گوا میں ہندوستان کے 54 ویں بین الاقوامی فلمی میلے میں 20 سے 28 نومبر 2023 تک زبردست فلموں اور ویب سیریز کے ایک شاندار سلسلے كا انتظار ہے۔

ہندوستان كے 54 ویں بین الاقوامی فلم فیسٹیول (افی) کے لیے نیشنل فلم ڈیولپمنٹ کارپوریشن لمیٹڈ "شاندار تقریب" کا انتہائی متوقع دوسرا ایڈیشن پیش کرنے کے لیے پرجوش ہے۔ فلمی ستاروں کو سامعین کے ساتھ جوڑنے کے لیے اس زمرے کو عالمی سنیما کی فنکاری کا جشن مناتے ہوئے نہایت احتیاط سے مرتب کیا گیا ہے اور فلموں کا ایک غیر معمولی انتخاب سامنے لایا گیا ہے۔ سب كچھ  فیسٹیول کے بنیادی اصولوں کو برقرار رکھتے ہوئے كیا گیا ہے۔

بین اقومی فلمی میلے كے فیچر فلموں کے ورلڈ پریمیئرز میں شامل فلموں میں فیری (ہندی) جس میں نوجوان ٹیلنٹ کو نمایاں کیا گیا ہے اور سلمان خان نے پروڈیوس کیا ہے، گاندھی ٹاکس (سائلنٹ) جس میں اروند سوامی، وجے سیتھوپتی اور ادیتی راؤ حیدری نے اداکاری کی ہے اور اے آر رحمان کی موسیقی ہے، کڑک سنگھ (ہندی) پنکج ترپاٹھی اور پاروتی تھرووتھو كی اداکاری سے مزین ہے، ہری اوم ہری (گجراتی) میں سدھارتھ رندھیریا کی اداکاری ہے، راؤتو کی بیلی (ہندی) میں نوازالدین صدیقی نے كام كیا ہے، گرے گیمز (کنڑ) میں وجے رگھویندركی اداکاری سامنے آئے گی۔ اس كے علاوہ  ایمیزہن اوریجنلس كی طرف سے دو سیریز دھوتھا (تیلگو) میں ناگا چیتنیا پاروتی تھرووتھو كو اور دی ولیج (تمل) میں آریہ نے اپنی اداكاری كے جوہر دكھاءے ہیں۔ مزید بر آں دل ہے گرے (ہندی) میں اکشے اوبرائے اور اروشی روتیلا نے اداكاری كی ہے اور ترسیم سنگھ كی ایشیائی نمایش عمل میں آئے گی۔

فلم اے وطن میرے وطن میں کرن جوہر اور سارہ علی خان کے درمیان بات چیت  خصوصی طور پر شامل ہوگی۔

عزت مآب وزیر اطلاعات و نشریات جناب انوراگ ٹھاکر نے کہا كہ 'میں سلمان خان کی طرف سے تیار کردہ 'فیری' کے معزز فلم سازوں اور باصلاحیت اداکاروں  اروند سوامی اور وجے سیتھوپتی کے ساتھ زی کے ذریعہ تیار کردہ 'گاندھی ٹاکس'؛ پنکج ترپاٹھی کے ساتھ 'کڑک سنگھ،'؛ ناگا چیتنیا اور پاروتی تھرووتھو کے ساتھ ایمیزون اوریجنل سیریز 'دھوتھا'؛ اور آریہ اور دیویا پلئی كی 'دی ولیج' اور موسیقار  اے آر رحمان اور اروشی روتیلا سمیت دیگر مشہور فنکاروں کا پرتپاک استقبال كرتا ہوں۔ مشہور زمانہ ترسیم سنگھ کی موجودگی سنیما كی زبردست تقریب كی عمدگی میں اضافہ کرتی ہے۔ اس شاندار تقریب كی رونق ہماری تازہ ترین مہم، 'میری مٹی میرا دیش' کے ساتھ مزید بڑھتی ہے، جو شمال، مشرق، جنوب اور مغرب کی سرزمین سے سینما کا جشن ہے۔ ہم ایک ساتھ مل کر گوا میں سینما کے بہترین میجك کا جشن منانے جا رہے ہیں!"

