ভারতকী রাস্ত্রপতি শ্রীমতী দ্রৌপদি মুর্মুনা ঙসি (২০২৩গী নবেম্বর ১) লেহগী সিন্ধু ঘাৎতা মহাকপু ইকায় খুম্নদুনা পাংথোকপা সিভিক রিসিপ্সনদা শরুক য়াখ্রে।

থৌরম অসিদা ৱা ঙাংলদুনা রাস্ত্রপতিনা হায়খি মদুদি সিন্ধু ঘাৎতা লাকপদা মহাক নুংঙাইবা ফাওই। মহাক্না হায়খি মদুদি সিন্ধু তুরেল ভারত মচা পুম্নমক্কী হিস্তোরিকেল, কলচরেল অমসুং স্পিরুচুয়েল কন্সিয়সনেসকী মনুংদা লৈরি।

রাস্ত্রপতিনা হায়খি মদুদি লদাখকী নুংশিরবা মীয়ামগা উনবদা অপেনবা ওইখি। মহাক্না মখা তাখি মদুদি ভারতকী প্রজাশিংদা লদাখকী মীয়ামগীদমক নোকলুকপা অমসুং ইকায় খুম্নবগী অখন্নবা ইহুল লৈ অমসুং জাতিবু ঙাক্তুনা থম্বদা লদাখ মীয়ামনা লৌরিবা থৌদাংগী মতাংদসু মখোয়না খংঙি।

রাস্ত্রপতিনা হায়খি মদুদি রিজন অসিগী মীওইশিং অসি থৌনা ফবা অমসুং বুদ্ধদা মখোয়গী থাজবা থম্বা অদুগীদমক খংনৈ। মহাক্না মখা তাখি মদুদি ভগবান বুদ্ধগী শিবা নায়দ্রবা অমসুং অহিংবা পাউজেলশিং লদাখকী খুত্থাংদা লাপ্না তাম্না লৈরিবা লমদমশিংদা শন্দোক্লি।

রাস্ত্রপতিনা হায়খি মদুদি লদাখতা স্পিরিচুয়েল তুরিজম, এদভেঞ্চর তুরিজম অমসুং ইকো-তুরিজমগী দিবলপমেন্তগীদমক লোইনায়দ্রবা ওইথোকপা য়াবশিং লৈরি। মহাক্না হায়খি মদুদি রিজন অসিদা ৱেলনেস তুরিজম নত্রগা হেল্থ তুরিজম চাউখৎহন্নবগীদমক অচৌবা পোতেন্সিয়েল লৈরি।

রাস্ত্রপতিনা হায়খি মদুদি লদাখতা ত্রাইবেল কম্যুনিতী কয়াগী ইনাক খুল্লবা ত্রেদিসনশিং হিংদুনা লৈবা অসি নুংঙাইবা ৱাফম অমনি। মহাক্না হায়খি মদুদি মীয়াম্না মহৌশাগীদমক নোকলুকপা অমসুং ইকায় খুম্নবা খংনা চৎলি মদু ত্রাইবেল কম্যুনিতীশিংগী কলা, জগোই, ইশৈ অমসুং পুন্সী মহিংদা মমি তারি। মহাক্না হায়খি মদুদি ঐখোয়না ‘লাইফস্তাইল ফোর দি এনভাইরনমেন্ত’গী খুদম ওইনা ত্রাইবেল কম্যুনিতীশিংগী পুন্সি মহিং য়োক্তুনা থমগদবনি। মহাক্না মখা তানা হায়খি মদুদি অদুগুম্লবা কম্যুনিতীশিংগী মীওইশিংবু মোদর্ন দিবলপমেন্তকী অফবশিং এদোপ্ত তৌবদসু পুক্নিং থৌগৎকদবনি। মহাক্না হায়খি মদুদি ত্রেদিসন অমসুং মোদর্নিতীগী কনফ্লুয়েন্স অসিনা লদাখকী প্রজাশিং য়াওনা নাগরিক পুম্নমক্কীদমক সস্তেনেবল দিবলপমেন্তগী অচুম্বা লম্বী ওইগনি হায়বদু উৎলগনি।

রাস্ত্রপতিনা সেল্ফ হেল্প গ্রুপশিং অমসুং লোকেল ত্রাইবেলশিংগী মীহুৎশিংগসু উনখি।

রাস্ত্রপতিগী ৱারোল য়েংনবগীদমক মসিদা ক্লিক তৌবীয়ু

*****