0 3

ଗୋଆର ୫୪ତମ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫ୍ଏଫ୍ଆଇ)ରେ ଆଜି ହିନ୍ଦୀ ଚଳଚ୍ଚିତ୍ର ଅଭିନେତ୍ରୀ ରାଣୀ ମୁଖାର୍ଜୀଙ୍କ ସହ 'ଶକ୍ତିଶାଳୀ ପ୍ରଦର୍ଶନ' କରିବା ବିଷୟରେ ଏକ ଆକର୍ଷଣୀୟ ଅଧିବେଶନ ଅନୁଷ୍ଠିତ ହୋଇଥିଲା। ଗାଲାଟ୍ଟା ପ୍ଲସର ମୁଖ୍ୟ ସମ୍ପାଦକ ତଥା ଜାତୀୟ ପୁରସ୍କାର ବିଜେତା ଚଳଚ୍ଚିତ୍ର ସମାଲୋଚକ ବରଦ୍ୱାଜ ରଙ୍ଗନଙ୍କ ସଂଯୋଜନାରେ ଆୟୋଜିତ ଏହି ସୁନ୍ଦର ଆଲୋଚନାରେ ମୁଖାର୍ଜୀଙ୍କ ଜୀବନ ଓ ଚମତ୍କାର କ୍ୟାରିୟର ଉପରେ ଆଲୋକପାତ କରାଯାଇଥିଲା।

ନିଜ ସିନେମା ଯାତ୍ରା ବିଷୟରେ ରାଣୀ କହିଛନ୍ତି ଯେ ସେ ସର୍ବଦା ଭାରତୀୟ ମହିଳାଙ୍କୁ ଶକ୍ତିଶାଳୀ ଚରିତ୍ର ଭାବରେ ଚିତ୍ରଣ କରିବାକୁ ଚେଷ୍ଟା କରିଥିଲେ । ଭାରତ ବାହାରେ ଚଳଚ୍ଚିତ୍ର ଏବଂ ଏହାର ଚରିତ୍ରକୁ ଆମର ଭାରତୀୟ ସଂସ୍କୃତିର ପ୍ରସ୍ତୁତି କରୁଥିବା ଝଲକ ଭାବରେ ଦେଖାଯାଇଯାଏ ।

ନିଜ କଳା ପ୍ରତି ପ୍ରତିବଦ୍ଧତାର ଗୁରୁତ୍ୱ ଉପରେ ଗୁରୁତ୍ୱରୋପ କରି ଏହି ଦକ୍ଷ ଅଭିନେତ୍ରୀ କହିଛନ୍ତି, "ସବୁବେଳେ ଦୃଢ଼ ଚଳଚ୍ଚିତ୍ର ଏବଂ ଭୂମିକା ସହିତ ଠିଆ ହେବା ଜରୁରୀ । ବେଳେବେଳେ ଆପଣ ସେହି ସମୟରେ ଦର୍ଶକଙ୍କ ପ୍ରଶଂସା ପାଇନଥାନ୍ତି । କିନ୍ତୁ ସିନେମା ଇତିହାସରେ ଏଭଳି ଫିଲ୍ମ ଏବଂ ଚରିତ୍ର ନିଜ ସ୍ଥାନ ନେଇଥାନ୍ତି।

