వ్యవసాయం, పశుసంపద మరియు ఆహార సరఫరా మంత్రి శ్రీ కార్లోస్ ఫవారో నేతృత్వంలోని బ్రెజిల్ ప్రతినిధి బృందంతో వ్యవసాయం మరియు రైతుల సంక్షేమ శాఖ సహాయ మంత్రి సుశ్రీ శోభా కరంద్లాజే ఈరోజు సంభాషించారు. సుశ్రీ శోభా కరంద్లాజే  కార్లోస్ ఫవారోకు ఘన స్వాగతం పలికారు.

 

జీ 20 వ్యవసాయం వర్కింగ్ గ్రూప్ సమావేశాల సందర్భంగా  ఎం ఓ ఎస్ సుశ్రీ శోభా కరంద్లాజే భారత అధ్యక్ష పదవికి మద్దతు ఇచ్చినందుకు కృతజ్ఞతలు తెలిపారు మరియు హైదరాబాద్‌లో జరిగిన జీ 20 వ్యవసాయ మంత్రి సమావేశానికి మంత్రి  హాజరుకాలేకపోయినందుకు విచారం వ్యక్తం చేశారు. వ్యవసాయ రంగంలో భారత్-బ్రెజిల్ మధ్య వేగంగా పెరుగుతున్న సహకారాన్ని ఈ పర్యటన మరింత బలోపేతం చేస్తుందని ఆమె సంతోషం వ్యక్తం చేశారు. రెండు దేశాలు అభివృద్ధి చెందుతున్న ద్వైపాక్షిక వ్యవసాయ వాణిజ్యాన్ని  ఆహార ప్రాసెసింగ్, వ్యవసాయ-పరిశ్రమ మరియు వ్యవసాయ పరిశోధన మరియు అభివృద్ధిలో మరింత సహకారాన్ని బలోపేతం చేయవచ్చని ఆమె అన్నారు.

 

సుశ్రీ శోభా కరంద్లాజే మాట్లాడుతూ భారతదేశంలో అవకాడోలకు డిమాండ్ పెరుగుతోందని, ఇది బ్రెజిల్ నుండి అవకాడోలను దిగుమతి చేసుకోవడానికి భారతదేశానికి అవకాశం కల్పిస్తుందని అన్నారు. విజయవంతమైన జి20 ప్రెసిడెన్సీ కోసం బ్రెజిల్‌కు భారత్ తన పూర్తి మద్దతునిస్తుందని ఆమె హామీ ఇచ్చారు. ఆకలి మరియు పేదరికానికి వ్యతిరేకంగా ప్రపంచ కూటమి అనే టాస్క్‌ఫోర్స్‌ను బ్రెజిల్ ఏర్పాటు చేస్తోందని, ఈ టాస్క్‌ఫోర్స్‌ భారత్ అధ్యక్షతన  డెక్కన్ హై-లెవల్ ప్రిన్సిపల్స్ ఆన్ ఫుడ్ సెక్యూరిటీ మరియు న్యూట్రిషన్‌తో పొత్తు పెట్టుకోవడం పట్ల ఆమె సంతోషం వ్యక్తం చేశారు.

 

భారతదేశ స్నేహపూర్వక ఆహ్వానానికి ధన్యవాదాలు తెలిపారు అలాగే అధ్యక్షుడు లూలా తరఫున హృదయపూర్వక శుభాకాంక్షలు అందజేశారు. దక్షిణాది ప్రపంచం మరియు మధ్య ప్రాచ్యం తో బ్రిక్స్ ఫ్రేమ్‌వర్క్‌లో సంబంధాలను పెంపొందించడానికి బ్రెజిల్ యొక్క బలమైన నిబద్ధతను ఆయన నొక్కి చెప్పారు. పర్యావరణ ఆందోళనలు అంతర్జాతీయ వాణిజ్యానికి ఆటంకం కలిగించకూడదని నొక్కి చెబుతూ బ్రెజిల్ పర్యావరణ పరిరక్షణకు ప్రాధాన్యతనిస్తుంది. అటవీ నిర్మూలన లేదా పర్యావరణానికి హాని కలిగించకుండా ఆహార ఉత్పత్తిని పెంచడానికి మరియు దాని వ్యవసాయ ప్రాంతాన్ని విస్తరించడానికి బ్రెజిల్ తన ఉద్దేశాన్ని స్పష్టం చేసింది.

