गोंय/मुंबई, 24 नोव्‍हेंबर 2023

इफ्फिच्या 54व्या आवृत्तींत 15 वेंचून काडिल्ले चित्रपट प्रतिश्ठीत भांगराळो मोर पुरस्कारा खातीर सर्त करतले. ह्या चित्रपटांमदी 12 आंतरराष्ट्रीय आनी 3 भारतीय चित्रपट आसात.

चित्रपट निर्मितीच्या उत्कृश्टतायेक मान्यताय दिवपी भांगराळो मोर पुरस्कार संवसारांतल्या चित्रपट सन्मानांतलो एक मानादीक भोवमान. ह्या वर्सा खातीर जूरींत स्पॅनिश सिनेमाटोग्राफर जोसेफ लुईस आल्केन, फ्रेंच सिनेमा निर्माते जेरोम पॅलार्ड आनी कॅथरीन डसर्ट, ऑस्ट्रेलियन फिल्म निर्माती हेलन लीक अशे सिनेमा उद्देगांतले दिग्गज आसात. नामनेचो भारतीय चित्रपट निर्मातो शेखर कपूर हांचेकडेन  जूरीची येजमानकी आसा. 

अंदूं हे सर्तींत बऱ्यातले बरे चित्रपट पळोवपाक मेळटले, अशी आस्त आसा. 

1. वूमन ऑफ (मूळ शीर्षक- कोबिएटा झॅड)

'वुमन ऑफ' हो 2023 वर्साचो पोलंड-स्विडीश कथानकीय चित्रपट मालगोर्झाता शुमोव्स्का आनी मिचाल एंग्लर्ट हांणी बरयला आनी दिग्दर्शीत केला. साम्यवादांतल्यान भांडवलशायेंतल्या पोलंडच्या लोकांच्या रुपांतराच्या फांटभूयेर  हें नाट्य घडलां.

2. द अदर विडो (मूळ शीर्षक - पिलेगेश)

इझ्राएली दिग्दर्शक मा आयन रिप हाचो पदार्पण फीचर म्हळ्यार, एला ह्या आधुनीक एकल्या बायले विशी विनोदी ऑफ एज काणी. एला 34 वर्सां पिरायेची तियात्र ड्रेसर आनी मालकीण, आपल्या मोग्याच्या अचकीत मरणा उपरांत, ती ताच्या शिवांत (ज्यू शोक संस्कार) परत परत  वचपाक लागता आनी बंदी घाल्लें जिवीत पाळटा. दुख्खाची गरज उण्यांत उण्या अपेक्षीत खिणांनी तिचो ताबो घेता. निमाणें ती शोक करपाचो आपलो कायदेशीर हक्क मागता.

3. द पार्टी ऑफ फूल्स  (मूळ शीर्षक- कॅपटीव्हस)

आर्नो डेस पॅलियर्स हाणें दिग्दर्शीत केल्ली “पार्टी ऑफ फूल्स” ही बायलांच्या एकचाराची कथा, आपल्या खातीर नव्यान भविष्याचे  सपन पळोवपी बायलांचें चित्र. फॅनी, आपल्या इत्सेआड अन्यायपूर्वक ‘पार्टी ऑफ फूल्स’ करपाक बंदखणींत आसपी बायलां परस वेगळी, ती हांगा स्वेच्छेनूच आसा. आवयक सोदून काडून एकठांय पळून वचप, हें तिचें एकूच ध्येय. हें फ्रेंच फीचर फिलीप रूसेलेट आनी जोनाथन ब्लूमेंटल हांणी तयार केलां.
 

4. मेजर्स ऑफ मॅन (मूळ शीर्षक- डर वर्मेसेन मेन्श)

जर्मन दिग्दर्शक लार्स क्राउमे हाणें एकुणिसाव्या शेंकड्यांतल्या बर्लिनांतल्या हेरेरो आनी नामा जमातींच्या वंशघाताचेर एक भुतांखेतांचो चित्रपट तयार केला. जर्मन वंशशास्त्रज्ञ अलेक्झांडर हॉफमन बर्लिन वंशशास्त्रीय संग्रहालयाक कला आनी कवटी एकठांय करपाखातीर आदल्या वसाहतींत "जर्मन नैऋत्य आफ्रिका (आतां नामिबिया)" वता आनी ल्हवू ल्हवू करिअर फायद्याखातीर आपलो नैतीक होकायंत्र गमावपाक लागता, गोऱ्या वर्चस्वाक विरोध करपाक अपेस आयल्या जर्मनीचो इतिहास इल्लों इल्लों लयाक वता. 