ରାଣୀ ମୁଖାର୍ଜୀ ମଧ୍ୟ ଜଣେ ଅଭିନେତାର ବହୁମୁଖୀ ପ୍ରତିଭାର ଅଧିକାରୀ ହେବାର ମହତ୍ତ୍ୱ ଉପରେ ଆଲୋକପାତ କରିଥିଲେ। ଏହାର ମହତ୍ତ୍ୱ ବିଷୟରେ ବର୍ଣ୍ଣନା କରି ସେ କହିଛନ୍ତି, "ଯଦି ଜଣେ ଅଭିନେତା ବହୁମୁଖୀ ଅଟନ୍ତି, ତେବେ ସେମାନେ ଜୀବନର ବିଭିନ୍ନ ଦିଗକୁ ଚିତ୍ରଣ କରିପାରିବେ । ମୁଁ ମୋ ଚରିତ୍ରକୁ ଯେତେ ବିବିଧ କରିପାରିବି, ଏହା ଦର୍ଶକ ପାଇଁ ଏବଂ ମୋ ପାଇଁ ଅଧିକ ଆକର୍ଷଣୀୟ ହୋଇଥାଏ | ଚରିତ୍ରରେ ଥିବା ଏହି ବିବିଧତା ମଧ୍ୟ ମୋତେ ପ୍ରେରଣା ଦେଇଥାଏ।

ଚରିତ୍ର ଚିତ୍ରଣର ଜଟିଳତା ବିଷୟରେ ସୂଚନା ଦେଇ ରାଣୀ କହିଛନ୍ତି, "ନିର୍ଦ୍ଦିଷ୍ଟ ଭୂମିକା କରିବା ପାଇଁ ଅଭିନେତାମାନେ ପ୍ରାୟତଃ ବାସ୍ତବ ଜୀବନର ଲୋକଙ୍କୁ ଭେଟି ନିଜର ଶାରୀରିକ ବୈଶିଷ୍ଟ୍ୟ ଠିକ୍ କରିଥାନ୍ତି। କିନ୍ତୁ ସେମାନେ କେଉଁ ସବୁ ଭାବନା ଦେଇ ଗତି କରୁଛନ୍ତି ତାହା ମଧ୍ୟ ଜାଣିବା ଜରୁରୀ । ଚଳଚ୍ଚିତ୍ରର ଏକ ଦୃଶ୍ୟକୁ ଯାହା ଅଲଗା କରିଥାଏ ତାହା ହେଉଛି ଦୃଶ୍ୟ ପଛରେ ଥିବା ଭାବନା । ଏହା ଦର୍ଶକଙ୍କ ହୃଦୟରେ ପହଞ୍ଚିବା ପାଇଁ ଭାବନାକୁ ଚିତ୍ରଣ କରିବା ଜରୁରୀ।

ଫିଲ୍ମ ଇଣ୍ଡଷ୍ଟ୍ରିରେ ବୟସବାଦ ପ୍ରସଙ୍ଗରେ ଜଣାଶୁଣା ଅଭିନେତ୍ରୀ ମତ ଦେଇଛନ୍ତି ଯେ ଅଭିନେତାମାନେ ସେମାନଙ୍କ ବୟସକୁ ସ୍ୱୀକାର କରିବା ଆବଶ୍ୟକ ଏବଂ ଦର୍ଶକଙ୍କୁ ଗ୍ରହଣ କରିବା ପାଇଁ ସେମାନଙ୍କ ବୟସ ଅନୁଯାୟୀ ଭୂମିକା ଗ୍ରହଣ କରିବା ଆବଶ୍ୟକ । ସେ ଆହୁରି ମଧ୍ୟ କହିଛନ୍ତି ଯେ ଦର୍ଶକ ତାଙ୍କୁ ଫିଲ୍ମ ଇଣ୍ଡଷ୍ଟ୍ରିରେ ବୟସବାଦ ଏବଂ ଅନ୍ୟାନ୍ୟ ପ୍ରତିବନ୍ଧକ ଭାଙ୍ଗିବାରେ ସାହାଯ୍ୟ କରିଥିଲେ ।

