ଭାରୀ ଶିଳ୍ପ ମନ୍ତ୍ରଣାଳୟ (ଏମଏଚଆଇ)  ଏବଂ ଏହାର ସିପିଏସଇ ଏବଂ ଏବିଏସ ଦ୍ୱାରା ସ୍କ୍ରାପ୍ ଏବଂ ଅନ୍ୟାନ୍ୟ ଅନାବଶ୍ୟକ ସାମଗ୍ରୀ ନିଷ୍କାସନ ପରେ ୨୦ ଲକ୍ଷ ବର୍ଗଫୁଟରୁ ଅଧିକ ଜାଗାକୁ ମୁକ୍ତ/ସଫା କରାଯିବ ବୋଲି ଆଶା କରାଯାଉଛି ଯାହା କି ସ୍ପେଶାଲ କ୍ୟାମ୍ପେନ ୩.୦ ଅଧୀନରେ ମୋଟ ଲକ୍ଷ୍ୟର ୨୦% ଅଟେ । ପାଖାପାଖି ୧୧ ଲକ୍ଷ ବର୍ଗଫୁଟ ଅଞ୍ଚଳକୁ ମୁକ୍ତ କରାଯାଇଛି। ସମୀକ୍ଷା ପାଇଁ ଚିହ୍ନଟ ହୋଇଥିବା ୭୩,୯୮୦ ଫାଇଲ ମଧ୍ୟରୁ ୩୫,୬୪୮ ଫିଜିକାଲ ଫାଇଲର ସମୀକ୍ଷା କରାଯାଇଛି ଏବଂ ୮,୪୧୦ ଫିଜିକାଲ ଫାଇଲକୁ ବାହାର କରାଯାଇଛି। ବନ୍ଦ ପାଇଁ ଚିହ୍ନଟ ହୋଇଥିବା ୪୩୨୬ଟି ଇଲେକ୍ଟ୍ରୋନିକ୍ ଫାଇଲ୍ ମଧ୍ୟରୁ ୩,୯୪୯ଟି ଫାଇଲ୍ ବନ୍ଦ ହୋଇଯାଇଛି। ସ୍ବତନ୍ତ୍ର ଅଭିଯାନ ୩.୦ ଅଧୀନରେ ସ୍କ୍ରାପ୍ ନିଷ୍କାସନରୁ ଏପର୍ଯ୍ୟନ୍ତ ୯୪ ଲକ୍ଷ ଟଙ୍କାର ରାଜସ୍ବ ଆଦାୟ ହୋଇଛି।

ଅଭିଯାନ ବିଷୟରେ ସଚେତନତା ସୃଷ୍ଟି କରିବା ପାଇଁ ମନ୍ତ୍ରଣାଳୟ ଏବଂ ଏହାର ସହ ଜଡିତ ସଂଗଠନର ଅଫିସିଆଲ ସୋସିଆଲ ମିଡିଆ ହ୍ୟାଣ୍ଡେଲ ଦ୍ୱାରା ଏକ୍ସ (ପୂର୍ବରୁ ଟ୍ୱିଟର ନାମରେ ଜଣାଶୁଣା) ରେ ଏପର୍ଯ୍ୟନ୍ତ ୪୬୦ରୁ ଅଧିକ ଟ୍ୱିଟ୍ ପୋଷ୍ଟ କରାଯାଇଛି । ଏହି ସମୟ ପାଇଁ ମନ୍ତ୍ରଣାଳୟ ଦ୍ୱାରା ଧାର୍ଯ୍ୟ ଲକ୍ଷ୍ୟ ହାସଲ କରିବା ପାଇଁ ମଧ୍ୟ ଅଭିଯାନ ଜୋରସୋରରେ ଚାଲିଛି ।

