नवीन आणि नवीकरणीय ऊर्जा मंत्रालया अंतर्गत मिनीरत्न श्रेणी-I मधील केंद्रीय सार्वजनिक उपक्रम असलेल्या भारतीय सौर ऊर्जा महामंडळाने (एसईसीआय) आज वीज विक्री करारा (पीएसए) अंतर्गत स्वाक्षरी केलेल्या करारांतील 50 GW एकूण क्षमतेचा टप्पा ओलांडला आहे.

नव्याने स्वाक्षरी केलेल्या पीएसएचे प्रमाण आता 50,292.64 MW आहे, तर यामध्ये भारतीय सौर ऊर्जा महामंडळ मध्यस्थ खरेदीदार व्यापारी आहे.

एसईसीआय ने अलीकडेच उत्तर प्रदेश पॉवर कॉर्पोरेशन लिमिटेड बरोबर 690 मेगावॅट पवन ऊर्जेचा विक्री करार, आणि तमिळनाडू जनरेशन अँड डिस्ट्रिब्युशन कॉर्पोरेशन लिमिटेड बरोबर ISTS सोलर टँचे VIII अंतर्गत 500 मेगावॅट सौर उर्जेच्या विक्री करारावर स्वाक्षरी केली. एसईसीआय ने CPSU योजनेंतर्गत 700 MW सौर उर्जेसाठी गुजरात ऊर्जा विकास निगम लिमिटेड बरोबर बहुप्रतिक्षित उर्जा वापर करार देखील केला.

एसईसीआय देशातील सर्वात मोठा अक्षय ऊर्जा व्यापारी म्हणून नवीन उंची गाठत, ऊर्जा व्यापाराच्या मार्गावर पुढे जात आहे.

भारतीय सौर ऊर्जा महामंडळ (एसईसीआय), विशेषत:,  सौर ऊर्जा, पवन ऊर्जा, नवीकरणीय ऊर्जा-आधारित साठवण प्रणाली, वीज व्यापार, संशोधन आणि विकास, तसेच अक्षय ऊर्जा नवीकरणीय ऊर्जा-आधारित उत्पादने, उदाहरणार्थ हरित हायड्रोजन, हरित अमोनिया आणि नवीकरणीय ऊर्जा-संचालित विद्युत वाहने, यासारख्या विविध नवीकरणीय ऊर्जा (RE) संसाधनांचा प्रचार आणि विकास करत आहे.

नवीन आणि नवीकरणीय ऊर्जा मंत्रालयाच्या अनेक योजनांच्या अंमलबजावणीसाठी ही कंपनी एक नोडल संस्था आहे. कंपनीकडे श्रेणी 1 ऊर्जा व्यापार परवाना आहे, आणि ती आणि या क्षेत्रामध्ये सौर, पवन, संकरित, आरटीसी आणि बीएसईएसएस उर्जेच्या व्यापाराद्वारे त्याद्वारे राबविण्यात येत असलेल्या योजनांतर्गत स्थापन केलेल्या प्रकल्पांमधून सक्रिय आहे.

***

G.Chippalkatti/R.Agashe/P.Kor

*** 

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 1969567) Visitor Counter : 93