மத்திய ஜவுளி, வர்த்தகம் மற்றும் தொழில்துறை, நுகர்வோர் விவகாரங்கள் மற்றும் உணவு மற்றும் பொது விநியோகத் துறை அமைச்சர் திரு பியூஷ் கோயல், கஸ்தூரி காட்டன் பாரத் https://kasturicotton.texprocil.org என்ற இணையதளத்தை இன்று தொடங்கி வைத்தார்.

கஸ்தூரி காட்டன் பாரத் பிராண்டை உற்பத்தி செய்ய  ஜின்னர்களுக்கான பதிவு செயல்முறை மற்றும் பிராண்டட் இந்திய பருத்தியை தனித்துவமாக்கும் அதன் செயல்முறைகளை முன்னிலைப்படுத்துகிறது. இந்த முன்முயற்சிகள் குறித்த தேவையான தகவல்கள் மற்றும் புதுப்பிப்புகளுக்கு ஒரு டிஜிட்டல் தளத்தையும் இந்த இணையதளம் வழங்குகிறது

கஸ்தூரி காட்டன் பாரத் என்பது ஜவுளி அமைச்சகம், இந்திய பருத்தி கார்ப்பரேஷன், வர்த்தக அமைப்புகள் மற்றும் தொழில்துறை ஆகியவற்றின் கூட்டு முயற்சியாகும். இது உலகளாவிய சந்தையில் அதன் போட்டித்தன்மையை மேம்படுத்துவதற்கும், சம்பந்தப்பட்ட அனைத்து பங்குதாரர்களுக்கும் நிலையான சுற்றுச்சூழல் அமைப்பை உருவாக்குவதற்கும் இந்திய பருத்தியின் பிராண்டிங், கண்டுபிடிப்பு மற்றும் சான்றிதழின் முழு பொறுப்பையும் ஏற்றுக்கொள்வதன் மூலம் சுய ஒழுங்குமுறை கோட்பாட்டின் அடிப்படையில் செயல்படுகிறது.

கஸ்தூரி காட்டன் பாரத் பிராண்டை நிர்ணயிக்கப்பட்ட நெறிமுறைகளின்படி உற்பத்தி செய்ய நாட்டில் உள்ள அனைத்து ஜின்னர்களுக்கும் அதிகாரம் வழங்கப்பட்டுள்ளது.

நிகழ்ச்சியில் பேசிய ஜவுளித் துறை அமைச்சர் திரு பியூஷ் கோயல், "கஸ்தூரி காட்டன் பாரத் முன்முயற்சி மூலம், நாங்கள் ஒரு பிராண்டை மட்டும் தொடங்கவில்லை, இந்தியாவின் வளமான பாரம்பரியத்தை உலகத்துடன் பகிர்ந்து கொள்கிறோம். நமது கடந்த காலத்தை பிரதிபலிக்கும் எதிர்காலத்தை உருவாக்குவோம். உலகளாவிய போட்டியின் சகாப்தத்தில், இந்த முன்முயற்சி இந்திய பருத்தியை அதன் தரங்கள் மற்றும் சிறந்த நடைமுறைகளுக்கான அர்ப்பணிப்புக்காக உலக வரைபடத்தில் உத்திரீதியாக நிலைநிறுத்தும் என்று திரு பியூஷ் கோயல் நம்பிக்கை தெரிவித்தார்.

***

ANU/AD/BS/DL