ভাৰত চৰকাৰৰ সংস্কৃতি মন্ত্ৰালয়ে প্ৰধানমন্ত্ৰী শ্ৰী নৰেন্দ্ৰ মোদীয়ে  লাভ কৰা  সুন্দৰ উপহাৰ আৰু স্মৃতিচিহ্ন প্ৰদৰ্শন কৰি এক ই-নিলাম অনুষ্ঠান অনুষ্ঠিত কৰিছেো। এই ই-নিলামত আমাৰ সমৃদ্ধ ঐতিহ্য প্ৰদৰ্শন কৰা শিল্পকলাৰ এক ব্যতিক্ৰমী সংগ্ৰহ অন্তৰ্ভূক্ত হৈ আছে । ই-নিলাম ২ অক্টোবৰৰ পৰা ৩১  অক্টোবৰ, ২০২৩ লৈ চলি আছে।

কেন্দ্ৰীয় সংস্কৃতি আৰু বৈদেশিক পৰিক্ৰমা ৰাজ্যিক মন্ত্ৰী শ্ৰীমতী মীনাক্ষী লেখিয়ে চলিত ই-নিলামৰ বিষয়ে অৱগত কৰি কয় যে দুৰ্গা পূজা আৰু দুচেৰা উৎসৱৰ  বাবে ই-নিলামে গতি লাভ কৰিছে। এই ই-নিলামৰ পঞ্চম সংস্কৰণ সফল নিলামৰ এটা নিদৰ্শন হিচাবে বিবেচিত হৈছে।  প্ৰথমটো ই নিলাম জানুৱাৰী ২০১৯ ত হৈছিল। তেওঁ লগতে কয় যে যোৱা ৪ টা সংস্কৰণত ৭০০০ তকৈও অধিক সামগ্ৰীৰ ই-নিলামৰ বাবে ৰখা হৈছিল আৰু  এনে ই-নিলামত  ৯১২ বিধ সামগ্ৰী নিলাম হৈছে। তেওঁ লগতে কয় যে কেন্দ্ৰীয় চৰকাৰৰ এই বিশেষ  পদক্ষেপটো আমাৰ ৰাষ্ট্ৰীয় নদী গংগা সংৰক্ষণ আৰু পুনৰুদ্ধাৰ তথা  ইয়াৰ পৰিৱেশ তন্ত্ৰৰ বৃদ্ধিৰ বাবে সমৰ্পিত কৰা হৈছে। এই নিলামৰ জৰিয়তে লাভ কৰা  পুঁজিয়ে এই মহৎ উদ্দেশ্য সাধন কৰাত অৰিহণা যোগাব, এই অমূল্য ৰাষ্ট্ৰীয় সম্পদৰ সুৰক্ষাৰ বাবে আমাৰ অটল প্ৰতিশ্ৰুতিক শক্তিশালী কৰিব।

শ্ৰীমতী মীনাক্ষী  লেখিয়ে চলি থকা  প্ৰধানমন্ত্ৰী মেমেন্টোজ ই-নিলামৰ বিষয়ে  এক প্ৰেছ মেল সম্বোধন কৰে। তেওঁ এই নিলামক  এই শৃংখলাৰ পঞ্চম সফল সংস্কৰণ হিচাপে চিহ্নিত কৰে। তেওঁ ৩১  অক্টোবৰ, ২০২৩ তাৰিখে সমাপ্ত হ'বলগীয়া ই-নিলামৰ বিষয়ে সবিশেষ তথ্য দাঙি ধৰে লগতে এই নিলামে লাভ  কৰা সঁহাৰিৰ বিষয়ে  আলোকপাত কৰে।