 

వ్యవసాయ రంగంలో బ్రెజిల్ మరియు భారతదేశం ఒకే విధమైన సవాళ్లను ఎదుర్కొంటున్నాయని, అందువల్ల, ఈ సవాళ్లను తగ్గించడానికి రెండు దేశాలు ప్రామాణిక పరిష్కారాలను కనుగొనగలవని  కార్లోస్ ఫవారో ఉద్ఘాటించారు. ఆకలికి వ్యతిరేకంగా పోరాటం బ్రెజిల్‌కు అత్యంత ముఖ్యమైనది అలాగే  సాంకేతికత బదిలీ, జ్ఞానాన్ని పంచుకోవడం మరియు ఆకలితో పోరాడటానికి భారతదేశంతో సహకార ప్రయత్నాల ద్వారా భారతదేశానికి సహకరించాలనే కోరికను వ్యక్తం చేశారు.

 

భారతదేశం యొక్క నిర్దిష్ట ఆసక్తులు మరియు ఆకాంక్షలను తెలుసుకోవాలని బ్రెజిల్ ఎదురుచూస్తోంది, వీటిని రెండు దేశాలు సంస్థాగత స్థాయిలో పరిష్కరించవచ్చు. ద్వైపాక్షిక వాణిజ్యాన్ని ప్రోత్సహించడం బ్రెజిల్ తన మార్కెట్‌ను వివిధ వ్యవసాయ ఉత్పత్తులకు తెరవడానికి మరియు వాణిజ్యాన్ని సులభతరం చేయడానికి శానిటరీ మరియు ఫైటోసానిటరీ సంబంధిత చర్చలను వేగవంతం చేయడానికి సుముఖతతో ఉంది. రాబోయే 2024 జీ 20 అధ్యక్ష హోదాలో బ్రెజిల్ ప్రతినిధి బృందం భారతదేశానికి అధికారిక ఆహ్వానాన్ని అందించింది.

 

బ్రెజిలియన్ ప్రతినిధి బృందంలోని ఇతర సభ్యులు పండ్ల ఉత్పత్తిలో సహకారం యొక్క ప్రాముఖ్యతను నొక్కిచెబుతూ ఉద్యానవన రంగంలో డ్రిప్ ఇరిగేషన్ వాడకంతో సహా వారి వ్యవసాయ ఉత్తమ పద్ధతులపై అంతర్దృష్టులను పంచుకున్నారు.

 

భారతదేశం మరియు బ్రెజిల్ మధ్య ప్రస్తుత వాణిజ్య సంబంధాలు రెండు దేశాల సామర్థ్యానికి అనుగుణంగా ఉండాలని అపెక్స్ బ్రెజిల్ ప్రెసిడెంట్ అన్నారు. అపెక్స్ బ్రెజిల్ రెండు దేశాలలో పెట్టుబడి అవకాశాల మ్యాపింగ్ ని చేపడుతోంది అలాగే వ్యవసాయం మరియు రైతుల సంక్షేమ మంత్రిత్వ శాఖ తన అంతర్దృష్టులను అందించాలని ప్రోత్సహించింది.

 

సెషన్‌ను ముగిస్తూ, వ్యవసాయం మరియు రైతు సంక్షేమ శాఖ కార్యదర్శి, బ్రెజిల్‌తో భవిష్యత్తులో మరింత సమర్థవంతంగా చర్చలు జరిపేందుకు వీలుగా వ్యవసాయం మరియు రైతు సంక్షేమ శాఖ మరియు పశుసంవర్ధక మరియు పాడిపరిశ్రమ శాఖల మధ్య సంయుక్త కార్యవర్గాన్ని ఏర్పాటు చేసే అవకాశాన్ని ప్రస్తావించారు. బ్రెజిల్ కూడా సమాంతరంగా చేసే సహకార అంశాల జాబితాను సంకలనం చేసే ప్రణాళికలను కూడా వారు వివరించారు. భారతదేశం  సంబంధాల అభివృద్ధికి నాయకత్వం వహించడానికి, చర్య తీసుకోదగిన అంశాలను సమర్థవంతంగా అమలు చేయడం మరియు పర్యవేక్షించడం కోసం ఎజెండా అంశాలను రూపొందించడం కోసం ఒక సీనియర్ అధికారిని నియమిస్తుంది. ఉమ్మడి సమస్యలు మరియు సహకారం కోసం అంశాలను వెంటనే గుర్తించాలని వారు లక్ష్యంగా పెట్టుకున్నారు.

 

***

(रिलीज़ आईडी: 1974356) आगंतुक पटल : 103