খুরুমজরি!

ময়াম পুম্নমক ঐনা তরাম্না ওকচরি।

চীফ ওফ আর্মি স্তাফ জেনেরেল মনোজ পান্দে, চীফ ওফ নেভেল স্তাফ, এদিমিরেল আর.হরি কুমার, ভাইস-চীফ ওফ এয়র স্তাফ, এয়র মার্সেল এ.পি সিংহ, সেন্তর ফোর লেন্দ ৱারফিয়ার স্তদিজগী দিরেক্তর জেনেরেল লেপ্তনেন্ত জেনেরেল পি.এস রাজেশ্বর(রিতায়ার্দ), ভাইস-চীফ ওফ আর্মি স্তাফ, লেপতনেন্ত জেনেরেল এম.ভি সুচিন্দ্র কুমার, এম্বেসেদরশিং, হায় কম্মিসন্নরশিং, শক্নাইরবশিং, হান্নগী চীফ ওফ আর্মি স্তাফ, জেনেরেল ভি.এন শর্মা, হান্নগী চীফ ওফ নেভেল স্তাফ, এদমিরেল এস. লাম্বা, ভারত অমসুং মপান লৈবাকশিংগী শক্নাইরবশিং, দিফেন্স সর্বিসকী ওফিসারশিং, থিঙ্ক তেঙ্কশিং, মেদিয়াগী মীওইশিং, মরুপশিং, ইবুংঙোশিং অমসুং ইবেম্মাশিং।

চনক্য দিফেন্স দাইলোগ অসি ভারত লান্মীনা হৌদোকপা অচৌবা থৌরম অমনি। ভারত লান্মীনা পায়খৎলিবা থবক অসিগীদমক ঐনা থাগৎচরি। খা এসিয়া অমসুং ইন্দো-পেসিফিক্তা তুংদু-লৈতাবা অমসুং নুংঙাই-য়াইফবা তুংলমচৎ অমা লৈহন্নবা ঙাক-শেন, লাল্লোং অমসুং মতেং পাংনবগী থবকশিং পাংথোক্নবা দাইলোগ অসিনা কান্নবা মফম অমা পীগনি।

অনৌবা থবক অসিনা অনৌবা ৱাখলশিং পীথোক-পীশিন তৌনবা অমসুং সেকুরিতিগী মরুওইবা ৱাফমশিং খন্ননবা মরুওইবা মফম অমা ওইনা থবক তৌগনি অমসুং লৈবাক্কী ঙাক-শেনগী লমদা ৱাখল তাবা হেনগৎহনগনি অমসুং মরুওইবা ৱাফমশিংদা ৱারেপশিং লৌবদা মতেং পাংগনি। সেসন তরুক লৈগদবা নুমিৎ নিনিগী দিফেন্স দাইলোগ অসিদা ফিবমশিং থেংননবা লম্বী অমা শেম্না লমদম অসিগী অমসুং মালেমগী তোঙান-তোঙানবা ৱাফমশিং খন্নগনি। লমদম অসিগী লৈবাকশিংগী মরক্তা ভারতকী ফিবম ফগৎহন্নবা সেকুরিতিগী থবকশিংগী লাল্লোং অমা শেম্নবা থৌরম অসিদা মীৎয়েং থমগনি।

অরুবা ফিবম কয়া মায়োক্নদুনা, করিগুম্বা ফিবম অমদা লৈরিবা মালেম অসিদা, মালেমগী সেকুরিতি অমসুং শান্তিদা শিংনরিবশিং মশক খঙদোক্নবা ফোরম অমা শেম্বা হায়বা তঙাইফদবা অমসুং মতম চপ চারবা অমনি।

থৌরম অসি পাংথোকপগীদমক ঐনা ভারত লান্মী, চীফ ওফ আর্মি স্তাফ অমসুং লান্মীগী লুচিংবশিং থাগৎচরি।

