صدر جمہوریہ ہند محترمہ دروپدی مرمو نے دیپاولی کے موقع پر ہم وطنوں کو مبارکباد پیش کی ہے۔

  اپنے تہنیتی پیغام میں صدر جمہوریہ نے کہا ہے کہ ’’دیپاولی کے پرمسرت موقع پر، میں ہندوستان اور بیرون ملک مقیم تمام ہم وطنوں کو مبارکباد اور نیک خواہشات پیش کرتی ہوں۔

  دیپاولی خوشی اور مسرت کا تہوار ہے۔ یہ تاریکی پر روشنی کی فتح، برائی پر اچھائی اور ناانصافی پر انصاف کی فتح کے لیے منایا جاتا ہے۔ مختلف مذاہب اور عقائد کے لوگ اس تہوار کو مناتے ہیں اور محبت، بھائی چارے اور ہم آہنگی کا پیغام  عام کرتے ہیں۔ یہ تہوار احسان، مثبتیت اور خوشحالی کی علامت ہے۔ دیپاولی کا تہوار ہمارے ضمیر کو روشن کرتا ہے اور ہمیں انسانیت کی فلاح کے لیے کام کرنے کی ترغیب دیتا ہے۔

ایک چراغ بہت سے دوسرے چراغ کو روشن کر سکتا ہے۔ اسی طرح ہم غریبوں اور ناداروں کی زندگیوں میں خوشیاں بانٹ کر ان کے ساتھ خوشیاں بانٹ سکتے ہیں۔

آئیے ہم سب روشنیوں کے اس تہوار کو محفوظ طریقے سے منائیں اور ماحولیات کے تحفظ میں اپناتعاون پیش کر کے ملک کی تعمیر کا عہد کریں۔

صدر جمہوریہ کی تقریر کے لیے یہاں کلک کریں۔

۔۔۔۔۔۔۔۔۔۔۔۔۔۔۔۔۔۔۔۔۔ 

(ش ح ۔ رض  ۔ ت ع(

932