गोंय/मुंबई, 28 नोव्‍हेंबर 2023

 

पणजेच्या सुरम्य दर्यादेगेर भांगराळ्या चकचकीत दर्यात  सुर्याचो अस्त जालो, तेन्ना भारतीय आंतरराष्ट्रीय चित्रपट महोत्सवाचीय 54वी आवृत्ती सोंपली, तातूंत सिनेमाच्या उत्कृश्टताय आनी आकर्शणाच्या प्रतिध्वनींनी दर्यादेगेर प्रतिध्वनी आयले. एक लकलकीत समारोप सुवाळ्यान हो महोत्सव आयज सोपलो. तातूंत चित्रपट आनी मनरिजवणेच्या क्षेत्रांतल्या नामनेच्या व्यक्तींचो, चित्रपट निर्माते आनी दिग्गजांचो आसपाव आशिल्लो.

अब्बास अमीनी हाच्या ‘एंडलेस बॉर्डर्स’ ह्या फार्सी फिल्माक 54व्या इफ्फित उत्कृश्ट चित्रपट म्हूण  भांगराळो मोर पुरस्कार फावो जालो 

अब्बास अमीनी हाणें दिग्दर्शीत केल्ल्या एन्डलेस बॉर्डर्स ह्या फार्सी चित्रपटाक ५४व्या इफ्फीत उत्कृश्ट चित्रपटाचो भांगराळो  मोर पुरस्कार  फावो जालो. तुमी स्वताचेर लादतात तीं भावनीक आनी नैतीक शिमो शारिरीक शिमे परस चड गुंतागुंतीचीं आसूं येतात, अशें ह्या चित्रपटांत दाखयलां, अशें जूरीन निरिक्षण केलें.

बल्गेरियन दिग्दर्शक स्टीफन कोमांडरेवाक उत्कृश्ट दिग्दर्शक म्हणून सिल्वर पीकॉक फावो जालो 

बल्गेरियन दिग्दर्शक स्टीफन कोमांडरेवाक ताच्या ब्लागा’स लेसन ह्या सिनेमा खातीर उत्कृश्ट दिग्दर्शक म्हणून सिल्वर पीकॉक फावो जाला.  स्टीफन कोमांडरेव एक बायलेच्या पात्रांतल्यान एक बळिश्ट आनी धक्को दिवपी धडो सांगता, जाका आपलीं ध्येयां साध्य करपाचो निर्णय घेवचो पडटा आनी अशें करतना तिच्या मुल्यांकडेन तडजोड करची पडटा, अशें जूरीन सांगले. स्टीफन कोमांडरेवा वतीन ब्लागा लेसनांतल्या एली स्कोर्चेवा आनी रोझालिया अबगारियन अभिनेत्रींक हो पुरस्कार फावो जालो. गोंयचे मुख्यमंत्री प्रमोद सावंत, तुर्की दिग्दर्शक नूरी सेलन, ऑस्ट्रेलियन फिल्म निर्माती हेलन लीक आनी फिल्म अभिनेत्री इशा गुप्ता हांणी हें इनाम भेटयलें.

पौरिया रहीमी सॅम हाका उत्कृश्ट अभिनय (दादलो) खातीर सिल्वर पीकॉक पुरस्कार फावो जालो

अब्बास अमीनी हाणें दिग्दर्शित केल्ल्या फार्सी फिल्म एन्डलेस बॉर्डर्स ह्या सिनेमांतल्या भुमिके खातीर इराणी अभिनेतो पौरिया रहीमी सॅम हाका उत्कृश्ट अभिनेतो म्हणून वेंचून काडला. “आव्हानात्मक शूटिंग परिस्थितींत अभिनय करपाचे गिरेस्तकायेखातीर आनी आपल्या जोडीदारांक, भुरग्यां कडेन आनी व्हडल्या लोकांकडेन संवाद सादपा खातीर,” अशे जूरीन ह्या अभिनेत्याक वेंचून काडताना सांगले.  

