అంతర్జాతీయ మత్స్య పరిపాలన , ఇండో-పసిఫిక్ రీజియన్ లో మత్స్య నిర్వహణ చర్యలను బలోపేతం చేయడంలో వాతావరణ మార్పును ప్రధాన భాగంగా  (మెయిన్ స్ట్రీమింగ్) చేయడంపై అంతర్జాతీయ సదస్సును కేంద్ర మత్స్య, పశుసంవర్ధక, పాడిపరిశ్రమ శాఖ మంత్రి శ్రీ పురుషోత్తం రూపాల ఈ రోజు మహాబలిపురం లో ప్రారంభించారు. ఐక్యరాజ్యసమితికి చెందిన ఫుడ్ అండ్ అగ్రికల్చర్ ఆర్గనైజేషన్ (ఎఫ్ఎఒ), భారత ప్రభుత్వ మత్స్య, పశుసంవర్ధక, పాడిపరిశ్రమ మంత్రిత్వ శాఖ, బే ఆఫ్ బెంగాల్ ప్రోగ్రాం ఇంటర్ గవర్నమెంటల్ ఆర్గనైజేషన్ (బి ఒ బి పి -ఐ జి ఒ) సహకారంతో 2023 అక్టోబర్ 17 నుంచి 19 వరకు చెన్నైలోని మహాబలిపురంలో వాతావరణ స్థితిస్థాపక చేపల నిర్వహణకు మార్గదర్శకాలను అభివృద్ధి చేయడం, అంతర్జాతీయ ఫిషరీస్ గవర్నెన్స్ లోకి వాతావరణ మార్పుల ఏకీకరణకు వ్యూహాలను రూపొందించడం లక్ష్యంగా ఈ సదస్సును నిర్వహిస్తున్నారు. . ఈ కార్యక్రమంలో మత్స్యశాఖ కార్యదర్శి డాక్టర్ అభిలాక్ష్ లిఖితి, మత్స్యశాఖ సంయుక్త కార్యదర్శి నీతూప్రసాద్ తదితరులు పాల్గొన్నారు.

ఈ కార్యక్రమాన్ని ప్రారంభిస్తూ కేంద్ర మంత్రి శ్రీ పురుషోత్తం రూపాల, ఈ కార్యక్రమం వాతావరణ మార్పు, చేపల పెంపకంపై దాని ప్రభావం, చేపల పెంపకం పై వాతావరణ మార్పు ప్రభావం దిశగా ప్రభుత్వాలు,  ప్రాంతీయ మత్స్యసంఘాల సంసిద్ధతపై దృష్టి సారించాలని అన్నారు. చేపల పెంపకం, ఆక్వాకల్చర్ రంగంలో వాతావరణ సంక్షోభాన్ని పరిష్కరించడానికి ఉమ్మడి బాధ్యతలు, ఉమ్మడి ప్రయోజనాల ఆధారంగా భాగస్వాములందరికీ సమ్మిళిత అవకాశాలు కల్పించాలని శ్రీ రూపాల కోరారు. హిందూ మహాసముద్రం, పసిఫిక్ మహాసముద్రం పంచుకునే ఉమ్మడి అవకాశాలు, ఉమ్మడి సవాళ్లకు వ్యూహాత్మక పరస్పర అనుసంధానం అవసరమని, సవాళ్లను, బెదిరింపులను ఎదుర్కొని, సమస్యలను కలిసి పరిష్కరించుకోవాలని, తద్వారా ఈ ప్రాంతాన్ని అన్ని జీవరాశులకు అనువైన ఆవాసంగా మార్చాలని పిలుపునిచ్చారు.

వాతావరణ మార్పులు ,  చేపల పెంపకంపై దాని ప్రభావం గురించి దృష్టి సారించే ఈ ముఖ్యమైన వర్క్ షాప్ ను సంయుక్తంగా ఏర్పాటు చేసినందుకు ఎఫ్ ఎ ఒ కు శ్రీ రూపాలా కృతజ్ఞతలు తెలుపుతూ, ఇండో పసిఫిక్ ప్రాంతంలోని మత్స్యకార సమాజాలకు ప్రత్యర్థులను ఎదుర్కోవడానికి , ప్రభావాన్ని తగ్గించడానికి వర్క్ షాప్ ఫలితాలు గొప్పగా సహాయపడతాయని అన్నారు. మత్స్య రంగానికి సంబంధించి వివిధ పథకాలు, కార్యక్రమాల ద్వారా గత 9 సంవత్సరాల్లో భారత ప్రభుత్వం చేసిన ప్రయత్నాల గురించి కేంద్ర మంత్రి శ్రీ రూపాలా వివరిస్తూ, చేపల ఉత్పత్తి,  ఉత్పాదకత, సాంకేతిక పరిజ్ఞానం, మౌలిక సదుపాయాలను బలోపేతం చేయడం,  ఆధునీకరించడం, దేశీయ వినియోగం,  ఎగుమతులను పెంచడం వంటి రంగాలలో బహుముఖ వ్యూహాలు , కేంద్రీకృత జోక్యాల ద్వారా పరివర్తన మార్పులు / సంస్కరణల గురించి,  మత్స్యకారులు, చేపల పెంపకందారుల సంక్షేమానికి పెద్దపీట వేస్తూ..ఎంటర్ ప్రెన్యూర్ షిప్,  ఉపాధి పెరుగుదల గురించి తెలియజేశారు.