অনুষ্ঠানটোৰ এটা উল্লেখযোগ্য দিশ আছিল দিল্লীৰ নেচনেল গেলেৰী অৱ মডাৰ্ণ আৰ্টত স্মাৰকসমূহৰ কিউৰেটেড প্ৰদৰ্শনী, যিয়ে ১৫,০০০ৰো অধিক দৰ্শনাৰ্থীক আকৰ্ষিত কৰিছে।  প্ৰদৰ্শনীখনত অন্তৰ্ভুক্ত আছিল কিউৰেটেড ৱাকথ্ৰু, শ্ৰৱণ-প্ৰতিবন্ধী ব্যক্তিসকলৰ বাবে সাংকেতিক ভাষাত পৰিচালিত সমল আৰু দৃষ্টিহীনসকলৰ বাবে স্পৰ্শকাতৰ অভিজ্ঞতাৰ সমল আদি।

মন্ত্ৰীগৰাকীয়ে ই-নিলামৰ এই পৰ্যায়ৰ বিভিন্ন সামগ্ৰী যেনে ভগৱান লক্ষ্মী নাৰায়ণৰ প্ৰতিমূৰ্তি আৰু দেৱী ৰুক্মিণী (২৩এ০৩৮৪), পোৱালিৰ  সৈতে কামধেনু (২৩এ০৫৭৬), জেৰুজালেমৰ স্মাৰক (২৩এ০৫৮০), আৰানমুলা কান্নাদি (২৩০০৩ চনৰ ভগৱান, ৰামমূৰ্তি)। সীতা, লক্ষ্মণ, আৰু ভগৱান হনুমান (২৩এ০০১২), ৰাম দৰবাৰৰ প্ৰতিমূৰ্তি (২৩এ০৬২৩),  আৰু সোণালী মন্দিৰ অমৃতসৰৰ আৰ্হি (২৩এ০৪০৪) আদিৰ কথা উল্লেখ কৰে।

তদুপৰি, মন্ত্ৰীগৰাকীয়ে উচ্চ শৈল্পিক মূল্যৰ থলুৱা কলাৰ সামগ্ৰীৰ বিষয়ে আলোকপাত কৰে যিবোৰ সংগ্ৰহালয় বা কলা উৎসাহী সকলৰ ঘৰত প্ৰদৰ্শনৰ বাবে উপযুক্ত সামগ্ৰী হিচাবে বিবেচিত হ’ব পাৰে। এই কলাত্মক সামগ্ৰীসমূহ  সন্মানজনকভাবে সংৰক্ষণৰ আৰু যোগ্য। ইয়াৰে কিছুমান সামগ্ৰীৰ ভিতৰত আছে পদ্মশ্ৰী শিল্পী দুৰ্গা বাই (২৩এ০৬৫৪), চম্বা ৰুমাল (২৩এ০৩৪৮), কাৱদ আৰ্ট (২৩এ০৭৭৯), কৰ্ণাটকৰ যক্ষগান নৃত্যৰ দৃশ্য (২৩এ০৫৪৩) আৰু বিদ্ৰী কৰ্মত বাসৱন্নাৰ আৱক্ষ মূৰ্তি (২৩এ০৭৩)। এই ই-নিলামৰ পৰা প্ৰাপ্ত ধনে এক মহৎ উদ্দেশ্য সাধনত অৰিহণা যোগাব, বিশেষকৈ নমামি গঙ্গে কাৰ্যসূচীৰ সমৰ্থনত ই বিশেষ অৱদান হ’ব। কেন্দ্ৰীয় চৰকাৰৰ এই বিশেষ পদক্ষেপটো আমাৰ ৰাষ্ট্ৰীয় নদী গংগা সংৰক্ষণ আৰু পুনৰুদ্ধাৰ তথা  ইয়াৰ সূক্ষ্ম পৰিস্থিতিতন্ত্ৰ বৃদ্ধিৰ বাবে সমৰ্পিত কৰা হৈছে। এই নিলামৰ জৰিয়তে লাভ কৰা পুঁজিয়ে এই অমূল্য ৰাষ্ট্ৰীয় সম্পদৰ সুৰক্ষাৰ বাবে আমাৰ অটল প্ৰতিশ্ৰুতিক শক্তিশালী কৰিব।

সাধাৰণ জনতাই  এই লিংকত লগ ইন কৰি ই-নিলামত অংশগ্ৰহণ কৰিব পাৰে-  https://pmmementos.gov.in/#/

******