The 'Best Actor (Male)' Award goes to 'Pouria Rahimi Sam' 🏆#IFFI #IFFI2023 pic.twitter.com/6gk8zDesYa

— PIB India (@PIB_India) November 28, 2023

 

मेलानी थियरी हांका उत्कृश्ट अभिनय (बायल) खातीर सिल्वर पीकॉक पुरस्कार फावो जालो

फ्रेंच अभिनेत्री, मेलानी थियरी हांकां पार्टी ऑफ फूल्स ह्या सिनेमांतल्या आदर्श भुमिकेखातीर उत्कृश्ट अभिनय (बायल) खातीर सिल्वर पीकॉक फावो जालो. अभिनेत्रीन केल्ल्या अभिव्यक्तींचो आवांठ प्रेक्षकांक आशे सावन निराशा मेरेनच्यो सगळ्यो भावना सूक्ष्मपणान दिता, जे तिच्या पात्राच्या प्रवासांत मेळटात, अशी जूरीन टिप्पणी केली. इन्स्टिट्यूट फ्रॅंकेसची ज्युलिएट ग्रांडमॉंट हाणी मेलानी थियरी वतीन गोंयचे मुख्यमंत्री प्रमोद सावंत, फिल्म निर्मातो जेरोम पैलार्ड आनी प्लेबॅक गायक आनी फिल्म स्कोअर संगीतकार, हरिहरन हांचे कडल्यान हो पुरस्कार स्वीकारलो.

भारतीय फिल्म निर्मातो रीषभ शेट्टी हाका ‘द स्पेशल ज्युरी’ पुरस्कार

भारतीय फिल्म निर्मातो रीषभ शेट्टी हाका समीक्षकांनी प्रशंसीत केल्ल्या, कांतारा फिल्मा खातीर ‘द स्पेशल ज्युरी’ पुरस्कार फावो जाला. दिग्दर्शकाची  एक भोव म्हत्वाची काणी मांडपाची तांक, जूरीन तोखणाय केली. “हो चित्रपट जरी रानांतल्या संस्कृतायेंत रुजला, तरी संस्कृताय आनी समाजीक दर्ज्याची पर्वा करिनासतना प्रेक्षकां मेरेन पावता,” असो जूरीन उल्लेख केला. गोंयचे मुख्यमंत्री प्रमोद सावंत, स्पॅनिश सिनेमाटोग्राफर जोसेफ लुईस आल्केन आनी फ्रेंच फिल्म निर्मातो आनी इफ्फी जूरी वांगडी, कॅथरीन दुस्सार्ट हांणी हो पुरस्कार भेटयलो.

The 'Special Jury Award' at #IFFI54 goes to Indian Actor @shetty_rishab🏆💪#IFFI #IFFI2023 pic.twitter.com/MSDt851fnH

— PIB India (@PIB_India) November 28, 2023

 

रेगर आझाद काया हांका दिग्दर्शकाच्या उत्कृश्ट पदार्पणाचो  फिचर फिल्म पुरस्कार फावो जालो

सिरियाच्या अरब प्रजासत्ताकांतल्या आशादायक फिल्म निर्मात्याक, रेगर आझाद काया हाका व्हेन द सीडलिंग्स ग्रो ह्या सिनेमा खातीर दिग्दर्शकाच्या उत्कृश्ट पदार्पणाच्या फिचर फिल्माचो पुरस्कार फावो जाला. ह्या सिनेमांत एक काणी सांगल्या, जी एक बापूय, धूव आनी गमावल्ल्या भुरग्याच्या जिवितांतलो एक दीस आमकां ल्हान ल्हान घडणुकांच्या क्रमांतल्यान, दाखोवपाक येसस्वी जाता, असो उल्लेख जूरीन केलो.

अँथनी चेन हाच्या ड्रिफ्ट फिल्मान आयसीएफटी-युनेस्को गांधी पदक मेळयलें

अँथनी चेन हाणें दिग्दर्शीत केल्ल्या फ्रेंच, ब्रिटीश आनी ग्रीक सहनिर्मितीच्या ड्रिफ्ट फिल्माक आयसीएफटी-युनेस्को गांधी पदक मेळ्ळां. जिविताच्या अनिश्चिततायेंतल्यान व्हांवून वचून, अनपेक्षीत बंधनां कशीं निर्माण जावंक शकतात, हाचें चित्रण करपी चित्रपट आशेचीं आनी लवचीकपणाचीं रेखां काडटा, अशें जूरीन निरिक्षण केलें.