این ایف ڈی سی كے ایم ڈی اور فیسٹیول کے ڈائریکٹر جناب پرتھول کمار نے کہا كہ "جب ہم افی میں دنیا بھر سے سینما کے فن کا جشن منانے کے لیے جمع ہوتے ہیں تو ہمیں یاد دلایا جاتا ہے کہ فلم ایک عالمگیر زبان ہے جو سرحدوں اور ثقافتوں سے بالاتر ہے۔ گالا پریمیئر كے زمرے میں ہمیں کہانی سنانے کی طاقت والی یہ دلکش فلمیں پیش کرنے کا اعزاز حاصل ہے جو سامعین کو متاثر اور متحرک کریں گی۔ سلور اسکرین کا جادو ہمیں کہانی سنانے کی خوشی میں یكجا کرنے جا رہا ہے۔

سومیندر پاڑھی کی ہدایت میں بننے والی "فیری" كے ساتھ ایک سنسنی خیز سفر کا آغاز ہونے جا رہا ہے۔ پردہ اٹھنے كا انتظار ہے۔ کشور پڈورنگ بیلیکر کی "گاندھی ٹاکس" ایک سماجی تبصرہ ہے جو سرمایہ داری، نسل پرستی اور معاشرے کی گہرائیوں کو سامنے لاتی ہے۔ یہ ہندو افسانوں اور 'سمودر منتھن' کی کہانی کے دلچسپ حوالوں کے ساتھ۔

انیرودھا رائے چودھری کی ہدایت میں بننے والی فلم ’’کڑک سنگھ‘‘ اے کے سریواستو کی کہانی پر مبنی ہے جو محکمہ مالیاتی جرائم کا ایک افسر ہیں جنہیں بھولنے كی بیماری لاحق ہے۔ اپنی حالت کے باوجود وہ چٹ فنڈ گھپلے کے پیچیدہ معاملے کو مختلف نقطہ نظر سے سن کر حل کرتے ہیں کہ وہ کون تھے اور اسپتال کیسے پہنچے۔ ملند راؤ کی ہدایت کاری میں بننے والی "دی ولیج" سامعین کو ایک سڑک کے سفر پر لے جاتی ہے جو اس وقت خوفناک ہو جاتا ہے جب ایک خاندان جسمانی طور پر مختلف قبیلے کا شکار ہو جاتا ہے۔

"ہوری اوم ہری،" "ڈیئر جسی،" "راؤتو کی بیلی،" "دھوتھا،" "دل ہے گرے،" اور "گرے گیمز،" سمیت متعدد دیگر قابل ذکر فلموں کے ساتھ ہندوستان كے 54 ویں بین اقوامی فلمی میلے كا گالا پریمیئرز سیکشن متنوع اور دلکش سنیماجاتی تجربہ پیش کرتا ہے جو تاثرات کو چیلنج کرتا ہے، انسانی جذبات کی کھوج کرتا ہے اور سسپنس اور اسرار کے دائرے میں قدم ركھتا ہے۔

ہندوستان كا 54 واں بین اقوامی فلمی میلہ (افی) سب سے اہم فلمی میلوں میں سے ایک ہے، جس میں عالمی سنیما کی بہترین نمائش ہوتی ہے۔ یہ میلہ مستحكم اور ابھرتے ہوئے دونوں فلم سازوں کو عالمی سامعین کے ساتھ اپنے غیر معمولی کام کا اشتراک کرنے کے لیے ایک پلیٹ فارم فراہم کرتا ہے۔ فلموں اور تقریبات کے متنوع انتخاب کے ساتھ افی سینما کے فن کا جشن منانے اور ثقافتی تبادلے کو فروغ دینے کے لیے پرعزم ہے۔ ڈائریکٹ ٹو او ٹی ٹی سیریز اور غیر ریلیز شدہ فلمیں تہوار کے سامعین کے لیے اپنے مواد کو سامنے لانے کے لیے پرجوش ہیں۔ رجسٹرڈ سامعین کے اندر ان فلموں كو سب سے پہلے دیکھنے كا یہ جوش ایک نئی چیز ہے اور افی اس بار پھر یہ پیشكش کرے گا۔

***

ش ح۔ ع س۔ ک ا