‘‘  وِکست بھارت سنکلپ یاترا ’’ ( وی بی ایس وی ) آج مغربی بنگال میں با وقار طریقے سے شروع ہوئی ۔  اس پہل کا مقصد ایسے لوگوں تک رسائی حاصل کرنا ہے ، جو اب تک سرکاری اسکیموں کے فوائد سے محروم تھے اور اس کے ساتھ ہی سرکاری اسکیموں کے موثر عمل درآمد کو بھی یقینی بنانا ہے ۔ اس یاترا کے تحت عوام میں سرکار کی فلاحی اسکیموں کے بارے میں بیداری پیدا کرنا اور انہیں ان اسکیموں کے فوائد  فراہم کرنا ہے ۔ ان فلاحی اسکیموں میں صفائی ستھرائی  سے متعلق  سہولتیں ، ضروری مالی خدمات ، بجلی کے کنکشن ، ایل پی جی سلینڈرس تک رسائی ، غریبوں کے لیے مکانات ، خوراک کی یقینی فراہمی ، مناسب غذائیت  ، قابل اعتماد حفظان صحت ، پینے کے صاف پانی کی فراہمی وغیرہ شامل ہے ۔ اس یاترا کے دوران ممکنہ مستفیدین  کا اندراج ، تفصیلات کو یقینی بنانے کے بعد کیا جائے گا ۔

وزیر اعظم جناب نریندر مودی نے آج وی بی ایس وائی کا آغاز کیا ۔ یہ ایک ملک گیر پروگرام ہے ، جس کا مقصد ان شہریوں  سے روابط  قائم کرنا ہے ، جو مختلف النوع مرکزی اسکیموں کے لیے اہل ہیں لیکن انہوں نے ابھی تک ان سے استفادہ نہیں کیا ہے ۔ وزیر اعظم نے کھنتی سے خصوصی طور پر  تیار کردہ پانچ آئی ای سی ( اطلاعات ، تعلیم اور مواصلات ) وینوں  کو جھنڈی دکھا کر روانہ کرکے ، اس یاترا کا آغاز کیا ۔ اسی طرح کی دیگر کئی وینوں کو پورے ملک کے ، اُن دیگر اضلاع میں بھی جھنڈی دکھاکر روانہ کیا گیا ، جہاں قبائلی افراد کی خاطر خواہ آبادی ہے ۔

مغربی بنگال میں یاترا کے آغاز کے موقع پر ، ریاست کے جھار گرام ضلع کے بینا پور – II بلاک اور مدنا پور ضلع کے داتن – I  بلاک کے مقام پر ایک پروگرام کا انعقاد کیا گیا ، جہاں اطلاعات و نشریات کی وزارت کے سینئر اقتصادی مشیر جناب آر کے جینا موجود تھے ۔ بینا پور – II کے مقام پر کاکون میں اور داتن – I کے مقام پر منوہر پور میں یہ پروگرام منعقد کئے گئے ۔ یہ پروگرام سینٹرل بیورو آف کمیونکیشن ( سی بی سی ) ، مدنا پور ، نبارڈ ایگریکلچرل ڈیولپمنٹ سینٹر بینک ، گیس کمپنی ، نیشنل فرٹیلائزرس کمپنی لمیٹیڈ اور جھارگرام کرشک پروڈیوسر کمپنی کے اشتراک سے منعقد کیا گیا  ۔

بہت سے مستفیدین پروگرام کے مقام پر جمع ہوئے  ،  جہاں انہیں مرکزی حکومت کے مختلف ترقیاتی پروجیکٹوں کے بارے میں خدمات فراہم کی گئیں ۔ ا س کے ساتھ ساتھ نیشنل فرٹیلائزرس لمیٹیڈ کے ذریعہ ڈرون کے استعمال کی مدد سے وہاں کیڑے مار دواؤں کے استعمال کا مظاہرہ بھی کیا گیا ۔

وہاں موجود سرکردہ شخصیات میں نبارڈ ، مغربی مدنا پور کے ڈی ڈی ایم جناب آکاش شرما ، کرشی وگیان کیندر ، جھار گرام کے سربراہ ڈاکٹر آکاش سیتی اور دیگر شامل تھے ۔

اس کے ساتھ ہی شمالی بنگال میں علی پور دوار ضلع میں بھی ، اسی طرح کے ایک پروگرام کا انعقاد کیا گیا ۔ یہ بات قابل ذکر ہے کہ دیہی اور شہری دونوں علاقوں میں مرکز کی اہم اسکیموں اور پروگراموں کے مستفیدین تک روابط قائم کرنے سے متعلق یہ مہم ، 25 جنوری ، 2024 ء کو اختتام پذیر ہو گی ۔ اس یاترا کے تحت 2.7 لاکھ گرام پنچایتوں کا احاطہ کیا جائے گا اور ملک کے تقریباً 15000 شہری مقامات پر ، ان خود کار آئی ای سی وینوں کا استعمال کرتے ہوئے  ، زمینی سطح کی سرگرمیاں انجام دی جائیں گی ۔

*************

ش ح۔ ع م۔ رض

U. No.9379

(रिलीज़ आईडी: 1977558) आगंतुक पटल : 119