গৱা, 24 নবেম্বর 2023

গৱাদা পাংথোক্লিবা ইন্তরনেস্নেল ফিল্ম ফেস্তিবেল ওফ ইন্দিয়াগী হৌজিক চত্থরিবা 54শুবা এদিসন্দা খনগৎলবা ফিল্ম 15না প্রেস্তিজিয়স গোল্দন পীকোক এৱার্দকীদমক অথোই অহেন তান্নগনি। থোইদোক হেন্দোকপা ফিল্মশিংগী ফজরবা পরিংদা ইন্তরনেস্নেল ফিল্ম 12 অমসুং ইন্দিয়ন ফিল্ম 3 য়াওরি।

ফিল্মমেকিংদা থোইদোক হেন্দোকপা রিকোগনাইজ তৌরদুনা, গোল্দন পীকোক এৱার্দ মালেমগী য়াম্না ইকায় খুম্নবা ফিল্ম ওনরশিংগী মরক্তা অমনি। চহি অসিগী জুরীদা স্পেনিশ সিনেমাতোগ্রাফর জোস লুইস অল্কাইন, ফ্রেন্স ফিল্ম প্রদ্যুসর জেরোম পাইলার্দ অমসুং কেথরিন দুসার্ত, ওস্ত্রেলিয়ান ফিল্ম প্রদ্যুসর হেলেন লীক, লোয়ননা জুরীগী চিয়রপর্সনসু ওইরিবা শক্নাইরবা ইন্দিয়ন ফিল্মমেকর শেখর কপুরগুম্বা সিনেমা ইন্দস্ত্রীগী ভেতরানশিং য়াওরি।

চহি অসিগী কম্পিতিসনদা খ্বাইদগী ফজবা অদু উৎনবা ৱাশকপনা মংজৌননা থৌরালি, মসিদা মখাগী ফিল্মশিং মনুং চল্লি:

1. ৱুমেন ওফ (ওরিজিনেল তাইতল- কোবিতা জেদ)

ৱুমেন ওফ অসি মালগোর্জাতা জুমোস্কা অমসুং মাইকেল এংলর্তনা ইবা অমসুং দাইরেক্সন পীবা 2023 পোলিশ-স্বিদিশ দ্রমা ফিল্ম অমনি। দ্রমা অসি কমুনিজমদগী কেপিতেলিজমদা পোলিশ ত্রান্সফোর্মেসনগী লেন্দস্কেপতা শাগৎপনি। 

2. দি অদর ৱিদো (ওরিজিনেল তাইতল- পাইলগেশ)

ইজরেলগী দাইরেক্তর মায়ন রিপকী অহানবা ফিল্ম অসি মোদর্ন সিঙ্গল ৱুমেন এলাগী মরমদা দার্ক, কোমেদিক কমিং-ওফ-এজ ৱারী অমনি। এলা মহাক্কী নুংশিজবনা খংহৌদনা লৈখিদবগী চৈথেং নংলবী চহি 34গী থিয়েতর দ্রেসর মিসত্রেসনি। মহাক্না মহাক্কী শাবাহ (য়হুদীগী অৱাবা ফোংদোকপা লাইশোন থৌরম) তোয়না লাকপা হৌখি অমসুং মফমদা অথিবা থমলিবা পুন্সীবু ওবজার্ব তৌখি। অরোইবদা মহাক্না অৱাবা ফোংদোক্নবা মহাক্কী মরমচাবা অধিকার নীরি।

3. দি পার্তী ওফ ফুলস (ওরিজিনেল তাইতল- কেপতিবস)

অরনৌদ দেস পেল্লীএরেসনা দাইরেক্সন পীবা “পার্তী ওফ ফুলস” অসি ফিমেল সোলিদরিতীগী ৱারী অমনি। ফেন্নী, মখোয়গী অপাম্বগী মায়োক্তা অন্যায়গী মওংদা ‘পার্তী ওফ ফুলস’দা মনুং চলহনখিবগা মান্নদনা মহাক ভোলুন্তীয়র ওইনা মফমসিদা লকখি। মহাক্কী অমত্তা ঙাইরবা পান্দমদি মহাক্কী মমাবু থিদোকপা অমসুং পুন্না নানথোকখিবনি। ফ্রেন্স ফীচর অসি ফিলিপ রৌসেলেত অমসুং জোনাথন ব্লুমেন্তলনা পুথোকপনি।

