ঙসি য়ুনিয়ন মিনিস্তর দোক্তর জিতেন্দ্র সিংহনা হায়খি সাইন্স অমসুং তেক্নোলোজিগী হিরম খুদিংমক্তা মতেং পাংননবা ভারত অমসুং অস্ত্রেলিয়া য়াম্না নক্না থবক তৌমিন্নরি।

২০১৫তা থাগৎকদৌরিবা মীওইবা য়াওবা ভারতকী অহানবা স্পেসন মিসন গগানয়ানগী আর্থ স্তেসন ত্রেক্কিং ফেসিলিতি পীবগীদমক অস্ত্রেলিয়া থাগৎপা ফোঙদোক্লদুনা দোক্তর জিতেন্দ্র সিংহনা হায়খি স্পেস রিছার্স অমসুং বাইওতেক্নোলোজি য়াওনা হিরম কয়াদা মতেং পাংনবা হেনগৎহন্নবা খুদোংচাবা কয়া লৈরে। এগ্রিতেক, এরোমা মিসন অমসুং লাভেন্দর থাবা য়াওনা স্তার্দঅপশিংদা উদোগনা মতেং পাংনবা মহাক্না খুদোংচাবা কয়া থমখি। ঙসি নিউ দিল্লিদা ভারত্তা লৈবা অস্ত্রেলিয়াগী হায় কম্মিসন্নর ফিলিপ গ্রিন ও.এ.মনা লুচিংবা অৱাংবা থাক্কী মীহুৎ কাংবু অমনা সাইন্স অমসুং তেক্নোলোজিগী রাজ্য মন্ত্রী(মনিংতম্বা); পি.এম.ও, পর্সোনেল, পব্লিক গ্রিভান্সেস, পেসন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহগা উনখি।

দোক্তর জিতেন্দ্র সিংহনা হায়খি জি-২০ নিউ দিল্লি সম্মিৎ মনুংদা প্রধান মন্ত্রী মোদীনা পুথোকখিবা মতুংইন্না, অইং-অশাগী খল হোংলকপা থেংন্নবা ভারতনা মাংজিল থারে। জি-২০ মীফম নাকলদা ভারতকী থৌরাংদা, গ্লোবেল বাইওফুয়েল এল্লাইন্স লিংখৎলে অমসুং ক্লিন ইনর্জি অমসুং সেমিকন্দক্তরশিংগী হিরমদা লৈবাক অসিনা খঙবশিং অস্ত্রেলিয়াদা পীনবা ভারতনা থৌরাং তৌদুনা লৈরি।

দোক্তর জিতেন্দ্র সিংহনা হায়খি কোবিদ লাইচৎ লাকপদগী, ভারতনা মসিগী তিকা পুথোকপা হেনগৎহনখি অমসুং হৌজিক ঐখোয়গী বাইওতেক্নোলোজি দিপার্তমেন্ত প্রিভেনতিপ হেল্থ কিয়ারদা মাঙজিল থারে। নেসনেল রিছার্স ফাউন্দেসন(এন আর এফ)না থিঙ্কতেঙ্ক ওইনা, উদোগ, একেদেমিয়া, নন-সাইন্তিফিক একাদেমিয়া অমসুং সি.এস.আই.আরগী লৌশিংগী পুক্কৈ ওইনা থবক তৌগনি অমসুং মসিনা মপান লৈবাকশিংগা মতেং পাংনবগী মতাংদা ৱারেপ লৌগনি।

অস্ত্রেলিয়া-ইন্দিয়া স্ত্রাতেজিক রিছার্স ফন্দ(এ আই এস আর এফ)কী মখাদা পুখৎলকপা ৱাফমশিংগী রাউন্দ ১৫ ঙন্না ৱারেপ লৌনবা অস্ত্রেলিয়াগী হায় কম্মিসন্নরনা দোক্তর জিতেন্দ্রদা তকশিনখি। অস্ত্রেলিয়া অমসুং ভারত্তা মরুওইবা প্রোজেক, ফেল্লোসিপ অমসুং ৱার্কশোপ ৩৬০ হৌজিক ফাওবদা মতেং পাংখ্রে। পন্দুনা লৈরিবা ৱাফমশিং অথুবা মতমদা লোইশিন্নবা ভারতনা খোঙলৈ থুনা মীফমশিং পাংথোক্কনি হায়না দোক্তর জিতেন্দ্রনা থাজবা পীখি।

মতেং পীন্নবা মরুওইবা হিরমশিং হায়বদি গ্রিন ইনর্জি(হায়দ্রোজেন, সোলার অমসুং ইনর্জি স্তোরেজ), অকোয়বগী ফিবম অমসুং ক্লিন তেক্নোলোজিশিং(কার্বোন কেপচর, কনভর্সন সিক্বেস্ত্রেসন অমসুং য়ুতিলাইজেসন), মরুওইবা অমসুং অরুবা মিনরেলশিং, নেক্স-জেনেরেসন স্তেনেবল মাইনিং অমসুং এদভান্স মেনুফেকচরিং, স্তেনেবল ইনফ্রাস্ত্রকচর, মেরিন তেক্নোলোজিশিং অমসুং মমল হোংবা অনা-লায়য়েংগী লমদা লৈবাক অসিনা মশক খঙদোকখি।

নহারোলশিং পাউ ফাউন্নবা, তেক্নোলোজি শেমগৎনবা অহানবা তাঙ্কক্কীদমক জোইন্ত তেক্নোলোজি ইনকুবেসন সেন্তরশিং লিংখৎনবা অমসুং আর অমসুং দিদা ইন্দস্ত্রিনা শেন থাদবা হেনগৎহন্নবা অমসুং তেক্নোলোজিশিং ফগৎহন্নবা রিছার্স তৌরিবশিং/মহৈরোয়শিং একচেঞ্জ প্রোগ্রাম পাংথোকপা হেনগৎহনবা হায়না মীহুৎশিংনা য়ানবা পুরকখি।

দোক্তর জিতেন্দ্র সিংহনা হায়খি চহি খরগী মমাঙদা স্পেস সেক্তরদা স্তার্দঅপ মরি লৈরম্বদগী হৌজিক স্তার্দঅপ ১৫০ হেন্না লৈরে, হৌজিক মরুওইবা স্তার্দঅপ খর লুপা করোর কয়া লৈরে। IN-SPACe না অস্ত্রেলিয়া স্পেস এজেন্সি(এ এস এ)গা পুন্না থবক তৌমিন্নগনি অমসুং স্পেস স্তার্দঅপশিংগী অপুনবা প্রোজেকশিং পায়খৎকনি।

জুন ২০২১দা কোকোস ইথৎতা সাইত সর্ভে(ইসরোগী মহুৎ শীন্দুনা) পাংথোকপদা এ.এস.এনা মপুংফানা মতেং পাংখি। মসিগী মতেং পাংননবা ইসরো অমসুং এ.এস.এ খুৎয়েক পীনখ্রে। ইসরোগী ওফিসিএলশিং ওগস্ত ২০২৩দা কোকোস ইথৎতা চৎখি অমসুং মফম অদুদা য়াম্না তোইনা সর্ভে পাংথোকখি।

ভারতকী মীহুৎ কাংবু অদুদা সেক্রেতরি, দি.এস.তি, প্রোফেসার অভে করনদিকার, সেক্রেতরি, সি.এস.আই.আর দোক্তর এন. কালাইসেলবি, সেক্রেতরি, দি.বি.তি দোক্তর রাজেস এস.গোখালে অমসুং ইসরো অমসুং এতোমিক ইনর্জিগী সেনিয়ার ওফিসারশিং শরুক য়াখি।

***