মরুপশিং,

খা এসিয়া অমসুং ইন্দো-পেসিফিক্তা থেংনরিবা সেকুরিতিগী অরুবা ফিবমশিং নৈনবা অমসুং লমদম অশিগী অপুনবা সেকুরিতিগীদমক লাম্বী অমা শেম্নবা থৌরম অসি য়াম্না চুনরে।

পুৱারিদগী হৌনা ভারত অসি শান্তিগী লমদম অমনি অমসুং ঐখোয়গী মীয়াম নুংঙাইনবা, ঐখোয়গী লৈবাক চাউখৎনবা অমসুং মীওইবা খুন্নাই য়াইফনবা অশোই-অঙাম থোক্তবা অমসুং শান্তি লৈবা ফিবম অমা শেমগৎপা হায়বসি লৈবাক অসিগী মরুওইবা পান্দম অমনি। ‘বসুধাইব কুতুম্বকম’- মালমে অমা, ইমুং অমা, তুংলমচৎ অমা, হায়রিবা ৱাখল্লোন অসি ঐখোয়গী পুন্সিগী লম্বী অমসুং ঐখোয়গী মালেমগী মীৎয়েংনি। চহি কয়া ঐখোয়গী থবকশিংদা सुलह, सलामती और अमन (ৱাখল তামিন্নবা, ঙাক-শেন অমসুং শান্তি) না ময়াইদা লৈদুনা লাক্লি।

ঐখোয়না চহি অমা চুপ্না জি-২০গী লুচিংবা ওইদুনা মসি পুৱারি ওইনা মাইপাকপা অমা ওইহনখ্রে, দিল্লি দিক্লারেসন লাউথোক্লে।

মরুপশিং,

মালেমগী লৈবাক কয়ানা শরুক য়াবা চহিগী মীফম রাইসিনা দাইলোগনা মালেমগী মীয়াম্না থেংনরিবা অৱাবশিং কোকহন্নবা থাজবা পীদুনা, চহি কয়া অসিদা জিওপোলিতিক্স, জিও-স্ত্রাতেজি, জিও-তেক্নোলোজি অমসুং জিও-ইকোনোমিক্সকী লমদা ৱারি শান্নবা মফম অমা ওইরে।

রাইসিনা দাইলোগ ২০২৩ থিম “ প্রোভোকেসন, অনসরতেনিতি, তুর্বুলেন্স: লাইত হাওস ইন দি তেম্পেস্ত’ অসি তশেংনা হৌজিক্কী মতম অসিদা চুনবা ওইরে। মালেমগী লুচিংবা কয়া তোঙান-তোঙানবা মওংদা ৱারি শানবা কয়া পাংথোক্লি। সেপ্তেম্বর ২০২৩দা পাংথোকপা মরুওইবা অতোপ্পা থৌরম অমনা, ভারত লান্মীনা অহানবা ওইনা য়ুম্বু ওইবা ইন্দো-পেসিফিক আর্মি চীফস কনফরেন্স অসিনি। ইন্দো-পেসিফিক লমদম অসি ইচম চম্বা লৈবাকশিংগী অপুনবা অমা নত্তে, অমনা অমগী মখা পোনবগী ৱেব অমনি হায়বা মফম অসিদা জেনেরেল মনোজ শরুক য়াবা অসিদা উৎলে।

ব্রাজিল, তোঙ্গা, য়ু.কে, সাউদি অরাবিয়া, থাইলেন্দ, ইন্দোনেসিয়া অমসুং য়ু.এস.এগুম্বা লৈবাকশিংগী লান্মীগী মকোক ১৭ অমসুং দেলিগেসনগী মকোক ১২ মালেমগী মীফম অসিদা শরুক য়াখি। মাইকৈ অসিদা য়েংবদা, চনক্য দিফেন্স দাইলোগ অসি লৈবাক্কী ঙাক-শেনগী খন্নবা মালেমগী মরুওইবা মফম অমা ওইবতা নত্তনা, পাম্বৈশিং থিনবা শক্তি উৎপা অমনি।  মালমগী তোঙান-তোঙানবা মফমশিংদগী তোঙান-তোঙানবা ৱাখল্লোনশিং পুনশীনফম অমা ওইনা নিউ দিল্লি অসি মালেমগী মফম অমা ওইরকপদা অপেনবা ফাওই। মসি তশেংনা মালেমগী থবক-থৌরমশিংদা ভারতকী থৌদাং উৎপা অমনি।

ঐখোয়না হৌজিক থেংনরিবা খুদোংচাদবশিং-অইং-অশা হোংলকপা, গ্রিন ইনর্জি, দিজিতেলগী খেন্নবা, পৱার ত্রান্সমিসন হেনগৎহনবা, শেন-থুমগী অৱাবা, শেন তোনবা, অনৌবা অমসুং মরুওইবা তেক্নোলোজিশিং, লম্বী-থোং অমসুং ইনফ্রাস্ত্রকচরগী লমদা জি-৭দগী হৌরগা গ্লোবেল সাউথকী ৱাখল্লোনশিং তানবা থৌরম অসিনা মফম অমা পীরগনি হায়না ঐনা থাজে। মতমগী মতুংইন্না, অনৌবা ৱাখল্লোনশিং, প্রোজেকশিং, মপান লৈবাক্কী থৌশিল অমসুং লৈবাক্কী ঙাক-শেন্দা মালেমগী খ্বাইদগী ফবা থবকশিং মশক খঙদোক্নবা হায়রিবা ফোরমশিং অসি লেবশিং/হবশিং ওইরক্লগনি।

মরুপশিং,

ভারত অসি চহি লিশিং কয়াগী সভেত্যগী চৎন-লোনচৎশিং খুদোল ওইনা পীরম্লে।  মালেম্না ভারত অসি অচৌবা অধ্যতিক্কী লুচিংবা কয়াগী লমদম অমনি হায়না খঙনবগা লোয়ননা, লৈবাক অসি খ্বাইদগী লাল্লোং হৈবা খরগী ‘কর্মভুমি’ ওইরি। দাইলোগ অসিগী মমিং থোল্লিবা অচার্য়া চনক্য লাল্লোং অমসুং লৈবাক ঙাকপগী লৌশিং য়াম্না লৈবা মীওইশিংগী মনুংদা অমনি অমসুং মতম পুম্নমক্তা মহাক্কী লৌশিং অমসুং পাউতাক চুনখি।

মহাক্না হায়রমখি:

“शस्त्र नहीं उठा ओगे तो अपना राष्ट्र खो दोगे

और शास्त्र नहीं पढ़ोगे तो अपनी संस्कृति को खो‌ दोगे।”

“করিগুম্বা নহাক্না খুৎলায় পায়দ্রবদি, নহাক্কী লৈবাক মাঙখিগনি”।

অমসুং করিগুম্বা নহাক্না অরিবা লাইরিশিং পাদ্রবদি, নহাক্কী নাৎ মাঙখিগনি”।

অতোপ্পা অমদা, ভারতকী অরংবা থৱান্মিচাক অমসুং মালেমগী শক্নাইরবা, শ্বামী বিবেকানন্দনা হায়খি “মালেম অসি লৈবাকশিংনা মখোয় মশা মপাঙ্গল কনহন্নবা জিম্নসিয়ম অমনি”। হায়বদি মালেমগী ওইনা মপাঙ্গল কনবা দরকার ওই হায়না ফোঙদোকপনি। মপাঙ্গল দরকার ওই অমসুং মালেমগী অচুম্বা চৎন-কাংলোন অমা লৈনবা পাঙ্গল লৈহনগদবনি। লৈবাক অমগী মপাঙ্গল অসি ঙাক-শেন অমসুং কিহনবদা য়াম্না কান্নৈ। লৈবাক অমগী ঙাকবা শকপা হৈবা অমসুং শেন-থুমগী শক্তি অসি ঙাক-শেনগী ফিবম মপাঙ্গল কনখৎহনবগী মচাকশিংনি। ঙসি ভারতনা বসুধাইব কুতুম্বকমগী ফিদমশিং ঙাক্নবা চৎপগা লোয়ননা মপাঙ্গল কনবগী অফবা থবকশিংসু পাংথোকলি।

ঐখোয়গী প্রধান মন্ত্রী নরেন্দ্র মোদীনা ফোঙদোকখিবা “হৌজিক লালগী মতম নত্তে, ৱারি শানবা অমসুং দিপ্লোমেসিগী মতম্নি” হায়বা অসিনা মালেমগী অপুনবা চৎন-কাংলোন মশক তাক্লে। হায়রিবা ৱাখল্লোনশিং অসি ঐখোয়গী সভেত্যগী মচৎনি অমসুং ভারতকী ফিবমগী অমৃত্রনি। মালেমগী অপুনবা মীশিংগী শরুক তরুক থোকপগী শরুক অমা লৈরিবা ভারতকী অনিংবশিং মহাক্না ফোঙদোক্লি।

মরুপশিং,

ভারতনা মালেমদা মাঙজিল থাবা ইকোনোমি অমা ওইরকপা হায়বসি মালেমগী শান্তি অমসুং নুংশিনবা পুরক্নবগী মরুওইবা মরম অমনি। শান্তি হায়বসি অপাম্বা অমা নত্তে। মসি অমতা ঙাইরবা লম্বীনি। শান্তি লৈরক্তবা মতমদা মীওইবা খুন্নাই অৱাবা ওইরকই অমসুং মালেমগী খুদোংচাদবা কয়া মায়োক্নৈ। অনৌবা থবক পাংথোক্তুনা, অচুম্বা থিদুনা, ৱারি শানদুনা শান্তি পুরক্নবা হোৎনবা দরকার ওই।

হন্দক মালেম্না থেংনরিবা থৌদোকশিং -অহানবদা য়ুক্রেন অমসুং হৌজিক নোংচুপ এসিয়াদা থেংনরিবা মুক্নবা অসিনা মালেমগী অৱাবা ওইহল্লে। মালেম অসি পীকশিল্লকপা অমসুং অমনা অমগী মখা পোন্দুনা হিংলিবা অসিনা মুক্নবশিং লোইশিনবা ঙমদবা অসি অৱাবা অমনি। মুক্নবশিং ৱারোইশিন পুরক্নবা মালেমগী হৌজিক ওইরিবা ফিবমশিং অমুক হন্না য়েংশিনবা দরকার ওইরে অমসুং মমাংঙৈদগী চৎনরক্লবা থবকশিং চনফম লৈত্রে, মখোয়না হৌজিক মায়োক্নরিবা খুদোংচাদবশিং কোকহনবা ঙমদ্রে।

তাঞ্জা অসিদা ফোরম অসিনা লৈবাক্কী সেকুরিতিগী অরুবা ফিবমশিং খন্নগনি অমসুং শুকশোই শোইদনা পাংথোক্ত্রবা য়াদ্রবা থবকশিং পাংথোক্নবা খন্নগনি। মরুওইনা হিরম অনিদা খন্নবা দরকার ওই। অহানবা মুক্নবশিং মশা মরেং ফন্দোরক্লিবা অসিনি অমসুং মসি নোংম-নোংমগী শন্দোরকপা ঐখোয়না উরে অমসুং অনিশুবদা মসি অরুবা ফিবমদা পাকথোক-চাউথোরকপা অসিনি।

ঙসিদি নেসনেল সেকুরিতি অসি শক্লোন কয়াগী অপুনবা অমনি অমসুং মিলিতরি অসি মসিগী মচেৎ অমনি। তশেংনা থায়নগী ফিবমদগী অহোংবা অমা লাক্লে। হৌজিক ওইরিবা ফিবম অসি চুনবা ঙমগদবা পাম্বৈশিং থিনবা ঐখোয়গী ঐখোয়গী পুক্নিং চঙনবা অচৌবা অহোংবা অমা পুক্নবা ঐনা হায়জরি।

শেন-থুমগী শক্তি, দিপ্লোমেসি, অনৌবা মিলিতরি-ইন্দস্ত্রিগী থবক, ইন্দস্ত্রিগী থবক, অৱাবা খঙবা ঙম্বা সপ্লাই চেন শেমগৎপা, মরুওইবা মিনরেলশিং, রিয়ার আর্থস, সাইন্সকী চাউখৎপা, অকনবা রিছার্স অমসুং দিবলপমেন্তগী থবক, কেপাসিতি শেমগৎপা অমসুং লাল থেংনবদা প্রাইভেদ সেক্তরগী তৌবা ঙম্বশিং, হায়রিবা তোঙান-তোঙানবা মচেৎশিং অসি পুনশিল্লগা অকনবা শক্তি অমা শেমগদবনি।

সেকুরিতি অমসুং ইন্নোবেসনগী লমদা পুন্না মরুপ-মপাং ওইনা থবক তৌমিন্নবা অসি মাঙলোমদা চঙশিনগদবা লম্বীনি অমসুং মসিনা অমতা ঙাইরবা লম্বী ওইরক্লি।

নৌনা থোরকপা তেক্নোলোজিশিং হায়বদি আর্তফিসিএল ইন্তিলিজেন্স, রোবোতিক্স, ক্বান্তম অমসুং সেমিকন্দক্তরশিংদা ভারতনা মীৎয়েং থম্লি অমসুং ভারতনা বাইওতেক, দ্রোনশিং অমসুং হায়পরসোনিক্সতা মীৎয়েং থমদুনা লাল অমসুং চাউখৎপগী মচৎশিং অমুক হন্না ইবতা নত্তনা, হায়রিবা হিরমশিং অসিদা মপু ওইহৌবা অসিনা তুংগী লাল্লোং ওইগনি।

অসিগুম্বা অহোংবশিং অমসুং খুদোংচাদবশিং থেংনবা ঙম্নবা, ঐখোয়না স্পেস, সাইবর অমসুং ইলেক্ত্রোমেগ্নেতিক স্পেকত্রমদা থবক তৌবা ঙমগদবনি। হায়রিবা তেক্নোলোজিশিং অসিনা মমাঙদা অমুক্তা ওইখিদ্রিবা মওংদা কংফাল, সমুদ্র অমসুং নোংথক মতেং পাংলে। ৱাখল্লোন হোংগদবনি, কুপ্না থিজিনগদবনি অমসুং ৱারোইশিন অমা পুরক্নবা মীৎয়েং কয়া পুনশিনগদবনি। অসিগুম্বা শিংনবশিং থেংনবা ঙম্নবা অমসুং লৈঙাক্কী চুমথোকপা কয়া পুরক্নবা, ঐখোয়না নাৎকী অওনবশিং পুরক্নবা দরকার ওই। অনৌবা লৌশিং অমসুং সিবিল মিলিতর পুন্না থবক তৌমিন্নবা অসি অনৌবা লাইৱা ওইগনি।

দাইলোগ অসিনা চিংনবা লৈরিবা মীওই অমদা অচুম্বা শোইদনা পুরকপা ঙমগনি হায়না ঐনা চেৎনা থাজবা থম্লি। খন্ন-নৈনবা অসিনা লাল্লোং অমসুং মহাক্কী ক্রাফতা চনক্যগী ৱাঙুলোনগী থাকশিংদা পুখৎলক্কনি। চনক্য দিফেন্স দাইলোগ অসি অহৌবা অমগী অফবা মফম অমনি। মালেমগী য়াইফনবা লাল্লোংশিং য়াৎনবা মীওইবগী ৱাখল শীজিন্ননবা চপ চারবা ফোরম অমনি হায়না ঐনা থাজৈ। তুংদা চনক্য দিফেন্স দাইলোগ অসি ভারত লান্মীনা লুচিংদুনা চাংনাইনা পাংথোকপা হৌরম অমা ওইনা থৌরাং তৌরে। মতম চানা অসিগুম্বা থৌরম অমা শীনবগীদমক ঐনা চীফ ওফ আর্মি স্তাফ অমসুং মহাক্কী কাংবু থাগৎপা ফোঙদোকচরি।

মরুপশিং,

মপাঙ্গল কনবা ফিবম অমনা শান্তি লৈহনবা ঙম্মী হায়বা চহি কয়া ঐখোয়দা নিংশিংহল্লে অমসুং মসি বিবেকানন্দদা মমি তাখি। মসিগী ৱাখল্লোন অসি চনক্যদা লৈখি। লালগী থৌরাং তৌবা অসি ভারতকী শান্তি পুরক্নবা লম্বী অমনি অমসুং মসিনা লৈবাক অসি দিপ্লোমেসি হেনগৎহল্লে। ভারতকী অফবা দিপ্লোমেতিক্কী শক্তি অসি হন্দক লাউথোক্লে, মসি মালেমদা তংদু-লৈতাবা পুরক্নবা অশেংবা মরম অমা ওইরক্লে। মসিদা অদোম পুক্নিং চঙগনি হায়না ঐনা থাজৈ।

ভারত ফিদম্নিঙাই ওইনা চাউখৎলক্লে, তেক্নোলোজিগী খুমাঙচাউশিল্লে, শেন-থুমগী লমদা মালেম থাক্কী মাইপাকপা কয়া লৈরে অমসুং চহি খর অসিদা হান্না খল্লুদবা ফিবম অমদা চাউখৎলে। ১৯৮৯দা ঐ পর্লিয়ামেন্তদা লৈখি। মিনিস্তর অমা ওইনা ঐনা ফিবমশিং শেমখি। মঙ মঙনবগী ঐগী শক্তি অদু ঐনা খঙখি। মসিনা লৈবাক অসিদা চাউনা মতেং পাংখি। লমদম অসিদা শান্তি অমসুং তুংদু-লৈতাবা পুরক্নবা মসিনা মতেং পাংগনি।

মরুপশিং,

মফম অসিদা তিল্লিবা মীওইশিংদা ঐগী অনিংবা ৱাখল্লোনশিং ফোংদোক্নবা খুদোংচাবা অমা ঐঙোন্দা পীবীবগীদমক অশীন-অরাং তৌরিবশিং ঐনা থাগৎপা ফোঙদোকচরি। অদোম অমমম মালেমগী য়াইফনবা থবক তৌনবা মতেং পাংনবা ৱাখল খনবগী থৌরাং অমগী হৌরকফম অমনি। অরোইবা হায়বা অমা লৈ অমসুং হৌজিক ঐখোয়না তন্নেলগী অরোইবদা মঙাল খর থিগদবনি। হৌজিক মরুওইবা ৱাফম অনি খন্নরে। তন্নেল অসি লোইবা নাইদবা মাল্লি।

মসি অনৌবা ৱাখল্লোনশিং তাথোক-তাশিন তৌনগদবা অসিগুম্বা মফমশিংগী মনুংদা অমনি। অদোম্না তোঙান-তোঙানবা তেক্নোলোজিশিং অমসুং ৱাখল খনবগী থৌওংশিং পুরক্কনি অমসুং তুংগী মীরোলশিংদা ঐখোয়না পাম্বৈ অমা পীরমগনি হায়না থাজৈ। খন্ন-নৈনবা অসি কান্নবা অমসুং মহৈ চাবা খক নত্তনা মখোয় থবক ওইনা পাংথোকপা উগনি হায়না ঐনা থাজৈ। দ্রাইভরগী সিত্তা ফম্লিবশিং। থৌশিল শেম্লিবশিং অমসুং ৱাখল তাহল্লিবশিং, ৱাথোক অসি থেংননবা অথুবদা থবক পায়খৎপা দরকার ওইরে।

অদোম থাগৎচরি।

জয় হীন্দ !

****

(Release ID: 1974605) Visitor Counter : 76