4. মীজর্স ওফ মেন (ওরিজিনেল তাইতল- দের বর্মেসীন মেন্স)

জর্মন দাইরেক্তর লার্স ক্রাউমনা 19শুবা সেঞ্চুরিগী বর্লিনদা হেরেরৌ অমসুং নামা ত্রাইবসকী জেনোসাইদকী মতাংদা হাউন্তিং ফিল্ম অমা পুথোক্লি। জর্মন ইথনোলোজিস্ত, অলেকজেন্দর হোফমেন, বর্লিন ইথনোলোজিকেল ম্যুজিয়মগীদমক আর্ত অমসুং স্কলস খোমজিন্নবগীদমক হান্নগী কোলোনী “জর্মন সাউথৱেস্ত অফ্রিকা (হৌজিক নামিবিয়া)”দা চৎলি অমসুং তপ্না তপ্না কেরিয়র ফংনবগীদমক মহাক্কী মোরেল কম্পাস মাংথরকপা হৌরকখি, অমসুং জর্মনীগী অমম্বা পুৱারীগী মরক্তা হ্বাইত সুপ্রিমেসীগী মায়োক্তা লেপ্পদা মায়থিখি।

5. লুবো

লুবো জিয়োর্জিয়ো দিরিত্তী না দাইরেক্ত তৌবা 2023গী ইতালিয়ন-স্বিস দ্রমা ফিল্ম অমনি। লুবো নোমেদ অমনি, 1939দা জর্মন্না লান্দারকপগী খুদোংথিবগী মায়োক্তা লৈবাক্কী ঙমখৈ ঙাক্নবগীদমক স্বিস আর্মীদা কৌশিনখিবা চাকনিবা অমনি। অতেনবা মতমগী মতুংদা মহাক্না খংবা ঙমখি মদুদি মখোয়গী পিক্লিবা মচা অহুমবু পুদুনা চৎখিবদগী জেন্দরমেসপু থিংনবা হোৎনবদা মহাক্কী নুপী লৈখিদ্রে। লুবোনা খংঙি মদুদি মহাক্কী মচাশিং অমুক হন্না ফংদ্রিবা ফাওবা অমসুং মহাক্কী ৱারী অমদি মহাক মশাগুম্বা আউতসাইদর পুম্নমক্কী জস্তিস ফংদ্রিবা ফাওবা মহাক কৈদৌনুংদা শান্তি ফংলোই।

6. হোফমেন্স ফেয়রী তেলস (ওরিজিনেল তাইতল: স্কাজকী গোফমানা)

ফিল্ম অসি জোর্জিয়ান ওরিজিন ওইবা রসিয়ান দাইরেক্তর তিনা বার্কালায়ানা দাইরেক্সন পীবনি। মসি সোভিয়ত ইরানা ৱেস্তর্নাইজ পেরোদী অমদা ওনখিবা 2000গী হৌরকপদা সেত তৌবনি। ফিল্ম অসিনা এপার্তমেন্ত অমগীদমক এক্সপ্লোইত তৌরিবী বিতালীগা লোয়ননা লুহোংবগী লীপুন্না পুল্লীবি কীগনবা নুপী অমা ওইরিবী নাদেজদাবু ফোল্লো তৌরি। মহাক্না মহাক্কী পুন্সীবু দ্রমাতিকেল্লী অনৌবা শক্লোন লৌদুনা মীয়াম্না পাম্নবা মোদেল অমগুম শাফোংলকখি। 

7. এন্দলেস বোর্দর্স (ওরিজিনেল তাইতল: মরঝায়ে বি পয়ান)

অব্বাস অমিনিনা দাইরেক্সন পীবা এন্দলেস বোর্দর্স অসি তশেংনা মফম খুদিংদা খুদোংথিবা লোৎতুনা লৈবা গ্রিপ্পিং দ্রমা অমনি। অফগানিস্তানদা তালিবান হেনগৎলকপনা ইথনিক অমসুং ত্রাইবেল লানশিংগী মৈরী অমুক হন্না চুখৎলে।