हॉलीवूड अभिनेते/निर्माते मायकल डग्लस हांका सत्यजीत रे जीणेगौरव पुरस्कार

हॉलीवूडांतले नामनेचे अभिनेते आनी निर्माते मायकल डग्लस हांका समारोप सुवाळ्यांत प्रतिश्ठीत सत्यजीत रे जीणेगौरव पुरस्कारान भौमानीत केले.  हो पुरस्कार मेळोवन मायकल डग्लसान म्हणलें, “हो पुरस्कार, करिअर जिवितांतलें  कामगिरीक  एक व्हडलो भोवमान. ह्या पुरस्काराची खबर आयकून म्हजें कुटुंब आनी हांव उमेदीन भल्लें.”

Global Cinema legend Michael Kirk Douglas receives felicitations from Goa CM @DrPramodPSawant as he won the Satyajit Ray Lifetime Achievement Award for Excellence in Cinema#IFFI #IFFI2023 pic.twitter.com/T52EuAhVEN

— PIB India (@PIB_India) November 28, 2023

 

सांस्कृतीक कला अभिव्यक्ती वरवीं लोकांक एकठांय हाडपाची आनी रुपांतर करपाची तांक सिनेमांत आसा, अशें अभिनेत्यान सांगलें. सिनेमाची जागतीक भास पयलीं परस संवसारीक जाल्या, हाचेर भर दितना दोन फावटीं ऑस्कर विजेत्या ह्या अभिनेत्यान सांगलें की, सिनेमा निर्मितीची जादू आनी सांस्कृतीक कला अभिव्यक्तीची याद करून दिवपी, काळ, भास आनी भूगोल म्हळ्यार भारताचो आंतरराष्ट्रीय चित्रपट महोत्सव (इफ्फी). डग्लस हाणी भारतीय सिनेमाची तोखणाय करततना आरआरआर, ओम शांति ओम आनी लंच बॉक्स हे ताचे आवडीचे कांय भारतीय चित्रपट अशे सांगले.

तशेंच मायकल डग्लसाची घरकान्न, नामनेची अभिनेत्री कॅथरीन झीटा जोन्स हिचोय भोवमान केलो. भारतांत तांकां मेळिल्ली उदारताय आनी आतिथ्य पळोवन काळजाक खोस भोगली, अशें कॅथरीन हांणी सांगलें.

पंचायत सीझन 2 हाकां बेस्ट वेब सीरीज (ओटीटी) पुरस्कार

दीपक कुमार मिश्रा हांणी दिग्दर्शीत केल्ल्या, पंचायत सीझन 2 हाकां बेस्ट वेब मालिकेचो (ओटीटी) नव्यान सुरू जाल्लो पुरस्कार फावो जालो. उत्तर प्रदेशांतल्या फुलेरा ह्या पयसुल्ल्या काल्पनीक गांवांत चड बरे नोकरी पर्याय नाशिल्ल्यान, पंचायत सचीव म्हणून काम करपी अभियांत्रिकी पदवीधराच्या जिविताचो इतिहास ह्या मालिकेंत बरयला.

मालिकेचे संचालक दीपक कुमार मिश्र, मालिकेचे निर्माते आनी द व्हायरल फीवर टीव्हीएफचे अध्यक्ष, विजय कोशी आनी प्रायम व्हिडियोचे कंटेंट लायसन्सिंग संचालक मनीष मेंघानी हांकां गोंयचे मुख्यमंत्री डॉ. सावंत कडल्यान हो पुरस्कार फावो जालो. अभय पन्नू हाणें दिग्दर्शीत केल्ल्या रॉकेट बॉयज सीझन 1 चो ह्या वर्गांत खाशेलो उल्लेख आसा.

उल्लेखनीय पयल्या आनी ग्राउंड ब्रेकिंग कृतींनी भरिल्ली इफ्फि: केंद्रीय म्हायती आनी वितरावणी मंत्री

समारोप सुवाळ्यांत व्हिडियो संदेश दितना, केंद्रीय म्हायती आनी वितरावणी, खेळ आनी तरणाटे वेव्हार मंत्री अनुराग सिंग ठाकुर हांणी सांगलें की, भारताच्या आंतरराष्ट्रीय चित्रपट महोत्सवाची 54वी आवृत्ती ही विविधतायेंतल्या एकचाराची परब मनोवपाची भावना आशिल्ली, तातूंत... ‘वसुधैव कुटुंबकम: एक धर्तरी, एक कुटुंब एक फुडार’, संवसारभरांतले सृजनशील मन, चित्रपट निर्माते, सिनेमा मोगी, आनी संस्कृतीक मोगी एकठांय हाडटा. इफ्फीची ही आवृत्ती खऱ्यांनीच असामान्य आशिल्ली, उल्लेखनीय पयल्या आनी ग्राउंड ब्रेकिंग कृतींनी भरिल्ली, जी फिल्म निर्मितींतली सगळ्यांत बरी गजाल दाखयतली”, अशें तांणी सांगलें.