ଆବର୍ଜନା ମୁକ୍ତ ଭାରତ ପାଇଁ ସ୍ୱଚ୍ଛତା ବିଷୟରେ ସଚେତନତା ସୃଷ୍ଟି କରିବା ଦିଗରେ ଏକ ନିଆରା ପଦକ୍ଷେପ ସ୍ୱରୂପ ଦେଶର ବିଭିନ୍ନ ସ୍ଥାନରେ ପ୍ରାୟ ୧୫୦ଟି ସେଲ୍ଫି ବୁଥ୍ ସ୍ଥାପନ କରାଯାଇଛି ଏବଂ ସ୍ୱତନ୍ତ୍ର ଅଭିଯାନ ୩.୦ର ପ୍ରଚାର ପ୍ରସାର ପାଇଁ ଲୋକଙ୍କୁ ସେଲ୍ଫି ନେବା ଏବଂ ସୋସିଆଲ ମିଡିଆରେ ସେୟାର କରିବାକୁ ଆମନ୍ତ୍ରଣ କରାଯାଇଛି ।
ଭାରୀ ଶିଳ୍ପ ମନ୍ତ୍ରଣାଳୟ (ଏମଏଚଆଇ) ମନ୍ତ୍ରଣାଳୟ ମଧ୍ୟରେ ଏବଂ ଦେଶର ବିଭିନ୍ନ ସ୍ଥାନରେ ଅବସ୍ଥିତ ଏହାର କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ (ସିପିଏସଇ) ଏବଂ ସ୍ୱୟଂଶାସିତ ସଂସ୍ଥା (ଏବିଏସ) ରେ ସ୍ୱଚ୍ଛତା ଉପରେ ସ୍ୱତନ୍ତ୍ର ଅଭିଯାନ ୩.୦ କୁ ସମ୍ପୂର୍ଣ୍ଣ ଉତ୍ସାହର ସହ ଆୟୋଜନ କରୁଛି । ସମଗ୍ର ଭାରତରେ ୫୨୦ରୁ ଅଧିକ ସାଇଟରେ ସ୍ୱଚ୍ଛତା ଅଭିଯାନର ଆୟୋଜନ କରାଯାଉଛି ।
ଏମଏଚଆଇ ଅଧୀନରେ ଥିବା ସିପିଏସଇ / ଏବିଏସମାନେ ସେମାନଙ୍କ ପ୍ରତିଷ୍ଠାନ ଯଥା କର୍ପୋରେଟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ, ଉତ୍ପାଦନ ୟୁନିଟ୍ / ପ୍ଲାଣ୍ଟ, ପ୍ରକଳ୍ପ ସ୍ଥଳ ଇତ୍ୟାଦିରେ ସ୍ୱଚ୍ଛତା ରେ ସକ୍ରିୟ ଭାବରେ ଜଡିତ ଅଟନ୍ତି ।
 

(ବିଏଚଇଏଲ୍, ଇଡିଏନ୍ ବେଙ୍ଗାଲୁରୁ ୟୁନିଟ୍ ରେ ସ୍ୱଚ୍ଛତା ଅଭିଯାନ)
ଏମ୍ ଏଚ୍ ଆଇର ଅତିରିକ୍ତ ସଚିବ ତଥା ଆର୍ଥିକ ପରାମର୍ଶଦାତା ଶ୍ରୀମତୀ ଆରତୀ ଭଟ୍ଟନାଗର ନିକଟରେ ହାଇଦ୍ରାବାଦସ୍ଥିତ ବିଏଚ୍ଇଏଲ୍ ୟୁନିଟ୍ ପରିଦର୍ଶନ କରିଥିଲେ। ଏହି ଗସ୍ତ ସମୟରେ ସେ ଏକ ସ୍ୱଚ୍ଛତା କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ଏବଂ ଏକ ସ୍ୱଚ୍ଛ ଏବଂ ସୁସ୍ଥ ପରିବେଶ ବଜାୟ ରଖିବା ପାଇଁ ତାଙ୍କର ପ୍ରତିବଦ୍ଧତା ପ୍ରଦର୍ଶନ କରିଥିଲେ । ଏହି ପଦକ୍ଷେପ କେବଳ ସ୍ପେଶାଲ କ୍ୟାମ୍ପେନ ୩.୦ ସହିତ ଯୋଡ଼ି ହୋଇନାହିଁ ବରଂ ସଂଗଠନର ଅନ୍ୟମାନଙ୍କ ପାଇଁ ମଧ୍ୟ ଏକ ଦୃଢ଼ ଉଦାହରଣ ସୃଷ୍ଟି କରିଛି। ତାଙ୍କ ଅଂଶଗ୍ରହଣ ଶିଳ୍ପ କ୍ଷେତ୍ରରେ ସ୍ୱଚ୍ଛତା ଏବଂ ସ୍ୱଚ୍ଛତାର ମହତ୍ବ ଉପରେ ଗୁରୁତ୍ୱାରୋପ କରିଥିଲା । ଏହା ପ୍ରକୃତରେ ଏକ ପ୍ରେରଣାଦାୟକ ପଦକ୍ଷେପ ଥିଲା ଯାହା କାର୍ଯ୍ୟକ୍ରମରେ ଉପସ୍ଥିତ ସମସ୍ତ ଲୋକମାନଙ୍କ ଉପରେ ସ୍ଥାୟୀ ପ୍ରଭାବ ପକାଇଥିଲା ।
 

