عالمی ماہی پروری کانفرنس انڈیا 2023 میں   ماہی پروری کے  مرکزی وزیر جناب پرشوتم روپالا کی قیادت میں ایک بین الاقوامی گول میز میٹنگ کے دوران ماہی پروری اور آبی زراعت کے شعبے کی پائیدار ترقی کے لیے ملکوں کے درمیان تعاون اور تعاون پر زور دیا  گیاہے۔

میٹنگ کے دوران  یہ تجویز پیش کی گئی کہ ٹیکنالوجی اور علم کی منتقلی کو آسان بنانے کے لیے ماہی پروری اور آبی  حیات کی پرورش  میں جدید ٹیکنالوجی اور مہارت رکھنے والے دیگر ممالک اور تنظیموں کے ساتھ شراکت داری سے ہندوستانی ماہی گیری کے شعبے کو بڑھانے میں بہت مدد ملے گی۔

سیشن سے خطاب کرتے ہوئے مرکزی وزیر جناب پرشوتم روپالا نے کہا کہ جی پی ایس سسٹم کو عالمی مہارت اور ٹکنالوجی کا استعمال کرتے ہوئے ماہی گیروں کے لیے صارف دوست بنایا جانا چاہیے۔ وزیرموصوف نے کہا کہ سمندری جہازرانی  کے لیے کم لاگت والی اور قابل بھروسہ ٹیکنالوجیز ضروری ہیں تاکہ سمندر میں جانے والے ماہی گیروں کے لیے ان سے استفادہ کرنا  حقیقی طورپر ممکن ہوسکے ۔

جناب  روپالا نے کہا کہ "ڈیٹا اکٹھا کرنے اور ڈیٹا شیئرنگ میں تعاون اور علم کے تبادلے کو فروغ دے کر عالمی تبادلے کے پروگرام ماہی گیری کے شعبے کو بہتر بنانے میں اہم کردار ادا کر سکتے ہیں۔ یہ پروگرام بہترین طریقوں کو اپنانے، وسائل کے پائیدار انتظام کو فروغ دینے، اور موسمیاتی تبدیلی کے  چیلنج سے نمٹنے کے طور طریقوں میں  مؤثر تخفیف کی حکمت عملی تیار کر سکتے ہیں۔ یہ اجتماعی نقطہ نظر روایتی ماہی گیروں کی روزی روٹی کے تحفظ میں اہم کردار ادا کر سکتا ہے، جو خاص طور پر موسمیاتی تبدیلیوں کے بڑھتے ہوئے اثرات کا شکار ہیں۔

مرکزی وزیر نے کہا  ’’عالمی اعداد و شمار کے تبادلے کے پروگرام ماہی گیری کے اعداد و شمار کے معیار اور دستیابی کو نمایاں طور پر بڑھا سکتے ہیں، جو مچھلیوں کے ذخیرے، نقل مکانی کے نمونوں اور ماحولیاتی نظام کی حرکیات کے بارے میں جامع تفہیم فراہم کرتے ہیں۔‘‘

اپنے خطاب میں، یونان کے سفیر جناب  دمتروس ائیونو نے ماہی گیری اور آبی حیات کی پرورش کے طور طریقوں کو ماحولیاتی استحکام کے ساتھ ہم آہنگ کرنے کی اہم ضرورت پر زور دیا۔ انہوں نے ایک کثیر جہتی نقطہ نظر کی وکالت کی جس میں ملکی اور بین الاقوامی حکمت عملی دونوں شامل ہوں۔

اس اعلیٰ سطحی مکالمے میں ماہی پروری، حیوانات اور ڈیری کے وزیر مملکت سنجیو کمار بالیان اور ڈاکٹر ایل مروگن، مرکزی ماہی پروری سکریٹری ڈاکٹر ابھیلکش لکھی، یونان، انگولا کے سفیروں اور آسٹریلیا، برازیل، فرانس، ناروے، روس اور زمبابوے کے  سفارتی وفود ۔  اتر پردیش، ہریانہ، ہماچل پردیش، اروناچل پردیش، میگھالیہ، ناگالینڈ اور تریپورہ کے ریاستی ماہی پروری کے وزراء؛ بین الاقوامی تنظیموں کے نمائندوں  جیسے اقوام متحدہ کے فوڈ اینڈ ایگریکلچر آرگنائزیشن (ایف اے او)، خلیج بنگال پروگرام انٹر گورنمنٹل آرگنائزیشن، جی آئی زیڈ؛ ایشیائی ترقیاتی بینک (اے ڈی بی) نے شرکت کی؛ حکومت ہند کے محکمہ ماہی پروری کے سینئر عہدیدار؛ ریاستی ماہی گیری کے محکموں کے سینئر افسران اور مختلف تحقیقی اور ترقیاتی ایجنسیوں کے سربراہان، ڈاکٹر ابھیلکش لکھی، مرکزی ماہی پروری سکریٹری نے اجتماع کا خیرمقدم کیا۔