समावेशकता आनी सुलभतायेचे यत्नांचेर भर दितना मंत्री ठाकूर हांणी सांगलें की, वेगवेगळ्या सक्षम चित्रपट मोगीं खातीर चित्रपट खासा क्युरेट केल्ले, जाका लागून तांकां सांकेतिक भास आनी ऑडियो वर्णनाच्या आदारान व्हडल्या पडद्याचेर सिनेमाची सोबीतकाय पळोवंक मेळटली. “बायलांनी  दिग्दर्शीत केल्ल्या 40 परस चड सिनेमांचो आस्पाव करपाची खात्री करून घेतली आनी तांच्या प्रतिभेची परब मनयली”, अशें तांणी सांगलें.

"We curated the screenings of about 250 films that is close to 30,000 minutes of viewing across 68 international and 17 Indian languages from 78 countries worldwide, 23 masterclasses and In conversation sessions were held which were accessible not just physically, but virtually… pic.twitter.com/b2JAFzHixo

— PIB India (@PIB_India) November 28, 2023

 

पोरन्या क्लासिकांक परतून हाडपा खातीर राष्ट्रीय चित्रपट दायज मिशनाच्या यत्नांक परबीं दितना मंत्री ठाकूर हांणी सांगलें की, भारताच्या फुडल्या पिळग्यांक ह्या व्हड लोकांचे काम, आनंद आनी प्रेरणा मेळची हाची खात्री करून 4K डिजिटल स्वरूपांत जायत्या भाशांचे 5 हजारां वयर चित्रपट आनी डॉक्युमेंटरी परतून मेळटले.

पोरन्याची राखण करप आनी नव्याक चालना दिवप ह्या दोट्टी मिशनाचेरूय मंत्री ठाकूर हाणी भर दिलो. “‘75 क्रिएटिव्ह माइंड्स ऑफ टुमॉरो’ खाला जाल्ल्या ‘फिल्म चॅलेंजात तरणाट्या प्रतिभेचे दर्शन जाले. तरणाट्या सृजनशील मनांनी सादर केल्ले चित्रपट विचार करपासारके आशिल्ले आनी तातूंत पर्यावरणाची राखण आनी तिगोवन दवरपाचो एक सामको म्हत्वाचो विशय आशिल्लो. उल्लेखनीय म्हणल्यार 75 क्रिएटिव्ह माइंडांतल्या 45 जाणांक पयलींच ह्या क्षेत्रांतल्या मुखेल कंपनींक आपले विचार सादर करपाची संद मेळ्ळ्या. एनएफडीसी फिल्म बाजारान आपलें क्षितीज वाडयलें, विंगड विंगड आंतरराष्ट्रीय प्रेक्षकांक येवकार दिलो आनी पार-संस्कृतीक सहकार्याक पोसवण दिली. ‘व्हीएफएक्स अँड टेक पॅव्हिलियन’ आनी डॉक्युमेंटरी विभागाची वळख करून दितना, नवनिर्माण आनी नॉन फिक्शन कथा सांगपाचें प्रदर्शन जालें, अशें तांणी सांगलें.

केंद्रीय मंत्री ठाकुर हांणी 2023 वर्सा खातीर सत्यजीत रे जिणेगौरव पुरस्कार मेळिल्ल्या खातीर श्री. मायकल डग्लस हांका परबीं दिली आनी इफ्फींत हो खीण सगळ्यां खातीर खाशेलो करपा खातीर तांकां सांगात दिवपी, सुश्री कॅथरीन जीटा जोन्स हांचे उपकार मानले. तशेंच गोल्डन पीकॉक पुरस्कार आनी इफ्फीत पयलेच खेपे बेस्ट वेब मालिका (ओटीटी) पुरस्कार विजेत्यांक तांणी परबीं दिली.

