तांदूळ, गहू आणि पिठाच्या  किरकोळ किमतींवर नियंत्रण ठेवण्याच्या दृष्टीने  बाजार हस्तक्षेपासाठी भारत सरकारच्या उपक्रमाचा एक भाग म्हणून, गहू आणि तांदूळ या दोन्हींचे साप्ताहिक ई लिलाव आयोजित केले जातात.2023-24 चा 19 वा ई-लिलाव 01.11.2023 रोजी आयोजित करण्यात आला होता.

खुल्या बाजारात गव्हाची उपलब्धता वाढवण्यासाठी, साप्ताहिक विक्रीसाठी काढलेल्या  गव्हाचे प्रमाण 3 लाख मेट्रिक टन  करण्यात आले आहे. आणि खुल्या बाजारात  विक्री योजनेअंतर्गत (देशांतर्गत )  01.11.2023. च्या अधिसूचनेद्वारे बोलीदार खरेदी करू शकणारी गव्हाची कमाल मात्रा 200 मेट्रिक टन पर्यंत  वाढवण्यात आली आहे.

परिणामी, 01.11.2023 च्या ई-लिलावात 2.87 लाख मेट्रिक टन  गव्हाची 2389 बोलीदारांना  विक्री करण्यात आली आहे.

संपूर्ण भारतातील 2150/क्विंटलच्या राखीव किमतीच्या तुलनेत सामान्य चांगल्या दर्जाच्या  गव्हाची वजनी सरासरी विक्री किंमत रु 2291.15/क्विटल होती, तर वैशिष्ट्ये शिथिल केलेल्या  गव्हाची वजनी  सरासरी विक्री किंमत रु. 2125/क्विटल  राखीव किंमतीच्या तुलनेत रु. 2311.62/क्विटल होती.

किंमती  नियंत्रित ठेवण्यासाठी, खुल्या बाजारात  विक्री योजनेअंतर्गत (देशांतर्गत )  गव्हाची विक्री 31.03.2024 पर्यंत सुरू राहील आणि 31.03.2024 पर्यंत 101.5 लाख मेट्रिक टन  गहू विक्रीसाठी काढला जाईल, असा निर्णय केंद्र सरकारने घेतला आहे .

व्यापार्‍यांना खुल्या बाजारात  विक्री योजनेअंतर्गत (देशांतर्गत ) गहू विक्रीपासून दूर ठेवण्यात आले आहे आणि साठेबाजी टाळण्यासाठी देशभरात 31.10.23 पर्यंत,  1721 अकस्मात तपासण्या करण्यात आल्या आहेत.

***

S.Patil/S.Chavan/P.Kor

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 1974277) Visitor Counter : 109