ہندوستانی کوسٹ گارڈ کا ماورائے ساحل گشتی جہاز سجاگ، مغربی ایشیا میں آئی سی جی جہازوں کی بیرون ملک تعیناتی کے حصے کے طور پر تین روزہ دورے کے لیے 29 نومبر 2023 کو پورٹ سلطان قابوس، مسقط، عمان پہنچا۔ اس دورے کا مقصد دیرینہ سفارتی تعلقات کو مضبوط بنانا، بحری تعاون کو فروغ دینا اور رائل عمان پولیس کوسٹ گارڈ (آر او پی سی جی) اور دیگر بحری ایجنسیوں کے ساتھ باہمی تعاون کو فروغ دینا ہے۔

دورے کے دوران، متعدد سرگرمیوں اور بات چیت کا شیڈول بنایا گیا ہے جس میں پیشہ ورانہ تعاملات جیسے کہ جہاز پر تربیت اور لیکچر، بورڈ سرچ اینڈ سیزر (وی بی ایس ایس) اور میری ٹائم سرچ اینڈ ریسکیو (ایم-ایس اے آر)، کراس ڈیک وزٹ، مشترکہ یوگا سیشن، منصوبہ بندی کانفرنسیں، اور میرین پلیوشن رسپانس (ایم پی آر) کے لیے ٹیبل ٹاپ مشقیں شامل ہیں۔ کمانڈنگ آفیسر کے ذریعہ رائل عمان پولیس کوسٹ گارڈ سمیت عمان کے مختلف معززین اور سرکاری عہدیداروں سے اعزازی ملاقاتیں ہوں گی۔

عمان اور ہندوستان نے تاریخی طور پر مشترکہ اقدار اور متنوع ثقافتوں کا اشتراک کرتے ہوئے، سرگرم اور دوستانہ دوطرفہ تعلقات کو برقرار رکھا ہے۔ سالانہ منعقد ہونے والی اعلیٰ سطحی میٹنگز (ایچ ایل ایم) اور آئی سی جی جہازوں کے دوروں کے ذریعے آئی سی جی اور آر او پی سی جی کے درمیان باقاعدہ تعاملات ہوتے ہیں، جن کی رہنمائی مفاہمت کی یادداشت (ایم او یو) کی دفعات سے ہوتی ہے۔ آئی سی جی جہازوں کی بیرون ملک تعیناتی تنظیم کے دوطرفہ تعلقات کو فروغ دینے اور غیر ملکی دوست ممالک (ایف ایف سی) کے ساتھ بین الاقوامی تعاون کو مضبوط بنانے کے منصوبے کے مطابق ہے۔ اس مغربی ایشیا کی تعیناتی کے دوران، جہاز دمام، سعودی عرب، اور مینا راشد، یو اے ای میں پورٹ ملاقاتیں بھی کرنے والا ہے۔

یہ دورہ رائل عمان پولیس کوسٹ گارڈ (آر او پی سی جی)، سعودی بارڈر گارڈز اور نیول فورسز، اور یو اے ای کوسٹ گارڈز اینڈ کریٹیکل انفراسٹرکچر اینڈ کوسٹل اتھارٹی (سی آئی سی پی اے) سمیت اہم بحری ایجنسیوں کے ساتھ دو طرفہ تعلقات کو مضبوط بنانے میں اہم کردار ادا کرے گا۔ برسوں کے دوران تیار کیے گئے ان تعلقات کا مقصد عصری سمندری مسائل کو حل کرتے ہوئے خطے میں سمندروں کی حفاظت، سلامتی اور صفائی کو یقینی بنانا ہے۔ دورے کے دوران ان ایجنسیوں کے سینئر حکام اور اہلکاروں کے ساتھ مصروفیات علاقائی تحفظ اور سلامتی کو مزید بہتر بنائے گی۔

آئی سی جی ایس سجاگ کا مغربی ایشیا کا دورہ، وزیر اعظم جناب نریندر مودی کے سمندری وژن کے مطابق بحری تعاون کے ذریعے دوستانہ تعلقات کو فروغ دینے کے لیے ہندوستان کی جاری کوششوں کی نشاندہی کرتا ہے، جسے ”ساگر - خطے میں سب کے لیے سلامتی اور ترقی“ کے نام سے جانا جاتا ہے۔

 

آئی سی جی ایس سجاگ کے بارے میں

آئی سی جی ایس سجاگ او پی وی کے انڈین کوسٹ گارڈ بیڑے کا حصہ ہے، جو پوربندر، گجرات میں ہندوستان کے مغربی ساحل پر واقع ہے، اور کمانڈر کوسٹ گارڈ ریجن (نارتھ ویسٹ) کی آپریشنل کمانڈ کے تحت کام کرتا ہے۔ جہاز جدید ہتھیاروں کے نظام، سینسرز، جدید ترین نیویگیشن اور مواصلاتی نظام سے لیس ہے، جس میں سطحی اور فضائی دونوں کارروائیوں کی مدد کے لیے ایک لازمی ہیلی کاپٹر بھی شامل ہے۔ سجاگ نے ماضی میں کوسٹ گارڈ کے مختلف آپریشن کیے ہیں، جن میں کوسٹل سیکیورٹی اور آئی ایم بی ایل/ای ای زیڈ کی نگرانی، انسدادِ بین الاقوامی جرائم، اور میری ٹائم ایس اے آر اور آلودگی سے نمٹنے کے آپریشن شامل ہیں۔

********

ش ح۔ ف ش ع- م ف

U: 1570

(Release ID: 1980933) Visitor Counter : 86