5. लुबो 

लुबो हो 2023 वर्साचो इटालियन-स्वित्झर्लंडांतलो नाट्य चित्रपट जॉर्जियो दिरिट्टी हाणें दिग्दर्शीत केल्लो. लुबो हो भटक्या, बसकर जातीतलो जाका 1939 वर्सा जर्मनच्या धोक्यापसून देशाच्यो शिमो राखपाखातीर स्वित्झर्लंडाच्या सैन्यांत आपयतात. थोड्याच काळा उपरांत ताका कळटा की आपलीं तीन ल्हान भुरगीं व्हरपाक आडावपाच्या यत्नांत ताची बायल मेल्या. भुरगीं परत मेळयले बगर आनी आपल्या आनी आपल्या सारकिल्या सगळ्या मनशाच्या अन्यायाक न्याय मेळना मेरेन, ताका केन्नाच शांती मेळची ना हें लुबोक खबर आसा.
 

6. हॉफमन्स फेरी टेल्स (मूळ शीर्षक: स्काझकी गोफमाना)

मूळची जॉर्जियन रशियन दिग्दर्शक टीना बरकलया हिणें ह्या चित्रपटाचें दिग्दर्शन केलां. 2000 च्या सुमाराक सोव्हिएत युग अस्तंती पॅरोडींत फीको पडटा तेन्ना, ह्या सिनेमांत विटाली वांगडा लग्नांत आडखुन उरिल्ली नादेझदा ही भिरांकूळ बायल तिचे घरा खातीर शोशण करता. ती एक मागणी आशिल्ली मॉडेल म्हणून उबी रावता, तिच्या जिविताक नाटकीय रितीन नवो आकार दिता.

7. एंडलेस बोर्डर्स  (मूळ शीर्षक: मार्झाये बी पायन)

अब्बास अमीनी हाणें दिग्दर्शीत केल्लें एन्डलेस बॉर्डर्स हे एक आकर्शक कथानक आसून तातूंत सगळेकडेन धोको आसता. अफगाणिस्तानांत तालिबानाच्या उदयाक लागून वंशीक आनी आदिवासी झुजांचो उजो परतून पेटला. अहमद हो निर्वासित इराणी शिक्षक अफगाणिस्तानांतल्या हजारानी कुटुंबाची वळख जाता आनी ताका ह्या वाठारांतल्या धार्मीकतायेचें खरें मुखामळ दिसता. विशुद्ध  मोग ताका समजूपाक लागता आनी स्वताच्या जिवितांतल्या मोगाचो आनी शौर्याची याद जाता.

8. डाय बिफोर डेथ (मूळ शीर्षक: उमरी प्रिजे स्मृति)

अहमद इमामोविच (बोस्निया आनी हर्झगोविना) हाणें दिग्दर्शित केल्लो हो सिनेमा. भव्य स्त्रीरोग तज्ञ झ्लाटन गंभीर दुयेंत पडटा आनी निमणे खीण पळोवपाक लागता. आपणें केल्ल्या गर्भपाताची ख्यास्त आसा, अशी समज  करून तो आपल्या संघर्शांक जापो सोदपाच्या प्रवासाक सुरवात करता. झ्लातान एक अजून जल्माक आयिल्लो जिव वाचयता देखून, भुरगो जल्माक येतना निमाणे खीण मरणाचेर जिणेचे जैतांत रुपांतर जाता.

9. बोस्निनियन पोट (मूळ शीर्षक: बोसानस्की लोनाक)

क्रोएशियन दिग्दर्शक पावो मॅरिंकोविच आपली म्हान कलाकृती तयार करून परतून इफ्फित आयला. ऑस्ट्रियांत रावपी बोस्नियाच्या लेखकाची ही काणी, जो अचकीत इमिग्रेशनाचे खर नेम आनी स्वताच्या दुर्लक्षाक लागून राबितो परवानो नासतना उरता. देशांतल्यान धांवडावन घालचो न्हय म्हणून फारुकान ऑस्ट्रियन समाजांत आपूण सांस्कृतीक योगदान दिलां, हें अधिकार्यांक सिद्ध करचें पडटा. 
 

10. ब्लागास लेसन्स  (मूळ शीर्षक: उरोटसाइट ना ब्लागा)

जायते पुरस्कार फावो जाल्ले फिचर आनी म्हायटीपट फिल्मच्या श्रेयाक लागून, बल्गेरियन दिग्दर्शक स्टीफन कोमांडरेव ब्लागास लेसन घेवन इफ्फीक येता. ब्लागा ही सत्तर वर्सां पिरायेची हालींच विधवा जाल्ली आदली शिक्षक आनी नैतीकतायेची बायल. घोवाच्या थडग्या खातीर सांठयल्ल्या पयशांतल्यान टेलिफोन घोटाळेकार तिका फटोवन वतात, तेन्ना ती स्वता घोटाळेकार जाता.  
 

