কেন্দ্র সরকারগী স্কিমশিংগী কানবা লৈবাক পুম্বদা য়ৌহনবগী পান্দমদা গ্রাউন্দব্রেকিং ইনিসিয়েতিব অমদা প্রধান মন্ত্রী শ্রী নরেন্দ্র মোদীনা নবেম্বর 15দা ঝার্খন্দগী খুন্তিদগী বিকসিত ভারত সঙ্কল্প য়াত্রা হৌদোকখি। য়াত্রা অসিগী অহানবা ফেজদা হিমাচপ প্রদেশকী ত্রাইবেল দিস্ত্রিক্ত অহুম হায়বদি চম্বা, স্পীতি অমসুং কিন্নোর কবর তৌদুনা মসিগী য়ৌশিনবগী মরুওইবা এক্সপান্সন অমা মার্ক তৌখি।

পঞ্জাব অমসুং হরিয়ানাগী ওইনা য়াত্রা অসি নবেম্বর 22দা হৌনবা মতম লেপলে।

বিকসিত ভারত সঙ্কল্প য়াত্রানা লৈবাক অসিদা লৈরিবা গ্রাম পঞ্চায়ৎ পুম্নমক কবর তৌনবা হোৎনরি। পঞ্জাবতা লোকেসন 13,646 কবর তৌগনি, অদুগা হরিয়ানাদা কেম্পেন অসিনা লোকেসন 6,537দা য়ৌশিনগনি, অমসুং হিমাচল প্রদেশতা লোকেসন 3,799 তার্গেৎ তৌরি।

খুদক্কী ওইবা সর্বিসশিং ফংহন্নবা পোস্তেল দিপার্তমেন্ত, হেল্থ দিপার্তমেন্ত অমসুং অতোপ্পা বিভাগশিংনা তোঙান তোঙানবা কেম্পশিং লিখৎকনি। সরকারগী মরুওইবা স্কিমশিংগী মরমদা নাগরিকশিংবু ইনফোর্ম তৌনবা অমসুং এম্পৱার তৌনবগীদমক হৌদোকখিবা য়াত্রা অসিনা এৱার্নেস শেমগৎপা অমসুং মীয়ামদা দাইরেক্ত ওইনা ৱেলফেয়র প্রোগ্রামশিংগী কানবশিং ফংহন্নবা পান্দম থম্লি।

জনজাতিয়া গৌরব দিবসকী থৌরমদা প্রধান মন্ত্রী নরেন্দ্র মোদীনা সরকারগী স্কিমশিংগী পাউজেল পুবা অখন্ননা দিজাইন তৌবা IEC ভেনশিং লমথাখি। ভেনশিং অসি লোকেলগী ওইবা লোনশিংদা ইনফোর্মেসনগা লোয়ননা লৈতেংখি, অমদি মসিনা ওদিও-ভিজুয়েলস, ব্রোসর, পেম্ফলেত, বুকলেত অমসুং স্তেন্দীজগী থোংদা নোলেজ শন্দোক্কনি। ফোকস এরিয়াশিংদা সেনিতেসন, ফাইনান্সিয়েল সর্বিস, ইলেক্ত্রিসিতী, এল.পি.জি. কনেক্সনস, হাউসিং, ফুদ সেক্যুরিতী, হেল্থকেয়র, ক্লিন ৱাতর অমসুং অতৈ অতোপ্পা য়াওরি।  

বেনেফিসরীশিংগা ৱারী শান্নবা, এচিবমেন্তশিং সেলেব্রেত তৌবা, ওন-দি-স্পোত ক্বিজ কম্পিতিসন, দ্রোন দেমোন্সত্রেসনস, হেল্থ কেম্প, অমসুং মেরা য়ুবা ভারত ভোলুন্তীয়র এনরোলমেন্ত য়াওনা জন ভাগিদারী থৌরমশিং গ্রাউন্দ এক্তিবিতীশিংগী ইন্তিগ্রেল পার্ত ওইগনি।

খ্বাইদগী চাউবা আউতরিচ ইনিসিয়েতিব অমা ওইরিবা বিকসিত ভারত কেম্পেন্না 2024গী জনুৱারী 25 ফাওবদা গ্রাম পঞ্চায়ৎ লাখ 2.55 অমসুং অর্বান লোকেল বোদী 3,600 হেন্না কবর তৌনবা পান্দম থম্লি। ‘হোল ওফ গবর্নমেন্ত’ এপ্রোচ অমগা লোয়ননা ওপরেত তৌরিবা কমপ্রেহেন্সিব কেম্পেন অসিনা রাজ্য সরকারশিং, দিস্ত্রিক্ত ওথোরিতীশিং, অর্বান লোকেল বোদীশিং অমসুং গ্রাম পঞ্চায়ৎশিংবু এক্তিব ওইনা শরুক য়াবা ঙমহল্লি।

***