ہنر مندی کے فروغ  و صنعت کاری  اور الیکٹرانکس  و آئی ٹی کے مرکزی وزیر مملکت  جناب راجیو چندر  شیکھر جمعرات کو  بینگلور پیلس میں  منعقد ہونے والے بینگلور  ٹیک سمٹ  2023  کے 26  ویں  ایڈیشن  میں شرکت کریں گے۔ وزیر موصوف  ایک گول میز کانفرنس میں  اسٹارٹ اپس  کے ساتھ  بات چیت کریں گے، جس میں  آئی ٹی ای  صنعت کے  اہم لیڈر بھی  شامل ہوں گے۔ اس کے علاوہ  ان کا سلی کون ڈیزائن انجینئرنگ ، انڈیا  کی کنٹری ہیڈ  اور سینئر وائس پریسڈینٹ  محترم جیا جگدیش  کے  ساتھ  ایک گفتگو میں بھی شرکت کریں گے۔ وہ  ایس ٹی پی آئی   آئی ٹی ایکسپورٹ ایوارڈ بھی  عطا کریں گے۔

 وزیر راجیو چندر شیکھر  دیگر  ٹیکنالوجی کے علاوہ اے آئی ، سیمی کنڈیکٹر، الیکٹرانک مینوفیکچرنگ  اور ڈیپ ٹیک جیسے شعبوں پر توجہ مرکوز کرتے ہوئے 2014  کے بعد سے  بھارت  میں اسٹارٹ اپ کے ماحولیاتی نظام  میں شاندار  فروغ  کے بارے میں بھی  اپنے  خیالات پیش کریں گے۔ وزیر موصوف  عالمی  ویلیو  اور  سپلائی چین  میں  جاری  فعال تبدیلی  کے دوران  ایک بھروسے مند ٹیک ساجھیداری  کے طور پر  بھارت کے ابھرتے ہوئے رول کو بھی اجاگر کریں گے۔

اس تین  روز کانفرنس میں  30  سے زیادہ ملکوں کے  400   سے زیادہ  مختلف شعبوں کے ماہرین  شرکت کریں گے۔ اس کانفرنس میں ، جس میں مندوبین کی تعداد  3000  سے تجاوز کر سکتی ہے، 350  شرکت کرنے والے اسٹارٹ اپس نمائش کریں گے اور  نوجوان تحقیق کاروں کے ذریعہ 100  بائیو پوسٹرس پیش کئے جائیں گے۔

اس کانفرنس کا انعقاد  حکومت کرناٹک کے الیکٹرانکس، آئی ٹی ، بی ٹی، ایس اینڈ ٹی کے محکمے  کے ذریعہ کیا جا رہا ہے، جب کہ  سافٹ ویئر ٹیکنالوجی پارکس آف انڈیا (ایس ٹی پی آئی) شریک میزبان ہیں۔  ٹیک سمٹ کے  پہلے ایڈیشن کا افتتاح ،  جسے بینگلور آئی ٹی  ڈاٹ کام کا نام دیا گیا تھا، 1998  میں اس وقت کے وزیراعظم اٹل بہاری  واجپئی نے کیا تھا۔

۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح- وا - ق ر)

U-1559

(Release ID: 1980889) Visitor Counter : 63