8. দাই বিফোর দেথ (ওরিজিনেল তাইতল: উমরি প্রিজে স্মর্তি)

মুভী অসি অহমদ ইমামোবিক (বোস্নিয়া অমসুং হর্জেগোবিনা)না দাইরেক্সন পীবনি। গোর্জিয়স গাইনেকোলোজিস্ত জলাতন য়াম্না শাথিনা নারম্মি অমসুং মহাক্কী মনাক্তা মতম য়াম্না লৈরমদে। মহাক্না পাংথোকখিবা এবোর্সনশিংগী দন্দিনি হায়বা য়াজরম্মি, মহাক্না মহাক্কী কনফ্লিক্তশিংদা পাউখুম থিনবগীদমক খোংচৎ অমা হৌরক্লম্মি।

9. বোস্নিয়ান পোত (ওরিজিনেল তাইতল: বোসান্সকি লোনাক)

ক্রোসিয়ান দাইরেক্তর পাবো মারিনকোবিক মহাক্কী মাস্তরপীচ ক্রেয়েসনগা লোয়ননা ইফ্ফিদা অমুক লাক্লে। মসি অচেৎপা ইম্মিগ্রেসন রুলশিং অমসুং মহাক মশাগী ওইবা থৌশাদবনা মরম ওইদুনা খংহৌদনা রেসিদেন্স পর্মিৎ য়াওদনা লৈখিবা অস্ত্রিয়াদা লৈবা বোস্নিয়ান অইবা অমগী ৱারিনি। দিপোর্তেদ তৌদনবগীদমক, ফারুকনা ওথোরিতীশিংদা মহাক অস্ত্রিয়ান সোসাইতীদা কলচরেল কনত্রিব্যুসন অমা লৌরি হায়বা উৎপা তারি।

10. ব্লাগাস লেসন্স (ওরিজিনেল তাইতল: য়ুরোতসাইত না ব্লাগা)

মহাক্কী ক্রিদিৎতা এৱার্দ ৱিনিং ফীচর অমসুং দোকুমেন্তরী ফিল্মশিংগা লোয়ননা, বুলগেরিয়ান দাইরেক্তর স্তেফান কোমানদরেবনা ব্লাগাস লেসন্সগা লোয়ননা ইফ্ফীদা লাক্লি। ব্লাগা চহি হুম্ফুতরা শুরবা হন্দক্তা লুখ্রাবী ওইরবা হান্নগী ওজা অমনি অমসুং অচেৎপা মোরেলগী নুপী অমনি। মহাক্কী মপুরোইবগী মংফমগীদমক মহাক্না তুংশিনবা শেনফম অদু তেলেফোন স্কেমরনা মুনখিবদগী তপ্না তপ্না মহাক্কী মোরেল কম্পাস মাংথবা হৌরক্তুনা মহাক মশামক স্কেমর অমদা ত্রান্সফোর্ম তৌখি।

11. এসোগ

সীন দেবলিন অহানবা জেনরেসনগী ফিলিপিনো-চাইনিজ-আইরিস কনাদিয়ান ফিল্মমেকর অমসুং কোমেদিয়ান অমনি। এসোগ দোকুমেন্তরী এলিমেন্তশিং ইনকোর্পোরেত তৌরিবা য়ুনিক নেরেতিব অমনি, চহি 40 শুরবা নন-বাইনরী ওজা অমসুং তাইফুনদগী হিংহৌরবা, মিংচৎকীদমক খোংচৎতা লৈরিবা রেগী ৱারিনি।

12. এন্দ্রাগোজী (ওরিজিনেল তাইতল: বুদি পেকর্তি)