ନିଜ ବ୍ୟକ୍ତିଗତ ଭାବନାକୁ ବାଣ୍ଟି କରି ରାଣୀ କହିଛନ୍ତି, "ମୁଁ ବୟସକୁ ବିଶେଷ ଗୁରୁତ୍ୱ ଦେଉନାହିଁ ଏବଂ ମୋ ଚରିତ୍ରକୁ ମୁଁ ନ୍ୟାୟ ଦେବାକୁ ଚେଷ୍ଟା କରିଥାଏ। ଯଦି ଆପଣ ନିଜେ ନିଜ ଦ୍ଵାରା ଅଭିନୟ କରୁଥିବା ଚରିତ୍ର  ଭଳି ଦେଖାଯାଆନ୍ତି ତେବେ ଲୋକଙ୍କୁ ଚରିତ୍ର ଉପରେ ବିଶ୍ୱାସ କରାଇବା ପାଇଁ ଆପଣ ୫୦ ପ୍ରତିଶତ ଲଢ଼େଇ ସେହି ସମୟରେ ଜିତିଯାଇଥାଏ।

ନିଜ ଯାତ୍ରାରେ ସନ୍ତୋଷ ବ୍ୟକ୍ତ କରି ଏହି ଜଣାଶୁଣା ଅଭିନେତ୍ରୀ ପ୍ରକାଶ କରିଛନ୍ତି ଯେ ସେ ତାଙ୍କ ସିନେମା ଜୀବନରେ କୌଣସି ଚରିତ୍ର କରିବା ପାଇଁ କେବେ ଅନୁତାପ କରନ୍ତି ନାହିଁ । କିନ୍ତୁ ଏହା ଦୁର୍ଭାଗ୍ୟଜନକ ଯେ ଡେଟ୍ ଟକ୍କର କାରଣରୁ ମୁଁ ଆମୀର ଖାନଙ୍କ ପ୍ରଥମ ପ୍ରଡକ୍ସନ ଫିଲ୍ମ 'ଲଗାନ'ର ଅଂଶ ହୋଇପାରିନଥିଲି।

'କୁଛ୍ କୁଛ ହୋତା ହୈ'ର'ଟିନା ମାଲହୋତ୍ରା'ରୁ ଆରମ୍ଭ କରି'କଭି ଅଲଭିଦା ନା କହନା'ରେ'ମାୟା ତଲୱାର' ଏବଂ ଶ୍ରୀମତୀ ଚାଟାର୍ଜୀ ଭର୍ସେସ ନରୱେରେ ' ଦେବିକା ଚାଟାର୍ଜୀ' ପର୍ଯ୍ୟନ୍ତ ରାଣୀ ମୁଖାର୍ଜୀ ଶତାଧିକ ସୁନ୍ଦର ଚରିତ୍ରରେ ଦର୍ଶକଙ୍କୁ ଆକର୍ଷିତ କରିଛନ୍ତି। ସେ ଅଭିନୟ କରିଥିବା ତାଙ୍କ ପ୍ରିୟ ଚରିତ୍ରର ପ୍ରଶ୍ନରେ ସେ ପ୍ରକାଶ କରିଛନ୍ତି ଯେ ଚଳଚ୍ଚିତ୍ର 'ବ୍ଲାକ୍'ର ଚରିତ୍ର ତାଙ୍କ ହୃଦୟର ସବୁଠାରୁ ନିକଟତର, ଏହି ଚରିତ୍ର ତାଙ୍କୁ ପରିବର୍ତ୍ତନ କରିଛି ଏବଂ ତାଙ୍କୁ ଜଣେ ଉତ୍ତମ ମଣିଷ ହେବାରେ ସାହାଯ୍ୟ କରିଛି। 'ବ୍ଲାକ୍'ରେ 'ମିସେଲ୍ ମ୍ୟାକନେଲି'ର ଚରିତ୍ର ମୋତେ ସଙ୍ଗେ ସଙ୍ଗେ ପ୍ରେରଣା ଓ ଚ୍ୟାଲେଞ୍ଜ କରିଥିଲା। 'ମେହେନ୍ଦି'ର ଚରିତ୍ର ମଧ୍ୟ ମୋତେ ସଶକ୍ତ କରିଛି ବୋଲି ସେ କହିଛନ୍ତି।

*****

NS/SLP