ప్రతిష్టాత్మకమైన 'ది ఎకనామిక్ టైమ్స్ హెచ్‌ఆర్‌ వరల్డ్ ఎక్సెప్షనల్ ఎంప్లాయీ ఎక్స్‌పీరియన్స్ అవార్డ్ 2023'ను (ఈటీ హెచ్‌ఆర్‌ వరల్డ్‌ ఎక్స్‌ అవార్డులు) 'లార్జ్ స్కేల్ ఎంటర్‌ప్రైజ్’ విభాగంలో ఎన్‌హెచ్‌పీసీ గెలుచుకుంది. 22 నవంబర్ 2023న బెంగళూరులో జరిగిన కార్యక్రమంలో ఈ పురస్కారాన్ని ఎన్‌హెచ్‌పీసీకి అందించారు.

సంస్థ ఉద్యోగులకు మాత్రమే పరిమితం కాకుండా, వారి కుటుంబాలకు కూడా విస్తృత శ్రేణి ఉద్యోగుల-కేంద్రీకృత హెచ్‌ఆర్ కార్యక్రమాలను వర్తింపజేయడానికి వచ్చిన గుర్తింపు ఈ పురస్కారం. కఠినమైన భౌగోళిక ప్రాంతాలు, వాతావరణ సవాళ్ల మధ్య  పని చేస్తున్న ఉద్యోగుల కుటుంబాలకు అండగా నిలబడడమే కాకుండా, పదవి విరమణ తర్వాత కూడా సంరక్షణ, మద్దతును ఈ హెచ్‌ఆర్‌ కార్యక్రమాలు అందిస్తాయి.

తీవ్రమైన పోటీ వ్యాపార వాతావరణంలో ఎన్‌హెచ్‌పీసీ రాణిస్తోంది. విశ్వసనీయత & అనుబంధంతో కలగలిసిన ఉద్యోగుల అనుభవం, బలమైన ఉద్యోగి-కేంద్రీకృత విభాగాలు, ఉద్యోగులు & వారి కుటుంబ సభ్యుల కోసం బహు ముఖ పారితోషిక పథకాలు, సమాన అవకాశాలు అందేలా చూడడానికి వైవిధ్యం & సమీకృత కార్యక్రమాలు, నైపుణ్యాల పెంపు, అభ్యాసం & అభివృద్ధి కార్యక్రమాల వల్ల ఎన్‌హెచ్‌పీసీ ఈ ఘనతను సాధించింది.

***

(రిలీజ్ ఐడి: 1979871) సందర్శకుల సూచీ సంఖ్య : : 111