ଏମ୍ଏଚ୍ଆଇର ଯୁଗ୍ମ ସଚିବ ଶ୍ରୀ ବିଜୟ ମିତ୍ତଲ ଅକ୍ଟୋବର ୧୬, ୨୦୨୩ରେ ଡିଡି ନ୍ୟୁଜ୍ ରେ ଲାଇଭ୍ ପ୍ୟାନେଲ୍ ଆଲୋଚନା ଅଧିବେଶନରେ ଅଂଶଗ୍ରହଣ କରିଥିଲେ, ଯେଉଁଥିରେ ସେ ଏହି ଅଭିଯାନ ଅଧୀନରେ ଥିବା ବିଭିନ୍ନ ବିଷୟ ଯଥା ବିଚାରାଧୀନ ମାମଲାର ସମାଧାନ, ନିୟମ ଏବଂ ପ୍ରକ୍ରିୟାକୁ ସୁବ୍ୟବସ୍ଥିତ କରିବା, ସ୍କ୍ରାପ୍ ନିଷ୍କାସନ, ରେକର୍ଡ ପରିଚାଳନାରେ ଉନ୍ନତି, ଜନସାଧାରଣଙ୍କ ଅଭିଯୋଗର ସମାଧାନ ଏବଂ କାର୍ଯ୍ୟାଳୟଗୁଡ଼ିକରେ କର୍ମକ୍ଷେତ୍ର ଅଭିଜ୍ଞତା ବୃଦ୍ଧି ଆଦି ବିଷୟରେ ମୂଲ୍ୟବାନ ମତାମତ ଏବଂ ଦୃଷ୍ଟିକୋଣ ଉପରେ ଗୁରୁତ୍ବ ପ୍ରଦାନ କରିଥିଲେ ।
 
(ଲାଇଭ୍ ପ୍ୟାନେଲ ଆଲୋଚନାର ଏକ ଫଟୋ)
(ପ୍ୟାନେଲ ଆଲୋଚନା:https://www.youtube.com/watch?v=XULZs-Fqmps)
ଏହାବ୍ୟତୀତ, ସ୍ୱତନ୍ତ୍ର ଅଭିଯାନ 3.0 ସମୟରେ ଏମଏଚଆଇ ଅଧୀନରେ ସିପିଏସଇଏସ / ଏବିଏସଦ୍ୱାରା ଗ୍ରହଣ କରାଯାଇଥିବା କିଛି ସଫଳତାର କାହାଣୀ ଏବଂ ସର୍ବୋତ୍ତମ ପ୍ରଥାଗୁଡ଼ିକ ଏହି ପ୍ରକାରର ଅଟେ:
1.    ମିଆୱାକି ମଡେଲରେ ଜଙ୍ଗଲ ସୃଷ୍ଟି ପାଇଁ ଭାରତ ହେଭି ଇଲେକ୍ଟ୍ରିକାଲ୍ସ ଲିମିଟେଡ (ବିଏଚଇଏଲ)ର ଝାନ୍ସି ୟୁନିଟ୍ ପକ୍ଷରୁ ଏକ ପଦକ୍ଷେପ ନିଆଯାଇଛି। ବିଭିନ୍ନ ଦେଶୀ ଫଳ ଫଳୁଥିବା ଗଛର ସମୁଦାୟ ୫୦୦ ଗୋଟି, ପ୍ରାୟ ୫୦୦ ବର୍ଗମିଟର ଜମିରେ ଏହି ମଡେଲ ଆଧାରରେ ଜାମୁନ, ଆମ୍ବ, କଦଳୀ, ଅଁଳା, ସୀତାଫଳ, ଗୁଆ ଓ ଲେମ୍ବୁ ରୋପଣ କରାଯାଇଥିଲା।

 
ଝାନସୀ ୟୁନିଟରେ ଷ୍ଟ୍ରିଟ୍ ଲାଇଟ୍ ଲଗାଇବା ପାଇଁ ବିଏଚଇଏଲ୍ ଏହାର ସ୍କ୍ରାପ୍ ବୁଶିଂ ମଧ୍ୟ ବ୍ୟବହାର କରିଛି
 
1.    ଇନଷ୍ଟ୍ରୁମେଣ୍ଟେସନ ଲିମିଟେଡ୍ ବୃକ୍ଷରୋପଣ, ସ୍କ୍ରାପରୁ ରୋବୋଟ୍ ତିଆରି, ଯୋଗ ଅଧିବେଶନ ଇତ୍ୟାଦି କାର୍ଯ୍ୟକ୍ରମ କରିଛି:
 
