ਕੇਂਦਰੀ ਵਿਜੀਲੈਂਸ ਕਮਿਸ਼ਨ ਹੇਠ ਲਿਖੀ ਥੀਮ ਦੇ ਨਾਲ 30 ਅਕਤੂਬਰ ਤੋਂ 5 ਨਵੰਬਰ, 2023 ਤੱਕ ਵਿਜੀਲੈਂਸ ਜਾਗਰੂਕਤਾ ਸਪਤਾਹ 2023 ਮਨਾ ਰਿਹਾ ਹੈ:

 “ਭ੍ਰਿਸ਼ਟਾਚਾਰ ਦਾ ਵਿਰੋਧ ਕਰੋ; ਰਾਸ਼ਟਰ ਦੇ ਪ੍ਰਤੀ ਸਮਰਪਿਤ ਰਹੋ”

 

ਵਿਜੀਲੈਂਸ  (ਸਤਰਕਤਾ)ਜਾਗਰੂਕਤਾ ਸਪਤਾਹ 2023 ਦੀ ਸ਼ੁਰੂਆਤ ਅੱਜ ਸਵੇਰੇ 11 ਵਜੇ ਸਤਰਕਤਾ ਭਵਨ, ਨਵੀਂ ਦਿੱਲੀ ਵਿੱਚ ਕਮਿਸ਼ਨ ਦੇ ਅਧਿਕਾਰੀਆਂ-ਸ਼੍ਰੀ ਪ੍ਰਵੀਨ ਕੁਮਾਰ ਸ਼੍ਰੀਵਾਸਤਵ, ਸੈਂਟ੍ਰਲ ਵਿਜੀਲੈਂਸ ਕਮਿਸ਼ਨਰ ਅਤੇ ਸ਼੍ਰੀ ਅਰਵਿੰਦ ਕੁਮਾਰ, ਵਿਜੀਲੈਂਸ ਕਮਿਸ਼ਨਰ-ਦੁਆਰਾ ਇਮਾਨਦਾਰੀ ਦੀ ਸਹੁੰ ਚੁਕਾਉਣ ਦੇ ਨਾਲ ਹੋਈ।

 

ਵਿਜੀਲੈਂਸ ਜਾਗਰੂਕਤਾ ਸਪਤਾਹ 2023 ਦੇ ਸ਼ੁਰੂਆਤੀ ਅਭਿਯਾਨ ਦੇ ਰੂਪ ਵਿੱਚ, ਕਮਿਸ਼ਨ ਨੇ ਪਹਿਲੇ ਤਿੰਨ ਮਹੀਨਿਆਂ ਦੀ ਅਭਿਆਨ ਮਿਆਦ (16 ਅਗਸਤ 2023-15 ਨਵੰਬਰ 2023) ਦਾ ਵੇਰਵਾ ਦਿੰਦੇ ਹੋਏ ਨਿਰਦੇਸ਼ ਜਾਰੀ ਕੀਤੇ ਸਨ। ਇਸ ਮਿਆਦ ਦੌਰਾਨ ਸਾਰੇ ਮੰਤਰਾਲਿਆਂ/ਵਿਭਾਗਾਂ/ਸੰਗਠਨਾਂ ਦੁਆਰਾ ਹੇਠ ਲਿਖੇ ਰੋਕਥਾਮ ਦੇ ਸਤਰਕਤਾ ਉਪਾਵਾਂ ‘ਤੇ ਵਿਸ਼ੇਸ਼ ਧਿਆਨ ਦਿੱਤਾ ਜਾਣਾ ਹੈ।

1. ਲੋਕਹਿੱਤ ਖੁਲਾਸੇ (ਪ੍ਰਗਟੀਕਰਣ) ਅਤੇ ਸੂਚਨਾ ਪ੍ਰਦਾਤਾਵਾਂ ਦੀ ਸੁਰੱਖਿਆ (ਪੀਆਈਡੀਪੀਆਈ) ਸੰਕਲਪ ਦੇ ਸਬੰਧ ਵਿੱਚ ਜਾਗਰੂਕਤਾ ਨਿਰਮਾਣ,

2. ਸਮਰੱਥਾ ਨਿਰਮਾਣ ਪ੍ਰੋਗਰਾਮ,

3. ਪ੍ਰਣਾਲੀਗਤ ਸੁਧਾਰ ਉਪਾਵਾਂ ਦੀ ਪਹਿਚਾਣ ਅਤੇ ਲਾਗੂਕਰਨ,

4. ਸ਼ਿਕਾਇਤ ਨਿਪਟਾਰੇ ਦੇ ਲਈ ਆਈਟੀ ਦਾ ਲਾਭ ਉਠਾਉਣਾ,

5. ਸਰਕੂਲਰ/ਦਿਸ਼ਾ-ਨਿਰਦੇਸ਼ਾਂ/ਮੈਨੂਅਲ ਦਾ ਅੱਪਡੇਟ

6. 30-06-23 ਤੋਂ ਪਹਿਲਾਂ ਪ੍ਰਾਪਤ ਸ਼ਿਕਾਇਤਾਂ ਦਾ ਨਿਪਟਾਰਾ।

ਵਿਜੀਲੈਂਸ ਜਾਗਰੂਕਤਾ ਸਪਤਾਹ 2023 ਦੇ ਹਿੱਸੇ ਵਜੋਂ, ਸੈਂਟਰਲ ਵਿਜੀਲੈਂਸ ਕਮਿਸ਼ਨ 2 ਨਵੰਬਰ, 2023 ਨੂੰ ‘ਅਨੁਸ਼ਾਸਨਾਤਮਕ ਕਾਰਵਾਈ’ ਵਿਸ਼ੇ ‘ਤੇ ਇੱਕ ਪੈਨਲ ਚਰਚਾ ਵੀ ਆਯੋਜਿਤ ਕਰੇਗਾ।

*******

ਐੱਸਐੱਨਸੀ/ਪੀਕੇ

(Release ID: 1973330) Visitor Counter : 95