ব্লোকবস্তরশিং অমদি ৱেব সেরিজশিংগী এক্সত্রাভেগেঞ্জা অমনা নবেম্বর ২০ দগী ২৮, ২০২৩ ফাওবা পাঙথোক্কদৌরিবা ৫৪শুবা ইন্তরনেস্নেল ফিল্ম ফেস্তিবেল ওফ ইন্দিয়াদা ঙাইদুনা লৈরি‍।

৫৪শুবা ইন্তরনেস্নেল ফিল্ম ফেস্তিবেল ওফ ইন্দিয়া (IFFI) অসিগীদমক, নেস্নেল ফিল্ম দিভেলপমেন্ত কোর্পোরেসন লিমিতেদনা মীয়াম্না খৌরাংনা ঙাইনবা “গলা প্রেমিয়র্স”কী অনিসুবা ইদিসন হরাও তয়াম্বগা লোয়ননা লান্থোক্লি‍। সেগমেন্ত অসি ফিল্ম স্তারশিংবু অয়েঙবশিংগা মরী শম্নহন্দুনা মালেমগী সিনেমাগী আর্তিস্ত্রীবু সেলেব্রেত তৌনবা অমদি কুমহৈ অসিগী নুংগী ওইবা ৱাখল্লোনবু ঙাকপগা লোয়ননা তোত তোপ্পা খনগৎলবা ফিল্মশিং মাঙদু পুখৎলক্নবগীদমক নীংথিনা শেম শাবা থৌরম্নি‍।

নহা ওইরিবা মীওইশিংনা কুম্বা অমদি সল্মান খান্না পুথোকপা ফারে (হিন্দী), অর্বিন্দ স্বামী, বিজয় সেতুপথী অমদি অদিতি রাও হায়দরীনা কুম্বা অমদি এ.আর. রহমন্না ম্যুজিক পীবা গান্ধী তোল্ক্স (সাইলেন্ত), পঙ্কজ ত্রিপাথী অমদি পার্বতী তিরুবোথুনা কুম্বা করক সিংহ (হিন্দী), সিদ্ধার্থ রন্ধেরিয়ানা কুম্বা হরী ওম হরী (গুজরাতী), নৱাজউদ্দিন সিদ্দিকীনা কুম্বা রাউতু কী বেলী (হিন্দী), বিজয় রাঘবেন্দ্রনা কুম্বা গ্রে গেম্স (কন্নরা) হায়রিবা ফীচর ফিল্মশিং অমদি এমেজোন ওরিজিনেল্সতগী সেরিজ অনি, নাগ চৈতন্য, পার্বতী তিরুবোথুনা ধুথা (তেলুগু) অমদি আর্য়না কুম্বা দি ভিলেজ (তামিল)গী ৱর্ল্দ প্রেমিয়র অমদি অক্সে ওবেরোই অমদি উর্বসী রৌতেলানা কুম্বা দীল হে গ্রে (হিন্দী) অমসুং তর্সেম সিংহনা কুম্বা দিয়র জস্সী (পঞ্জাবী) ফিল্মগী এসিয়া প্রেমিয়রশিং IFFI দা উৎকনি‍।

এ ৱতন মেরে ৱতন হায়রিবা ফিল্ম অসি করন জোহর অমদি সারা অলি খানগী মরক্তা ৱারী ৱাতায় শান্নবগী থৌরম অমগা লোয়ননা অখন্ননা উৎকনি‍।

ভারত লৈঙাক্কী ইনফোর্মেসন অমদি ব্রোদকাস্তিংগী কেন্দ্র মন্ত্রী, মিস্তর অনুরাগ থাকুরনা হায়, “এ.আর. রহমন অমদি উর্বসী রৌতেলা য়াওনা মীয়াম্না শকখঙনরবা আর্তিস্তশিং অমদি সল্মান খান্না পুথোকপা ‘ফারে’; ZEE না পুথোকপা অমদি অর্বিন্দ স্বামী অমসুং বিজয় সেতুপথীনা কুম্বা ‘গান্ধী তোল্ক্স’; পঙ্কজ তরিপাথীনা কুম্বা ‘করক সিংহ’; এমেজোন ওরিজিনেল সেরিজ নাগ চৈতন্য অমদি পার্বতী তিরুবোথুনা কুম্বা ‘ধুথা’ অমসুং আর্য় অমদি দিব্য পিল্লাইনা কুম্বা ‘দি ভিলেজ’কী ইকায়খুম্নরবা ফিল্মমেকরশিং অমসুং হৈথোই শিংথোইরবা এক্তরশিংবু ঐনা তরাম্না ওকচরি‍। মীয়াম্না শকখঙনরবা তার্সেম সিংহনা শরুক য়ারবসিনা সিনেমাগী এক্সত্রেভেগেঞ্জা অসিদা হেন্না মতিং হাপ্লি‍। গলা প্রেমিয়র অসিনা ঐখোয়গী অৱাং, নোংপোক, খা অমদি নোংচুপ্তগী সিনেমাশিংগু সেলেব্রেত তৌদুনা ঐখোয়গী খ্বায়দগী নৌবা কেম্পেন ‘মেরী মিত্তী মেরা দেশ’কী খোঞ্জেলবু খোন্থাঙ য়ৈহল্লি‍। ঐখোয় পুন্না সিনেমাগী মেজিক অমদি মসিগী ফজবা মশকপু গোৱাদা হরাও তয়াম্না পাঙথোকমিন্নরি‍‍।"