गोंय फिल्म इंडस्ट्री खातीर स्वर्ग करपाक कटिबद्ध: गोंयचे मुख्यमंत्री प्रमोद सावंत

सोयऱ्यांक येवकार दितना, गोंयचे मुख्यमंत्री प्रमोद सावंत हांणी सांगलें, गोंयांत जाल्ली 54वी इफ्फी ही कलाकुसरीच्या उत्सवाचो सोद घेवपाचो प्रवास आनी कथा सांगपाच्या बळग्याची गवाय जावन आसा. “विविध आवाज एकठांय येतात आनी सिनेमा उत्कृश्टताय फुलता, अशा समावेशक वातावरणाक पोसवण दिवपाची आमची वचनबद्धताय ह्या वर्साची आवृत्ती जाल्या. 75 परस चड देशांतले चित्रपट दाखोवपी इफ्फी सिनेमाच्या विविधतायेचें आनी जिवंतपणाचे खरे प्रतिबिंब जाला, अशें तांणी सांगलें.

गोंयच्या फिल्म निर्मात्यांक आपली प्रतिभा आनी सृजनशीलताय दाखोवपाक एक मंच दिवन, राज्याचें सांस्कृतीक दायज दाखोवन दिल्ल्यान, हो महोत्सव गोंया खातीर खासा खाशेलो आसा, अशेंय श्री सावंत हांणी सांगलें. अंदूंच्या फिल्म फेस्टिवलांत गोंयच्या फिल्म निर्मात्यांचो वांटो, खऱ्या अर्थान उल्लेखनीय आसा, अशें तांणी सांगलें.

शुटींग करपाक येवपी विदेशी  फिल्म निर्माते विशीं राज्याची वचनबद्धताय बळकट करून मुख्यमंत्र्यान सांगलें, पाचवी रानां, न्हंय, धबधबे, गांव आनी टेरेस भाताच्या शेतांक लागून, गोंयांत पारंपारीक आनी आधुनीक परिस्थितीची भरसण आशिल्ल्यान हे चित्रपट निर्मात्यांचें स्वर्ग जातलें. “राज्यांत फिल्मांचें शुटींग करपाची सुगम पद्दत विंगड विंगड सुवातींनी प्रवेश मेळोवपा खातीर त्रास मुक्त परवानगी दिता. गोंयचो प्रदेश फिल्म इंडस्ट्री खातीर स्वर्ग करपाक, हांव कटिबद्ध आसा. अत्याधुनीक तंत्रज्ञान दिवपी मुळावी बांदावळ तयार करपाची आनी आंतरराष्ट्रीय चित्रपट निर्मात्यांक प्रोत्साहन दिवपाची येवजण सुरू आसा”, अशें तांणी विस्तारान सांगलें.

संघर्श आनी झुजां मदीं संवसारभर कितें घडटा ताच्या संदर्भांत आमसच्यो काणयो सांगप, खूब म्हत्वाचें आशिल्ल्यान चित्रपट महोत्सव म्हत्वाचो, अशें इफ्फीच्या आंतरराष्ट्रीय जूरीचे अध्यक्ष शेखर कपूर हांणी सांगलें. “आमी जशे आसात, तश्योच आमच्यो काणयो आसता.  कथा  मनीस जावपा विशीं आसता. मनीस जावप हें आमचें मुळावें आंग. आमी आमच्यो काणयो एकामेकांक सांगल्यार, लोक शिमेभायर आयकतले आनी एकामेकांक समजतले”, अशें तांणी सांगले

एनएफडीसीचे वेवस्थापकीय संचालक, पृथुल  कुमार हांणी उपकार मानले. समारोप सुवाळ्यांत गोंय मनरिजवण सोसायटीच्यो उपाध्यक्ष, दिलायला लोबो, गोंयचे मुखेल सचीव, डॉ. पुनीत कुमार गोयल, गोंय मनरिजवण सोसायटीची सीईओ, अंकिता मिश्रा आनी हेर मानेस्तांनीय वांटो घेतलो. मंदिरा बेदीन  ह्या सुवाळ्याचे सूत्रसंचालन केले. अमित त्रिवेदी आनी आयुष्मान खुराना सारकिल्या स्टार कलाकारांनी कांय अदभूत सादरीकरण  केले.

 

 

* * *

PIB Mumbai | S.Jan/M.Prabhugaonkar/D.Rane

(Release ID: 1980616) Visitor Counter : 114