এন্দ্রাগোজী অসি রেগাস ভানুতেজানা ইবা অমসুং দাইরেক্সন পীবা 2023 দ্রমা ফিল্ম অমনি। ফিল্মদা শাহ ইনে ফেব্রিবান্তি স্কুল ওজা অমগী থৌদাং লৌরি, মহাক্কী লাইন-কত্তর অমগা লোয়ননা মায়োক্নবগী ভিদিও অমা ভাইরেল ওইরবা মতুংদা মহাক্কী রেপুতেসন অমসুং কেরীয়র প্রোস্পেক্তশিং খুদোংথিবদা তারম্মি।

13. কান্তারা (2022)

রিশব শেত্তী কন্নারা ফিল্ম ইন্দস্ত্রীদা এক্তর অমসুং ফিল্মমেকর অমনি। মহাক্কী ক্রিতিকেল্লী এক্লেম ব্লোকবস্তর ‘কান্তারা’ দক্ষিনা কন্নরাগী ফ্রিক্সনেল খুঙ্গংদা সেত তৌবনি। ফিল্ম অসিনা মীওইবা অমসুং নেচরগী মরক্তা আইদিয়োলোজিকেল কনফ্লিক্ত এক্সপ্লোর তৌরি।

14. সনা (2023)

সুধনশু সরিয়া নেস্নেল এৱার্দ ৱিনিং ফিল্মমেকর অমনি। মহাক্না ‘লব’ হায়না মিংথোনবা অঙকপা রোদ-ত্রিপ রোমান্স অমগা লোয়ননা মহাক্কী ফীচর ফিল্মগী খোংচৎ হৌখি, মদু ফিল্ম ফেস্তিবেলশিংদা পাক শন্না শিংথানখি। ফিল্ম অসিদা মুম্বাইদা থবক তৌবী চহি 28 শুরবী ফাইনান্সিয়েল এদবাইজর সনানা মহাক মীরোল্লে খংখি। মীরোনবা তর্মিনেৎ তৌনবা মহাক্কী ৱারেপতা তশেংনা ময়েকশেংনা, অঙাং য়ৈথবগী একচুয়েল প্রোসেসনা সনাবু মহাক্কী পুন্সীগী অমুকহন্না লেপ্পা অমসুং লুথনা খন্থহল্লমি মদুদি করিগুম্বা মহাক্না খল্লিবা অদু তশেংনা মহাক মশামক্কী ওইরগদি।

15. মির্বীন (2023)

মৃদুল গুপ্তনা দাইরেক্সন পীবা অমসুং ধনীরাম তিস্সোনা পুথোকপা কার্বী ফীচর ফিল্ম ‘মির্বীন’বু ফীচর ফিল্ম কেতেগোরীদা খনগৎখি, প্রেস্তিজিয়স ফোরমদা মফম ফংবা অসামদগী অমত্তা ঙাইরবা ফিল্মনি।

মির্বীন ৱারী অসিগী সেন্ত্রেল করেক্তরনি। অঙাং ওইরিঙৈদা মহাক্কী মবোক্না মঙোন্দা সের্দিহুন (কার্বী ত্রাইবেল থাজনবীদা তেক্সতাইলগী লাই)গী লাইরেম্বীশিংগী ৱারীগা লোয়ননা করিগুম্বা খরা তৌনবা মংলান মংহনখি, মদুনা মহাক্কী ৱাখলদা পুন্সীবু আর্থ থোকহন্নবগী অপাম্বা পোকখি। অদুবু ফেত্রিসাইদেলগী খুৎ থোক্নবা অমসুং ইথনিক কনফ্লিক্তশিংনা  2005দা কার্বী লম পুম্বা ইহিং নাইহিং তাহনখি অমসুং মহাক্কী পুন্সীসু খুদোংথিবদা তাখি।

আউতস্তেন্দিং ফিল্মশিংগী য়াম্না চেকশিন্না ক্যুরেতেদ সেলেক্সন অসিনা অকক্নবা মওং, স্তাইলস অমসুং কলচরেল প্রেক্তিসশিংগী দাইবর্স এরে অমা রিপ্রজেন্ত তৌরি, গ্লোবেল ফিল্ম লেন্দস্কেপকী লুথবা উৎলি।  

অহেনবা অকুপ্পা ৱারোলগীদমক য়েংবীয়ু:

https://iffigoa.org/international-cinema-curated-sections/international-competition/en

* * *