 

 
1.    ହିନ୍ଦୁସ୍ତାନ ମେସିନ୍ ଟୁଲ୍ସ ଲିମିଟେଡ୍ ବେଙ୍ଗାଲୁରୁର ରେନବୋ ହୋମ୍ ଅନାଥ ଆଶ୍ରମ ସହ ଭାଗିଦାରୀ କରିଛି। ଅନାଥ ଆଶ୍ରମର ପିଲାମାନଙ୍କୁ ଦାନ୍ତ ସ୍ୱାସ୍ଥ୍ୟ ସମ୍ପର୍କରେ ସଚେତନତା ପ୍ରଦାନ କରାଯିବା ସହ ଦନ୍ତ କିଟ୍ ମଧ୍ୟ ବଣ୍ଟନ କରାଯାଇଥିଲା। ଏହାବ୍ୟତୀତ ଦନ୍ତ ଚିକିତ୍ସକମାନେ ୭ରୁ ୧୪ ବର୍ଷ ବୟସର ପିଲାମାନଙ୍କ ପାଇଁ ମାଗଣା ଦନ୍ତ ପରୀକ୍ଷା କରିବା ସହ ବେଙ୍ଗାଲୁରୁସ୍ଥିତ ଏଚଏମଟି ହସ୍ପିଟାଲର କର୍ମଚାରୀଙ୍କ ସ୍ୱାସ୍ଥ୍ୟ ପରୀକ୍ଷା କରିଥିଲେ।
 

 
1.    ଭାରତୀୟ ସିମେଣ୍ଟ କର୍ପୋରେସନର ସ୍ୱାଧୀନ ନିର୍ଦ୍ଦେଶକ ଡ. ମଞ୍ଜୁ ବାଘେଲ ବୃକ୍ଷରୋପଣ କରିବା ସହ ଆବର୍ଜନା ମୁକ୍ତ ଭାରତର ପରିକଳ୍ପନାରେ ଯୋଗଦାନ କରୁଥିବା ସ୍ୱଚ୍ଛତା ଅଭିଯାନରେ ଅଂଶଗ୍ରହଣ କରିଥିଲେ। ମହାରାଷ୍ଟ୍ର ରାଜ୍ୟରେ ଲୋକଙ୍କ ସ୍ୱାସ୍ଥ୍ୟ ଓ ପରିମଳକୁ ଦୃଷ୍ଟିରେ ରଖି ସିସିଆଇର ସ୍ୱାଧୀନ ନିର୍ଦ୍ଦେଶକ ଡାକ୍ତର ରବୀନ୍ଦ୍ର ଶିବଶଙ୍କର ଆରାଲି ମହାରାଷ୍ଟ୍ରରେ ଏକ ମାଗଣା ସ୍ୱାସ୍ଥ୍ୟ ପରୀକ୍ଷା ଏବଂ ରକ୍ତଦାନ ଶିବିରର ଆୟୋଜନ କରିଥିଲେ ।

 
1.    ଆଣ୍ଡ୍ରିୟୁ ୟୁଲେ ଆଣ୍ଡ  କମ୍ପାନି ଲିମିଟେଡ୍ ବୃକ୍ଷରୋପଣ ଅଭିଯାନ, #FitIndia ଉପରେ ଏମ୍ ଆଇଏମ୍ ଟି ଇଷ୍ଟେଟ୍ ର କର୍ମଚାରୀମାନଙ୍କ ଦ୍ୱାରା ରାଲି ଏବଂ #Anti-ତମାଖୁ ସଚେତନତା ବିଷୟ ଇତ୍ୟାଦି ସମ୍ପର୍କରେ ଅନେକ ପଦକ୍ଷେପ ଗ୍ରହଣ କରିଛି।
 

 
1.    ହିନ୍ଦୁସ୍ତାନ ସଲ୍ଟସ୍ ଲିମିଟେଡ୍ ଗୁଜୁରାଟ ୟୁନିଟ୍ର କର୍ମଚାରୀମାନଙ୍କ ଦ୍ୱାରା ବୃକ୍ଷରୋପଣ ପାଇଁ ଏକ ଅଭିଯାନ ଆରମ୍ଭ କରିଛି, ଯେଉଁଥିରେ ବହୁ ସଂଖ୍ୟକ ଚାରା ରୋପଣ କରାଯାଇଥିଲା, ଯେଉଁଥିରେ ଅଧିକାଂଶ ଛାୟା ପ୍ରଦାନ କରୁଥିବା ଗଛ ଲଗାଯାଇଥିଲା ।
 

 
*****
NS/MB