సవాళ్ల మధ్య ఈ రంగాన్ని ప్రోత్సహించడానికి తీసుకున్న చర్యలను ప్రస్తావిస్తూ, కేంద్ర ప్రభుత్వం గత 9 సంవత్సరాలలో చేపల ఉత్పత్తి మరియు ఉత్పాదకత, సాంకేతిక పరిజ్ఞానం, మౌలిక సదుపాయాల ఆధునీకరణ, వ్యవస్థాపకత మరియు ఉపాధి మొదలైన రంగాలలో పరివర్తనాత్మక మార్పులు మరియు సంస్కరణలకు శ్రీకారం చుట్టిందని శ్రీ రూపాలా చెప్పారు. కేంద్ర ప్రభుత్వం తమిళనాడులో రూ.1.27 బిలియన్లతో మల్టీపర్పస్ సీవీడ్ పార్క్ (ఇంటిగ్రేటెడ్ ఆక్వాపార్క్)ను ఏర్పాటు చేస్తోందన్నారు. "2015 నుండి, కోస్తా రాష్ట్రాల్లో ఫిషింగ్ హార్బర్లు , ఫిష్ ల్యాండింగ్ సెంటర్ల 107 ప్రాజెక్టుల ఆధునీకరణ,  నిర్మాణంపై దృష్టి పెట్టాం" అని కేంద్ర మంత్రి తెలిపారు.

భారత ఆర్థిక వ్యవస్థలో మత్స్య రంగం మంచి వాటాను అందిస్తుందని, ప్రాథమిక స్థాయిలో 2.8 కోట్ల మంది మత్స్యకారులు, చేపల రైతులకు జీవనోపాధి కల్పిస్తోందని శ్రీ పురుషోత్తం రూపాలా అన్నారు. గత తొమ్మిదేళ్లలో సీఫుడ్ ఎగుమతులు రెట్టింపు అయ్యాయని, 2022-23లో రికార్డు స్థాయిలో రూ.63,969 కోట్లు (8.09 బిలియన్ డాలర్లు) ఎగుమతులు జరిగాయని తెలిపారు. రొయ్యల ఎగుమతులు కూడా గత తొమ్మిదేళ్లలో రెట్టింపు అయ్యాయని, 2022-23లో రూ .43,135 కోట్లకు (5.48 బిలియన్ డాలర్లు) చేరుకున్నాయని మంత్రి తెలిపారు. గత తొమ్మిదేళ్లలో వివిధ పథకాల కింద 61.9 లక్షల మందికి ఉపాధి, జీవనోపాధి అవకాశాలు కల్పించినట్లు తెలిపారు. చేపల వేట నిషేధం ఉండే వర్షాకాలంలో ఏటా సుమారు 6 లక్షల మత్స్యకార కుటుంబాలకు జీవనోపాధి, పౌష్టికాహారం అందిస్తున్నారు. గ్రూప్ యాక్సిడెంట్ ఇన్సూరెన్స్ స్కీమ్ (జిఎఐఎస్) కింద ఏడాదికి సగటున 38 లక్షల మంది మత్స్యకారులు బీమా పొందుతున్నారు. ప్రపంచ మత్స్య దినోత్సవాన్ని పురస్కరించుకుని 2023 నవంబర్ 21 నుంచి 22 వరకు గుజరాత్ లోని అహ్మదాబాద్ లో జరిగే తొలి గ్లోబల్ ఫిషరీస్ కాన్ఫరెన్స్ కు హాజరుకావాలని కేంద్ర మంత్రి శ్రీ రూపాలా ఆహ్వానించారు.  