“ঐখোয়না মালেম পুম্বদগী সিনেমাগী আর্তবু সেলেব্রেত তৌননবা IFFI দা পুনসিদা, ফিলম হায়বসি ঙমখৈ অমদি নাৎ ৱাংমা লান্না চৎলিবা মালেমগী ওইবা লোলনি হায়বা ঐখোয়দা নীংশিংহল্লি‍। গলা প্রেমিয়র সেগমেন্ত অসি ৱারী লীবগী মতিংগী খুদম অমনি, অমদি অয়েঙবশিংবু পুক্নিং থৌগৎকদবা অমদি পুক্নিং হোংহনগদবা মীৎফম হোংবা য়াররোইদবা ফিল্মশিং অসি ময়ামদা লান্থোকচবদা ঐখোয়দা চাউথোকচবা পোকই‍। সিলভর স্ক্রীনগী মেজিক্না ঐখোয়বু ৱারী লীবগী নুংঙাইরবা মহাও অমদা পুনশিনবা ওইরসনু,” হায়না MD NFDC অমদি ফেস্তিবেল দাইরেক্তর মিস্তর প্রিথুল কুমারনা হায়খি‍।

সৌমেন্দ্র পাধীনা দাইরেক্ত তৌবা “ফারে”না অয়েঙবশিংদা করি ওইরক্কনি খঙদবা খোঙচৎ অমদা পুদুনা চৎনবা ৱাশক্লি অদুগা কিসোর পদুরং বেলাকারগী “গান্ধী তোল্ক্স”না হিন্দু মীথোলোজী অমদি ‘সমুদ্র মন্থন’গী ৱারীদা রিফরেন্স কয়া পীদুনা কেপিতেলিজম, রেসিজম, অমদি খুন্নাইগী ওইবা মচৎশিংবু মনুং হুৎনা উৎলিবা সোসিএল কম্মেন্তরী অমদা চঙশিল্লি‍।

অনিরুধ রোই চৌধুরীনা দাইরেক্ত তৌবা ফিল্ম “করক সিংহ”না রেত্রোগ্রেদ এম্নেসিয়ানা নারে হায়বা খঙলবা দিপার্তমেন্ত ওফ ফাইনেন্সিএল ক্রাইম্সকী ওফিসর অমা ওইরিবা এ.কে. স্রিভাস্ববকী ৱারী উৎলি‍। ফীভমদু ওইজরবসু, মহাক কনা ওইরম্বগে অমদি মতৌ করম্না লায়েংশঙদা য়ৌরকখিবগে হায়বগী তোঙান তোঙানবা মীৎয়েঙদগী ৱারীশিং তারগা মহাক্না চিত ফন্দ স্কেমগী অরুবা কেস লোইশিনখি‍। মিলিন্দ রাউনা দাইরেক্ত তৌবা “দি ভিলেজ”না অয়েঙবশিংবু ইমুং অমনা ম্যুতেন্ত শাগৈ অমগী মখুত্তা অৱাফমদা তারুবগী অকি তুজুংনিংঙাই ওইরবা লম্বীগী খোঙচৎ অমদা পুরি‍।

“হরী ওম হরী”, “দিয়র জস্সি”, “রাউতু কী বেলি”, “ধুথা”, “দীল হে গ্রে”, অমদি “গ্রে গেম্স” য়াওনা মশিং য়াম্লবা শিংথানিংঙাই ওইরবা ফিল্মশিংগা লোয়ননা, ৫৪শুবা IFFI গী গলা প্রেমিয়র্স সেক্সন অসিনা মীৎয়েঙবু শিংনবা, মীওইবগী ইহুলবু নৈনবা, অমদি সস্পেন্স অমসুং মীস্তরীগী তাইবংদা কুমথদুনা চঙবা খেন্নবা অমসুং পুক্নিং মথুম মরাং হৌহনবা সিনেমাগী এক্সপরিএন্স অমা পীরি‍।

৫৪শুবা ইন্তরনেস্নেল ফিল্ম ফেস্তিবেল ওফ ইন্দিয়া (IFFI) অসি মালেমগী সিনেমাগী খ্বায়দগী ফজবশিং উৎলিবা খ্বায়দগী মশক নাইবা ফিল্ম ফেস্তিবেলশিংগী মরক্তা অমনি‍। ফেস্তিবেল অসিনা খোঙফম চেৎলবা অমদি নৌনা থোরক্লিবা ফিল্মমেকর অনিমক্তা মখোয়গী তোপ তোপ্পা থবকশিং মালেমগী অয়েঙবশিংদা লান্থোক্নবা ফম্পাক অমা পীরি‍। খেন্নবা মখলগী ফিল্ম অমদি থৌরমশিংগা লোয়ননা, IFFI না সিনেমাগী আর্তপু সেলেব্রেত তৌনবা অমদি কল্চরেল এক্সচেঞ্জ য়োকখৎনবা লেপ্লি‍। দাইরেক্ত তু OTT সেরিজ অমদি ফোঙদোক্ত্রিবা ফিল্মশিং কুমহৈ অসিদা য়েংবা লাক্লিবশিংগী মফমদা অহানবা ওইনা উৎননবগীদমক পুক্নিং মথুম মরাং হৌরি‍। রেজিস্তর তৌরবা ওদিএন্সশিংদা হায়রিবা ফিল্মশিং অসিবু কনানসু য়েংদ্রিঙৈদা য়েংবা ফংবগী ফাউরিবা মথুম মরাং হৌবা অসি IFFIনা হন্দকসু অমুক হন্না পীগদৌরিবা অনৌবা মহাও অমনি‍।

*******