آجامیچور ریڈیو کی دنیا میں ایک اہم موقع ہے، کیونکہ مواصلات کے وزیر مملکت جناب دیوسنہا چوہان نے وگیان بھون، سائنس سٹی، احمد آباد، گجرات میں، ہمفیسٹ انڈیا 2023کا افتتاح کیا۔ یہ دو روزہ قومی کنونشن 25 نومبر 2023 کو شروع ہوا۔

جناب دیوسنہا چوہان نے اجتماع سے اپنے خطاب کے دوران بتایا کہ تقریباً 1000 سے زیادہ ایچ اے ایمز نے ہمفیسٹ انڈیا 2023 میں شرکت کی۔ ایچ اے ایز ہمیشہاس وقت مدد کے لیے تیار رہتے ہیں جب تمام مواصلات ناکام ہو جائیں۔ انہوں نے یہ بھی کہا کہ وزارت کے اندر ڈبلیو پی سیونگ نے، وزیر اعظم اور کابینہ کے وزیرجناب اشونی وشنو جی کی رہنمائی میں ایچ اے ایم ریڈیو کے امتحان اور سرٹیفکیشن، ضوابط اور عمل کے میدان میں اہم اصلاحات کی ہیں۔ سرل سنچار پورٹل کے نفاذ کو فوری طور پر جاری ہونے والے لائسنسوں کے ساتھ زبردست ردعمل ملا ہے۔

وزیرموصوف نے اپنے وژن کا اظہار کرتے ہوئے کہا کہ ’’میرا خیال ہے کہ ہر گاؤں میں ایک ایچ اے ایم ہونا چاہئے، جیسا کہ کچھ دوسرے ممالک میں ہے، جہاں ایک لاکھ سے زیادہ ایچ اے ایم ہیں۔ ایچ اے ایم کو ہندوستان کے ہر گاؤں تک پھیلنا چاہیے۔‘‘

جناب دیوسنہا چوہان نے ہنگامی حالات میں ایچ اے ایم ٹیکنالوجی کے اہم کردار پر زور دیا اور معاشرے کے مفاد میں اس کے وسیع پیمانے پر استعمال کی وکالت کی۔ انہوں نے پرائمری اور سیکنڈری اسکولوں میں ایچ اے ایم کی تعلیم کے انضمام پر زور دیا تاکہ ملک بھر میں تباہی کے انتظامیہ میں وسیع پیمانے پر اسے اپنایا جاسکے اور امداد کو یقینی بنایا جا سکے۔ انہوں نے ایچ اے ایم ٹیم کی کاوشوں کو سراہتے ہوئے، قابل ذکر کام کو جاری رکھنے کی ترغیب دیتے ہوئے اپنے خطاب کا اختتام کیا۔

ہمفیسٹ انڈیا 2023امیچور ریڈیو آپریٹرز کی ایک متنوع کمیونٹی کو یکجا کرتا ہے، جو جدید ترین اختراعات، مواصلاتی تکنیکوں اور تکنیکی ترقیوں کی نمائش کرتا ہے۔ 10 سے زیادہ تکنیکی ورکشاپس اور 5 اسٹالز کے ساتھ، جو ڈیزائن اور اختراعات کو نمایاں کرتے ہیں،یہتقریب شائقین کے لیے دریافت کرنے اور مشغول ہونے کے لیے ایک جامع پلیٹ فارم پیشکرتی ہے۔ یہتقریب نہ صرف ایچ اے ایزکو یکجا کرنے کے لیے ایک جگہ کو فروغ دیتی ہے، بلکہ ایک تجارتی شو، کھلی مارکیٹ، اور امیچور ریڈیو آپریٹرز کے مفادات کو پورا کرنے کے لیے تیار کردہ سرگرمیوں کی ایک صف کی میزبانی بھی کرتی ہے۔

