কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
ভারতকী কঞ্জুমরশিং অসি হৌজিক্তি ক্বালিতী ৱাংবা পোৎশিং অমসুং সর্ভিসশিং পাম্নরক্লিঃ শ্রী গোয়ল
ভারত্তা শাবা পোথোক খুদিংমক ক্বালিতী ৱাংবা পোথোক ওইগদবনিঃ শ্রী গোয়ল
এফোর্দেবল ক্লিন এনর্জী হায়বসি সস্তেনেবল গ্রোথকী মনুংচনবা শরুক অমনিঃ শ্রী গোয়ল
কেন্দ্রগী মন্ত্রী, শ্রী গোয়লনা ভারত মনদপমদা 'G20 স্তেন্দর্দস দাইলোগ' তা শরুক য়াখ্রে
Posted On:
03 NOV 2023 6:16PM by PIB Imphal
কেন্দ্রগী কঞ্জুমর এফিয়র্স, ফুদ এন্দ পব্লিক দিস্ত্রিব্যুসন, তেক্সতাইলস এন্দ কম্মর্স এন্দ ইন্দস্ত্রী মন্ত্রী, শ্রী পিয়ুশ গোয়লনা হায়খি মদুদি ভারতকী কঞ্জুমরশিং অসি হৌজিক্তি ক্বালিতী ৱাংবা পোৎশিং অমসুং সর্ভিসশিং পাম্নরক্লি অমসুং মদু ফংহন্ননবা, সরকারনা অনৌবা ক্বালিতী স্তেন্দর্দশিংদা চুশিন্ননবা অমসুং ভারতপু অফবা ক্বালিতীগী পোথোকশিং পুথোকপা লৈবাক অমা ওইহন্ননবা প্রোদ্যুসরশিংদা মতেং অমসুং মতিক চাবা মতম পীরি।
মহাক্না নই দিল্লীগী ভারত মনদপমদা ঙসি ' G20 স্তেন্দর্দস দাইলোগ' কী লোইশিল্লকপা সেসন্দা ৱা ঙাংখি।
ভারতপু মালেমদা চৎনরিবা স্তেন্দর্দশিং অসি চৎহনবদা মতেং পাংননবা, মালেমগী বোদিশিংগা স্তেন্দর্দ পুন্না চৎমিন্নবা অসি তঙাই ফদে হায়না শ্রী গোয়লনা হায়খি। মহাক্না ভারতকী করিগুম্বা খুদিংমক্তা তু স্তেন্দর্দ ওইবগী ৱাখল্লোন অদু থাদোক্নবা হায়খি। ঐখোয়গী পান্দমদি ভারত্তা শাবা পোথোক খুদিংমক ক্বালিতী ৱাংবা পোথোক ওইগদবনি হায়বসিনি হায়না শ্রী গোয়লনা হায়খি।
শ্রী গোয়লনা হায়খি মদুদি করিগুম্বা কঞ্জুমরশিংনা ভারতকী পোথোক অমা খনলবদি হায়রিবা পোথোক অদু ক্বালিতী ৱাংবা ওইগদবনি। হীরম অসিদা চাউখৎলবা লৈবাকশিংনা তাকপীগদবা য়াম্না লৈরি, অমসুং মরম অসিনা, মতেং পাম্লিবা লৈবাকশিংগীদমক্তা, G20 স্তেন্দর্দস দাইলোগগুম্বদা চাং নাইনা য়াউদুনা য়াম্না কনবা ফেমৱার্ক অমা শেমগদবনি হায়না মহাক্না হায়খি। মথংগী চহি খরা অসিদা ভারতনা তেস্ত লেবগুম্বা স্তেন্দর্দ ইকোসিস্তেম উপগ্রেদ তৌরগনি অমসুং মালেম ইমা অমসুং মালেমগী মীপুম খুদিংমক্কী অফবা অমসুং য়াইফবা তুংলমচৎ অমগী ক্বালিতী য়ৌননবা অতোপ্পা লৈবাকশিংগা লোয়ননা মুচুএল রিকোগনিসন এগ্রীমেন্তশিং লৈনবা ওইরসনু হায়না মহাক্না হায়খি।
শ্রী গোয়লনা হায়খি মদুদি দাইলোগ 'জেরো দিফেক্ত, জেরো ইফেক্ত' কী থীম অসি ইকাই খুম্নজরিবা প্রধান মন্ত্রী, শ্রী নরেন্দ্র মোদীনা চহি ৯ গী মমাংদা ফোংদোকখি। প্রধান মন্ত্রী অসি সস্তেনেবিলিতীগী ইভাঞ্জেলিস্ত অমনি অমসুং লৈবাক অসিদা অমসুং মালেমদা অপুনবা এক্সনগী তঙাই ফদবগী মতাংদা এৱেয়রনেস অমা শেম্নবা মাংজিল থাদুনা লাক্লি হায়না মহাক্না ফোংদোকখি। মহাক্কী মঙলান্দি সস্তেনেবিলিতীনা অমত্তা ওইবা খুদম অমা ওইবনি হায়না মহাক্না ফোংদোকখি।
অচম্বা মীওই অমনা ফাওবা সস্তেনেবল গ্রোথকী মরু ওইবা খংই অমসুং লৈবাক্কী মীপুম খুদিংমক্না কনা অমত্তা চিৎথদবা মওংদা গ্রোথ লৈহনগদবনি হায়বা খংই হায়না শ্রী গোয়লনা ফোংদোকখি। মহাক্না হায়খি মদুদি য়ুনাইতেদ নেসন্স সস্তেনেবল দিবেলপমেন্ত গোলশিং অসিসু রোদমেপ, ওন স্তেন্দর্দস অমসুং ওন সস্তেনেবিলিতী পীনবগী মরু ওইবা মচলশিংনি।
"জেরো হংগরগী পান্দম, হেলথ এন্দ ৱেলনেসগী পান্দম, লৈবাক্কী মীপুম খুদিংমক্কী হেন্না ফবা পুন্সি অমগী পান্দম হায়বসি ঐখোয়না মরু ওইরবা সবজেক্ত- এফোর্দেবল ক্লিন এনর্জী অসিদা মরৈ য়েৎনবা মতমদা কাওদবা ফৈ," শ্রী গোয়লনা হায়খি।
কেন্দ্রগী মন্ত্রীনা হায়খি মদুদি এফোর্দেবল ক্লিন এনর্জী হায়বসি সস্তেনেবল গ্রোথকী মনুংচনবা শরুক অমনি মসিদা ভারতনা রিসাইক্লিং, রিয়ুস, অমসুং থিংবা ঙম্লরোইদবা, মতৌ করম্না 'ৱেস্ত অসি য়ামদনা থমগনি' হায়বা অসিবু ফংননবা য়েংশিল্লগনি। "মদু মাঙদা লৈরিবা লম্বীনি। মদু ঐখোয়গী ইমাংদা তাদুনা লৈরিবা লম্বেলনি," মহাক্না মখা তাখি মদুদি সরকারনা থৌরাংশিংগী য়েৎখাইবা অমা নত্তনা মদুগী ফেসিলিতেতর অমা ওইনা থবক তৌবা পাম্মি ।
মহাক্না হায়খি মদুদি করিগুম্বা ভারতনা পোথোকশিং অমসুং অফবা সর্ভিস পীরবদি, মালেম অসি ভারতকী ফম্বাক ওইগনি।
***
(Release ID: 1974614)
Visitor Counter : 64