فورم نے ہندوستان میں غیر دریافت شدہ گہرے سمندر کے وسائل کو استعمال کرنے کے لیے مناسب ٹیکنالوجی کی مہارت کے تبادلے کی ضرورت پر زور دیا۔ اس فورم میں  اس بات کا مشاہدہ کیا گیاکہ ملک کے پاس گہرے سمندر کے وسیع وسائل موجود ہیں اور ماہی گیروں اور کشتیوں کو مناسب ٹیکنالوجی اور تربیت سے آراستہ کرنے سے ان غیر استعمال شدہ وسائل کو استعمال کیا جا سکتا ہے۔

گول میز اجلاس میں مقررین نے چار بڑے شعبوں کی نشاندہی کی جن کے لیے بین الاقوامی تعاون کی ضرورت ہے۔ یہ چار شعبے ماہی گیری کی پیداوار میں اضافہ ،جس کا ہدف خوراک اور غذائی تحفظ ہے، انسانی بھوک سے نمٹنے کے لیے آبی حیات کی پرورش کے عمل کو مضبوط کرنا، ماہی گیری کے شعبے میں وسائل کا پائیدار استعمال، اور گہرے سمندر میں ماہی گیری کی ترقی ہیں۔

اتر پردیش کے حیوانات، ڈیری اور ماہی پروری کے وزیر جناب سنجے کمار نشاد نے مچھلی کی پیداوار کو بڑھانے اور ماہی گیروں اور آبی پودوں اور حیانات کی  پرورش کرنے والوں  کی روزی روٹی کو محفوظ بنانے کے لیے اجتماعی کوششوں اور جدید ٹیکنالوجی کی اہمیت پر زور دیا۔

ماہی پروری کے شعبے میں ترقی کے امکانات کو اجاگر کرتے ہوئے، ہریانہ کے حیوانات، ڈیری اور ماہی پروری کے وزیر، جناب جئے پرکاش دلال نے ایکوا پارک کے منصوبے کا اعلان کیا، اور انہوں نے سرمایہ کاروں کو اس پیش رفت میں حصہ لینے کی دعوت دی۔

ہماچل پردیش کے زراعت اور مویشی پروری  کے وزیر جناب چندر کمار، میگھالیہ کے ماہی پروری کے وزیر جناب اے ایل ہیک، ناگالینڈ کے ماہی پروری کے وزیر جناب پانگجنگ جامی، تریپورہ کے ماہی پروری، جانوروں کے وسائل کی ترقی کے وزیر جناب سدھانگشو داس اور جناب نیلکانتھ گوا کے ماہی پروری کے وزیر ہالرنکر نے بھی میٹنگ سے خطاب کیا۔

غیر ملکی سفارتی وفود نے تحقیق، ڈیٹا اکٹھا کرنے، وسائل کی نگرانی اور ٹیکنالوجی کی پشت پناہی سمیت کئی اہم شعبوں میں ہندوستان کے ساتھ تعاون کو فروغ دینے میں اپنی گہری دلچسپی کا اظہار کیا۔

اجلاس کے دوران ہندوستانی ماہی گیری کی مصنوعات کے لیے مارکیٹ تک رسائی کو بڑھانے، تحقیقی اداروں، یونیورسٹیوں اور بین الاقوامی تنظیموں کے ساتھ مل کر ماہی گیری کے پائیدار طریقوں، آبی حیات کی پرورش میں مددگار ٹیکنالوجیز اور وسائل کے انتظام کے بارے میں بھی بات چیت ہوئی۔

انگولا کے سفیر مسٹر کلیمینٹ پیڈرو فرانسسکو کیمینہا، زمبابوے کے نائب سفیر مسٹر پیٹر ہوبوانی، ماہی پروری کے ذرائع اور آبی زراعت کے تحفظ اور تحفظ کے قومی تحقیقی اداروں کے سربراہ جناب سرگئی مراتوف، جناب مونیک ٹران، کونسلر برائے زراعتی  امور، فرانس، جناب کرسچن ویلڈیس کارٹر، کمرشل کونسلر، سفارت خانہ ناروے، جناب ویگنر اینٹونس، ہیڈ آف ٹریڈ پروموشن ڈیپارٹمنٹ، ایمبیسی آف برازیل اور ڈاکٹر رچرڈ نیل، فرسٹ سیکرٹری (زراعت)، آسٹریلوی ہائی کمیشن نے بین الاقوامی گول میز  اجلاس سے خطاب کیا۔

جوائنٹ سکریٹری، محکمہ ماہی پروری، حکومت ہند، محترمہ نیتو کماری پرساد نے بحث کا خلاصہ پیش کیا اور کلمات تشکر ادا کیے۔

************

ش ح ۔س ب     ۔ م  ص

 (U: 1245 )

(Release ID: 1978670) Visitor Counter : 93