঙ্গং চাউখৎ থৌরাং বিভাগ (DoRD), অমসুং ফর্তিলাইজর বিভাগ (DoF), নুপী SHG অমসুং লীদ ফর্তিলাইজর কম্পেনী (LFC)শিংনা হোৎনরিবশিংবু পুনশিন্দুনা তেংবাংবা হায়বা ৱাফম্বু স্কিম অসিনা অয়াবা পীরি
2. দ্রোন শিজিন্নবগী মতৌবু ইকোনোমীগী মতুং ইন্না অয়াবা পীরবা চুনবা ক্লস্তরশিংবু মশক খঙদোক্কনি অমসুং দ্রোন পীথবা য়ানবগীদমক্তা তোঙান-তোঙানবা রাজ্যশিংগী প্রোগ্রেসিব SHG 15,000বুসু মশক খঙদোক্কনি
3. দ্রোন অমসুং এক্সেসরী/এন্সিল্লরী মমলগী @80%, হায়বদি, লুপা লাখ নিপানগী সেন্ত্রেল ফাইনেন্সিএল এসিস্তেন্স অসিবুসু দ্রোন লৈনবগীদমক্তা নুপী SHGশিংদা পীথগনি। SHGশিংগী ক্লস্তর লেভেল ফেদেরেসন (CLF)না নেস্নেল এগ্রিকলচর ইনফ্রা ফাইনেন্সিং ফেসিলিতী (AIF)কী মখাদা লেমহৌরিবা শেনফম্বু (লৈবদা চঙবা অপুনবা মমলদগী সবসিদী খাইদোক্লবা তুংদা) লোন ওইনা লৌবা য়াগনি। AIF অসিদা @3%গী চাংদা শেন্দোই কোকপীগনি।
4. মহৈগী থাক মতিক চানা লোইরবা, চহি 18 অমসুং মথক ওইবা নুপী SHGগী মেম্বর অমবু SRLM অমসুং LFCনা নুমিৎ 5কী মেন্দেতরী দ্রোন ফ্লাইয়িং অমসুং অহেনবা নুমিৎ 10গী ন্যুত্রিএন্ত অমসুং পেস্তিসাইদ কাপ্পগী অপুনবা নুমিৎ 15গী ত্রেনিংগীদমক্তা খনগৎকনি। ইলেক্ত্রিক্কী পোত্থোক শেম্বা হৈবা, ফিত্তিং তৌবা অমসুং মেকানিকেল থবক হৈবী SHGগী অতোপ্পা মেম্বরবুসু স্তেত রুরেল লাইবলিহুদ মিসন (SRLM) অমসুং LFCনা খনগনি অমসুং মখোয়বু দ্রোন তেক্নিসিয়ন/এসিস্তেন্তকী ত্রেনিং পীগনি। ত্রেনিং অসি দ্রোন পীবগী পেকেজ মনুং চন্না পীগনি।
5. SHGশিংনা দ্রোন লৈবা, শেম্বা অমসুং দ্রোন কম্পেনীশিংগী খুত্থাংদা দ্রোন মেন্তেনেন্স তৌবদা থেংনবা য়াবা শিংনবশিং খন্নদুনা, LFCশিংনা দ্রোন সপ্লাইয়র অমসুং SHGশিংগী মরক্তা থোং ওইনা থবক তৌগনি।
6. LFCশিংনা নেনো য়ুরিয়া অমসুং নানো DAPগুম্বা নেনো ফর্তিলাইজরশিংবু SHGশিংনা দ্রোন শিজিন্নদুনা কাপ্পগী থৌওংবুসু হেন্না খুমাং চাউশিলহনগনি। SHGশিংনা লৌমীশিংদা দ্রোন সর্ভিস শান্দোক্কনি অমসুং নেনো ফর্তিলাইজর অমসুং পেস্তিসাইদ কাপ্পদা তেংবাংগনি।

স্কিম অসিগী মখাদা অয়াবা পীরবা থবকশিং অসিনা SHGশিংদা সস্তেনেবল কারবার পীগনি, SHG 15,000গী পুন্সি মহিং তানবদা তেংবাংগনি, অমসুং মখোয়না চহিদা অহেনবা লুপা লাখ অমগী শেন্থোক তানবা ঙমহনগনি হায়বগী থাজবা থম্লি।

স্কিম অসিনা লৌরোক হেনগৎহন্নবা, হেন্না ফবা লৌরোক ফংহন্নবা অমসুং লৌ উবগী শেল হন্থহন্দুনা লৌমীশিংদা কান্নবা পীবদা মতেং ওইগদবা তেক্নোলোজী পীবদা স্কিম অসিনা তেংবাংগনি।

***