ہمفیسٹ انڈیا کی بنیادی جھلکیوں میں سے ایک ایچ اے ایز کے لیے آئی بال کیو ایس او (آمنے سامنے ملاقاتیں) میں مشغول ہونے کا موقع ہے، جو باقاعدگی سے ریڈیو بات چیت کے دوران شاذ و نادر ہی ممکن ہے۔ یہ پروگرام،امیچور ریڈیو کے تکنیکی، آپریشنل، اور قانونی پہلوؤں پر سیمیناروں،  لائسنس کے امتحانیاجلاسوں کے ساتھ ساتھ تجارتی دکانداروں اور انفرادی ایچ اے ایز کے ذریعہ مختلف ریڈیو آلات کی نمائش اور فروخت کو یکجا کرتا ہے۔

تکنیکی مصروفیات کے علاوہ، ہمفیسٹ انڈیا 2023، ثقافتی پروگراموں اور فوٹو اجلاسوں کو مربوط کرتا ہے، جس سے شرکاء کے تجربے کو مزید تقویت ملتی ہے۔

تاریخ اور اہمیت

ہمفیسٹ انڈیا 2023 امیچور ریڈیو کے مسلسل جذبے اور ارتقاء، پرجوش افراد کو متحد کرنے، اختراع کو فروغ دینے، اور میدان میں ہونے والی پیش رفت کا جشن منانے کے لیے ایک سگنل کے طور پر قائم ہے۔ ایک جگہ پر ہندوستانی ایچ اے ایز کے سب سے بڑے اجتماع کے طور پر، یہ تقریب ہندوستان میںامیچور ریڈیو آپریٹرز کی متحرک اور خوشحال کمیونٹی کی نشاندہی کرتی ہے۔

ہمفیسٹ انڈیا 2023 ہندوستان میں امیچور ریڈیو کی تاریخ میں ایک اہم مقام رکھتا ہے، جو 1991 میں اپنے آغاز سے شروع ہوا ہے۔ یہ پروگرام امیچور ریڈیو کے شائقین کو متحد کرنے، نیٹ ورکنگ، علم کے اشتراک، اور تازہ ترین پیشرفتوں پر اپ ڈیٹ رہنے کے لیے ایک پلیٹ فارم فراہم کرنے میں اہم رہا ہے۔

ہندوستان میںامیچور ریڈیو کا سفر 1920 کی دہائی کا ہے جب سگنل کور کے افسران نے اس دلکش شوق کے بیج بوئے۔ امریندر چندر گوپٹو اور مکل بوس، ہندوستان میںامیچور ریڈیو آپریشنز کے علمبرداروں میں سے تھے، اور اس کے بعد سے کمیونٹی نے کبھی کبھار رکاوٹوں کے باوجود، آزادی کی جدوجہد کے دوران بھی،مسلسل ترقی کی ہے۔

آزادی کے بعد، 1948 میں امیچور ریڈیو کلب آف انڈیا کے قیام نے ہندوستان کے امیچور ریڈیو بیانیہ میں ایک نئے باب کا آغاز کیا۔ کئی دہائیوں کے دوران، ہمفیسٹ انڈیا نے اختراع، کمیونٹی کی تعمیر، اور خدمت کو فروغ دینے میں اہم کردار ادا کیا ہے۔

امیچور ریڈیو (ایچ اے ایم ریڈیو) کے بارے میں

امیچور ریڈیو ایک مقبول مشغلہ ہے جس میں غیر تجارتی مقاصد کے لیے ریڈیو فریکوئنسیاسپیکٹرم کا استعمال شامل ہے۔ ایچ اے ایم ریڈیو آپریٹرز، متعین ریڈیو فریکوئنسیوں کا استعمال کرتے ہوئے بات چیت کرتے ہیں، متنوع سرگرمیوں جیسے مقابلوں، ہنگامیمواصلاتی معاونت، تجربات، تکنیکیتعلیم اور کمیونٹی کی مصروفیت میں مشغول ہوتے ہیں۔

یہ شوق، جدت اور خدمت پر توجہ مرکوز کرتے ہوئے ریڈیو لہروں کے ذریعے، تکنیکی تعلیم، کمیونٹی کی مصروفیت اور عالمی رابطے کا ایک انوکھا امتزاج پیش کرتا ہے۔

******

شح۔ ا ع ۔ م ر

U-NO.1427