11. आसोग 

सिएन देवलीन हो पयले पिळगेचो फिलीपीन-चीनी-आयरीश कॅनडियन चित्रपट निर्मातो आनी विनोदी कलाकार. असोग ही एक आगळी कथा म्हायतीपट घटकांचो आस्पाव करता, रेय, एक 40 वर्सां पिरायेचो शिक्षक चक्रीवादळान जिवंत उरिल्लो. अतिवास्तववादी विनोद आनी समाजीक चित्र वास्तववादावरवीं, फिल्म निर्मातो देवलीन हवामान बदल, एलजीबीटीक्यू+ प्रस्नांचो अभ्यास करता.

 
12. आंद्रेगोजी (मूळ नांव: बुडी पेकेर्टी)

आंद्रागोजी हो 2023 वर्साचो चित्रपट रेगास भानुतेजा हाणें बरयल्लो आनी दिग्दर्शीत केल्लो. ह्या सिनेमांत शा इने फेब्रियांटी एक शाळेची शिक्षक म्हणून काम करता, तिची प्रतिश्ठा आनी करिअर संभाव्यताय धोक्यांत येता, कारण तिणें लायन कटराकडेन केल्ल्या संवादाचो व्हिडियो व्हायरल जाला.
 

13. कांतारा (2022) 

ऋषब शेट्टी हो कन्नड चित्रपट मळार अभिनेतो आनी चित्रपट निर्मातो. ताचे समीक्षकांनी तोखणाय केल्ले ब्लॉकबस्टर फिल्म ‘कांतारा’ दक्षिण कन्नड ह्या काल्पनीक गांवांत घडला. मनीस आनी सैम हांचे मदल्या वैचारीक संघर्शाचो अभ्यास ह्या चित्रपटांत केला. रानात रावपी जमातीच्या सहअस्तित्वांत आडमेळीं येतलीं, कारण जमातीन पाळिल्ले कांय पद्दती आनी संस्कार सैमाक धोको निर्माण करतात. मुखेल पात्र शिव आपलें अस्तित्व जाणून घेवन गांवांत शांतताय आनी समरसताय परतून हाडपाक शकतलो काय ना, हें चित्रपटाचे मुळावे घटक.

14. सना (2023) 

सुधांशु सारिया हो राश्ट्रीय पुरस्कार फावो जाल्लो चित्रपट निर्मातो. ताणें फिचर फिल्मांत पदार्पण केलें ‘लव’ नांवाच्या विचित्र रोड-ट्रिप रोमान्सांतल्यान आनी ताची फिल्म महोत्सवानी सगळेकडेन तोखणायेक पात्र थारली. ह्या सिनेमांत मुंबय काम करपी 28 वर्सां पिरायेची सना हिका आपूण गुरवार आसा हें कळटा. ती गर्भपात करपाचो निर्णय घेता.  गर्भपात करपाची प्रत्यक्ष प्रक्रिया सनाक आपल्या जिविताचें परतून मूल्यमापन करपाक लायता. 
 

15. मिरबीन (2023)

मृदुल गुप्तान दिग्दर्शीत केल्लो आनी धनीराम तिसो हाणें तयार केल्लो ‘मिरबीन’ हो कार्बी फिचर फिल्म, फिचर फिल्म विभागांत वेंचून काडला, आसामाचो एकमेव चित्रपट जाका प्रतिश्ठीत मंचाचेर सुवात मेळ्ळी. मिरबीन हे कथेचें केंद्रीय पात्र. भुरगेपणांत तिची आजी तिच्या मनांत जिवीत अर्थपूर्ण करपाची इत्सा सेरदीहुन (कार्बी आदिवासी समजुतींतलो कापडाचो देव) ह्या परीकथानी कितें तरी करपाचें सपन तिच्यांत रुजयता. पूण झगडीं आनी वंशीक संघर्श 2005 वर्सा पुराय कार्बीची जमीन रगतभरीत करतात आनी तिचो जीवूय धोक्यांत पडटा.

उत्कृश्ट चित्रपटांची ही काळजीपूर्वक तयार केल्ली निवड प्रकार, शैली आनी संस्कृतीक पद्दतींच्या विंगड विंगड सरणीचें फुडारपण करता, जी जागतीक चित्रपट दृश्याची खोलाय दाखयता.

आदिक म्हायती खातीर, ही लिंक पळयात:

https://iffigoa.org/international-cinema-curated-sections/international-competition/en

* * *

PIB Mumbai | S.Jan/M.Prabhugaonkar/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai