دیہی ترقی اور پنچایتی راج کے مرکزی وزیر جناب گری راج سنگھ اور پنچایتی راج کے مرکزی وزیر مملکت کپل موریشور پاٹل نے 31  اکتوبر 2023 کو سوچھتا کو ادارہ جاتی بنانے اور التوا کو کم کرنے کے لیے  پنچایتی راج کی وزارت (ایم او پی آر) کے ذریعے چلائی گئی خصوصی مہم 3.0 کی پیشرفت کی نگرانی کے حصے کے طور پرخصوصی مہم 3.0 کے آخری دن جیون بھارتی بلڈنگ، نئی دہلی میں پنچایتی راج کی وزارت (ایم او پی آر) کے دفتر کے احاطے کا معائنہ کیا۔

مرکزی وزیر جناب گری راج سنگھ اور وزیرمملکت جناب کپل موریشور پاٹل نے عملے کے ارکان کو مشورہ دیا کہ وہ مکمل صفائی مہم اور زیر التواء  پڑے معاملات سے متعلق اقدامات میں اپنا کردار ادا کریں تاکہ زیر التواء معاملات کو نمٹانے کی خصوصی مہم (ایس سی ڈی پی ایم) کے حصے کے طور پر ایک صحت مند کام کا کلچر بنایا جا سکے جو صفائی ستھرائی اور کام کاج کی اثرانگیزی کی بہتر سطح کو یقینی بناتا ہے۔جناب گری راج سنگھ اور جناب کپل موریشور پاٹل نے تمام عملے کے ارکان سے دفتر میں صفائی کی مشق کرنے کی اپیل کی – ہر وقت صاف دفتر اور صاف ڈیسک (کام کا کوئی التوا نہیں) تاکہ خصوصی مہم 3.0 کی رفتار کو برقرار رکھنے کو یقینی بنایا جاسکے۔

 

 

جناب کپل موریشور پاٹل اور اس وقت کے سکریٹری، پنچایتی راج کی وزارت شری سنیل کمار کے ساتھ ایڈیشنل سکریٹری، ایم او پی آر، ڈاکٹر چندر شیکھر کمار، اقتصادی مشیر، ایم او پی آر، ڈاکٹر بجیا کمار بہیرا اور دیگر سینئر افسران نے جیون بھارتی بلڈنگ میں 6 اکتوبر 2023 کو دفتر کے احاطے کا ایک چکر لگایااور مجموعی طور پر صفائی کا معائنہ کیا اور پنچایتی راج کی وزارت میں خصوصی مہم 3.0 کے نفاذ کے تحت ہونے والی پیش رفت کا جائزہ لیا۔

 

  

پنچایتی راج کے مرکزی وزیر، پنچایتی راج کے مرکزی وزیر مملکت، سکریٹری، پنچایتی راج کی وزارت کی رہنمائی میں خصوصی مہم 3.0 کی باقاعدگی سے نگرانی کی گئی اور ڈی  اے ا ٓر پی  جی کے سوچھتا مہم اور ایس سی ڈی پی ایم-2023 کے وقف پورٹل کے ذریعے بھی جہاں مطلوبہ ڈیٹا اور متعلقہ تصاویر مستقل بنیادوں پر اپ لوڈ کیے گئے تھے۔

 

 

خصوصی مہم 3.0 کے نفاذ میں ہونے والی پیش رفت کا جائزہ ڈاکٹر چندر شیکھر کمار نے 4، 17 اور 25 اکتوبر 2023 کو وزارت میں ڈویژنوں/سیکشنز کے نوڈل افسروں کے ساتھ کیا۔ عوامی شکایات کا ازالہ، عوامی شکایات کی اپیلیں، پی ایم او حوالہ جات، دیگر خصوصی مہم 3.0 کے دوران حوالہ جات اور زیر التوا معاملات کے نمٹارے پر زور شور سے کام ہوا ، اور کافی تعداد میں عوامی شکایات کی اپیلیں نمٹائی گئیں اور ای فائلوں کا جائزہ لیا گیا۔

 

 

2 اکتوبر 2023 کو شروع ہونے والی ایک ماہ طویل خصوصی مہم 3.0 نے پنچایتی راج کی وزارت کو دفتر کے احاطے میں صفائی کی موجودہ سطح کو بہتر بنانے، اسکریپ/بے کار مواد کو ٹھکانے لگانے،  عوامی شکایات اور دفاتر میں زیر التوا پڑے معاملات کے بوجھ کو کم کرنے کے عزم کا اعادہ کرنے کا موقع فراہم کیا ۔ خصوصی مہم 3.0 کا آغاز پنچایتی راج کی وزارت کے دفتر کے دو احاطوں میں جیون بھارتی بلڈنگ، سنسد مارگ اور جیون پرکاش بلڈنگ، نئی دہلی میں منعقدہ سوچھتا عہد لینے کے پروگرام کے ساتھ ہوا جہاں تمام افسران اور عملے کے ممبران (باقاعدہ، کنٹریکچول اور باہر سےحاصل کئے گئے) کو سوچھتا  کاعہد دلایا گیا۔

خصوصی مہم 3.0 جس کا مقصد سوچھتا کو ادارہ جاتی بنانے اور سرکاری دفاتر میں زیر التواء پڑے معاملات کے بوجھ  کو کم کرنے کے لیے تمام افسران اور ملازمین کو متحرک اور شامل کرنا ہے جس میں تیاری کے مرحلے (15- تا 30 ستمبر2023) اور خصوصی مہم 3.0 کے نفاذ کا مرحلہ (2-31 اکتوبر 2023)کے دوران پنچایتی راج کی وزارت کے تمام عملے کے اراکین (باقاعدہ، کنٹریکٹ اور آؤٹ سورس) کی فعال اور پرجوش شرکت دیکھی گئی۔

خصوصی مہم 3.0 کے آغاز سے پہلے، سوچھتا کو ادارہ جاتی بنانے اور پنچایتی راج کی وزارت میں التوا کو کم کرنے کے لیے خصوصی مہم 3.0 کے لیے ایکشن پلان 19 ستمبر 2023 کو دفتری سرکلر کے ذریعے وزارت کے تمام افسران اور عملے کے اراکین کے درمیان جاری کیا گیا تھا۔ خصوصی مہم 3.0 کے دوران اور اس سے آگے وزارت میں تین جگہوں یعنی کرشی بھون، جیون بھارتی بلڈنگ اور جیون پرکاش بلڈنگ پر تعینات تمام افسران اور عملے کے ارکان (باقاعدہ، کنٹریکٹ اور آؤٹ سورس) کو روزانہ کی بنیاد پر دفاتر میں صفائی کی دیکھ بھال کے حوالے سے حساس بنایا گیا۔ خصوصی مہم 3.0 سے متعلق بینرز تین عمارتوں میں واقع دفتر کے احاطے میں نمایاں جگہوں پر آویزاں کیے گئے تھے تاکہ زیادہ سے زیادہ آگاہی، تحریک پیدا کرنے کے لیے وسیع پیمانے پر شرکت اور خصوصی مہم 3.0 کے لیے ماحول بنایا جا سکے۔

خصوصی مہم 3.0 کے تیاری کے مرحلے کے ایک حصے کے طور پر 27 ستمبر 2023 کو ڈاکٹر بجیا کمار بہیرا کی صدارت میں ریکارڈ افسروں کی صلاحیت سازی پر ایک ورکشاپ کا انعقاد کیا گیا جہاں شرکاء کو مضبوط مستعدی، ریکارڈ رکھنے اور ریکارڈ کو برقرار رکھنے کے بارے میں معلومات فراہم کی گئی ۔ ڈاکٹر بجیا کمار بہیرا نے اس بات پر زور دیا کہ خصوصی مہم 3.0 کے تیاری کے مرحلے میں صفائی کے ساتھ ساتھ زیر التواء حوالہ جات وغیرہ کو نمٹانا بھی شامل ہے، انہوں نے مزید کہا کہ ابھی تک وزارت میں کوئی شکایات زیر التواء نہیں ہیں، اور ہمیں رفتار برقرار رکھنی چاہیے۔

 

 

ڈویژن کے لحاظ سے نوڈل افسروں کو نامزد کیا گیا اور پنچایتی راج کی وزارت میں فالتو اسکریپ مواد اور متروک/غیر استعمال شدہ اشیاء کی نشاندہی کرنے اور کام کی جگہ کو صاف ستھرا اور صحت مند رکھنے کے لیے عملے کے اراکین کو ہر وقت حساس بنانے کے لیے ٹھوس کوششیں کی گئیں۔ وزارت کے سینئر افسران نے خصوصی مہم 3.0 کے دوران وقتاً فوقتاً مختلف حصوں کا دورہ کیا اور ذاتی طور پر شرم دان کیا اور عملے کے ارکان کو مشورہ دیا کہ سوچھتا کو سب کی ذمہ داری  بنائیں۔

خصوصی مہم 3.0 کے دوران وزارت کے تقریباً 45 اسٹاف ممبران کو نئے کمپیوٹر فراہم کیے گئے، جس سے ان کی کام کی کارکردگی اور پیداواری صلاحیت کو بہتر بنانے میں مدد ملے گی۔ خصوصی مہم 3.0 کے کامیاب نفاذ کے لیے، جنرل ایڈمنسٹریشن سیکشن نے وزارت کے لیے دیسی پودے، پھولوں کے گملے اور آرائشی سامان خریدے ہیں۔

خصوصی مہم 3.0 کے تحت پنچایتی راج کی وزارت کے تمام ملازمین نے جوش و خروش سے زیر التواء مقدمات کو نمٹانے میں حصہ لیا۔ خصوصی مہم 3.0 کے دوران کی گئی ہمہ جہت کوششوں کے 995 عوامی شکایات، 283 عوامی شکایات کی اپیلوں اور 1 وی آئی پی  ریفرنس کو نمٹانے کے ساتھ حوصلہ افزا نتائج برآمد ہوئے ہیں۔ اس کے علاوہ 750 ای فائلوں کا بھی جائزہ لیا گیا تاکہ ان فائلوں کو ختم کیا جا سکے۔ دفتر کے احاطے میں صفائی کی باقاعدہ مہموں کے علاوہ، دفتر کے احاطے میں 15 گہری صفائی مہمات کا انعقاد کیا گیا جس میں خصوصی توجہ کام کی جگہ  پر بھیڑبھاڑکو کم کرنے، کام کرنے کی جگہ کو خوبصورت بنانے اور دفاتر کے انفراسٹرکچر اور ماحول کو بہتر بنانے پر ہے۔

وزارت کے تین دفاتر کے مقامات پر صفائی کی بھرپور مہم چلائی گئی جس میں تمام سینئر افسران کے دفتری چیمبرز، دیگر افسران اور عملہ کے کمروں، سیکشنز، راہداریوں، کانفرنس ہال، ورک سٹیشنز، فرنیچر، واش رومز، بیت الخلاء ، ذخیرہ کرنے کی جگہیں، گزرگاہیں، استقبال کے علاقے اورایم او پی آر دفتری عمارتوں کے اندر کی مناسب صفائی کی گئ۔ پنچایتی راج کی وزارت میں جنرل ایڈمنسٹریشن کے انچارج ڈاکٹر بجیا کمار بہیرا خصوصی مہم 3.0 کے دوران باقاعدگی سے ہاؤس کیپنگ / صفائی ستھرائی کے عملے کے ساتھ بات چیت کرتے تھے اور ان کی پریشانیوں / مسائل بشمول صحت، حفاظت اور وقار کے بارے میں بات چیت کرتے تھے تاکہ انہیں پورا کیا جاسکے۔ ان کی فلاح و بہبود کو یقینی بنانا ہماری اجتماعی ذمہ داری ہے۔ تمام ہاؤس کیپنگ اسٹاف کو دفتر کے احاطے کی صفائی اور دیکھ بھال کے لیے ان کی مخلصانہ کوششوں اور لگن کے اعتراف میں مالی مراعات دی گئی ہیں۔

 

 

جاری خصوصی مہم 3.0 کے دوران پنچایتی راج کی وزارت کی طرف سے شروع کیے گئے جدید اور بہترین طریقے درج ذیل ہیں:

• خصوصی مہم 3.0 کے دوران، پنچایتی راج کی وزارت نے جیون بھارتی بلڈنگ میں دفتر کے احاطے میں خالی جگہ کا نتیجہ خیز استعمال شروع کر دیا ہے اور عملے کے ارکان کے لیے کام کی جگہ کو بہتر بنانے اور پیداوریت کو فروغ دینے کے لیے پرسکون، صاف ستھرا اور خلفشار سے پاک ورک اسٹیشن قائم کیے گئے ہیں۔
• جیون بھارتی ٹاور-2 بلڈنگ، نئی دہلی کی نویں منزل پر ایم او پی آر کے دفتر کے احاطے میں استقبالیہ ایریا اور راہداریوں کو خصوصی مہم 3.0 کے دوران سبز پودوں، پھولوں کے گملوں اور پودوں کے برتن رکھنے کے ساتھ روشن، خوبصورت اور خوش آئند جگہوں میں تبدیل کر دیا گیا ہے۔
• جیون پرکاش بلڈنگ کی گیارہویں منزل پر واقع ایم او پی آر آفس کے احاطے میں تزئین و آرائش کا کام خصوصی مہم 3.0 کے دوران شروع کیا گیا ہے۔
• ماحولیاتی طور پر ذمہ دار کام کاج کی جگہ کی فراہمی بذریعہ: (اے) راہداریوں میں دیسی پودے جو ہوا کو صاف کرنے اور پرسکون ماحول بنانے میں مدد کرتے ہیں،(بی) توانائی سے بھرپور ایل ای ڈی لائٹنگ سسٹم کا استعمال،(سی) پائیدار اور ری سائیکل شدہ سجاوٹ کی اشیاء، (ڈی) صاف ستھرے ماحول کو باقاعدگی سے صفائی کے ذریعے برقرار رکھا جاتا ہے.
• توانائی کی بچت/توانائی کی بچت کے طریقوں کو فروغ دینا - استعمال میں نہ ہونے پر الیکٹرانک استعمال/آلات/ سازوسامان کو بند کرنا۔
• خواتین کی حفظان صحت اور پائیدار ماہواری کے فضلے کے انتظام کو ترجیح دیتے ہوئے، پنچایتی راج کی وزارت (ایم او پی آر) تمام خواتین عملے کے ارکان کے لیے ذمہ دارانہ ماہواری کے فضلے کے انتظام اور خواتین کے بیت الخلاء/ واش رومز کو یقینی بناتا ہے۔
• عملے کے 45 ارکان کو ان کی کارکردگی اور پیداواری صلاحیت کو بڑھانے کے لیے نئے کمپیوٹر فراہم کرنا۔
• دفتر کے احاطے کی صفائی ستھرائی اور دیکھ بھال کے لیے ان کی مخلصانہ کوششوں اور لگن کے اعتراف میں تمام ہاؤس کیپنگ عملے کو مالیاتی ترغیب۔

ایک ماہ تک چلنے والی خصوصی مہم 3.0 کے دوران، تمام افسران اور عملے کے اراکین نے پنچایتی راج کی وزارت کے دفاتر میں خصوصی مہم 3.0 کے کامیاب نفاذ کے لیے پورے جوش و خروش اور نئے جوش کے ساتھ سرگرمی سے حصہ لیا۔ خصوصی مہم 3.0 کے تھیم پر مبنی ایک مختصر ویڈیو فلم تیار کی گئی اور وزارت کے آفیشل سوشل میڈیا پلیٹ فارمز کو عوام تک پہنچانے اور خصوصی مہم 3.0 کے تحت پنچایتی راج کی وزارت کی کوششوں اور کامیابیوں کو اجاگر کرنے کے لیے استعمال کیا گیا۔

************

ش ح۔س ب۔ف ر

 (U: 623)

(Release ID: 1974358) Visitor Counter : 59