చేపల పెంపకం రంగంలో వాతావరణ మార్పుల ప్రభావాన్ని స్వీకరించడానికి , తగ్గించడానికి భారత ప్రభుత్వ పథకాల కింద ముఖ్యంగా ప్రధాన మంత్రి మత్స్య సంపద యోజన (పిఎంఎంఎస్.వై ) కింద తీసుకున్న కొన్ని కార్యక్రమాల గురించి డాక్టర్ అభిలాష్ లిఖీ తెలియజేశారు. వాతావరణ మార్పుల కారణంగా చేపల వ్యాధులను అంచనా వేయడానికి సహాయపడే నేషనల్ సర్వైలెన్స్ ప్రోగ్రామ్ ఫర్ ఆక్వాటిక్ యానిమల్ డిసీజెస్ (ఎన్ఎస్ పిఎఎడి) అమలు, చేపలు పట్టే నౌకల నిర్వహణ , ఆన్ బోర్డు ప్రాసెసింగ్ కోసం పునరుత్పాదక శక్తి వినియోగాన్ని ప్రోత్సహించడం, సముద్ర పర్యావరణ కాలుష్యాన్ని తగ్గించడానికి యాంత్రిక ఫిషింగ్ నౌకలలో బయోడైజెస్టర్ టాయిలెట్లను ఏర్పాటు చేయడం వంటి కార్యక్రమాలను ఆయన ప్రస్తావించారు.

ఈ సందర్భంగా భారత ప్రభుత్వ మత్స్యశాఖ ఆధ్వర్యంలో 'సముద్ర చేపల పెంపకంలో వాతావరణ మార్పులకు అనుగుణంగా భారత్ సన్నద్ధత' అనే అంశంపై మేధోమథన సదస్సును కూడా నిర్వహిస్తున్నారు. ఈ సెషన్ లో వివిధ జాతీయ , అంతర్జాతీయ సైంటిఫిక్ సిబ్బంది పాల్గొంటారు.  వాతావరణ మార్పు,  అనుసరణ వ్యూహాలకు సంబంధించి భారతీయ చేపల పెంపకం స్థితి పైన, అనుసరణ వ్యూహాల పైన ,సముద్ర చేపల పెంపకంలో వాతావరణ మార్పులకు అనుగుణంగా భారతదేశ సంసిద్ధత పైన ప్రధానంగా దృష్టి పెడతారు; 

భారతదేశంలోని ఎఫ్ ఎ ఒ  ప్రతినిధి ముఖ్యమైన అంతర్జాతీయ వర్క్ షాప్ కు ఆతిథ్యం ఇచ్చినందుకు ఎప్ ఎ హెచ్ డి ని అభినందించారు. మత్స్య రంగంలో జీవనోపాధి, పోషకాహారం, సంక్షేమం కోసం పని చేయడంలో సుస్థిర అభివృద్ధి లక్ష్యాలను (ఎస్ డిజి) ప్రధానాంశంగా ఉంచాలని సభ్య దేశాలకు పిలుపునిచ్చారు, ఎందుకంటే వాతావరణ మార్పులు ఇక్కడ ముఖ్య సమస్య. అని, పోషకాహార భద్రత , నీలి విప్లవ  పరివర్తనను సాధించడానికి ఈ రంగంలో లింగ సమ్మిళితత అవసరాన్ని కూడా ఎఫ్ఎఓ ప్రతినిధి సూచించారు.

ఈ కార్యక్రమంలో భారత్ లోని ఫుడ్ అండ్ అగ్రికల్చర్ ఆర్గనైజేషన్ (ఎఫ్ ఏఓ) ప్రతినిధి డాక్టర్ తకాయుకి హగివారా, ఎఫ్ ఏవో సీనియర్ ఫిషరీస్ ఆఫీసర్ డాక్టర్ పీరో మన్నిని, రీజనల్ ఫిషరీస్ బాడీస్ సెక్రటేరియట్ నెట్ వర్క్ చైర్ పర్సన్ డాక్టర్ డారియస్ క్యాంప్ బెల్, అంతర్జాతీయ స్థాయి నుంచి బీవోబీపీ-ఐజీఓ డైరెక్టర్ డాక్టర్ పి.కృష్ణన్, ఐసీఏఆర్ డిప్యూటీ డైరెక్టర్ జనరల్ (ఫిషరీస్) డాక్టర్ జేకే జెనా , నేషనల్ ఫిషరీస్ డెవలప్మెంట్ బోర్డు చీఫ్ ఎగ్జక్యూటివ్ డాక్టర్ ఎల్.నరసింహమూర్తి ,  భారత ప్రభుత్వ మత్స్య శాఖ, రాష్ట్ర ప్రభుత్వాలు, విశ్వవిద్యాలయాలు, పరిశోధనా సంస్థలు మొదలైన వాటి ఇతర సీనియర్ అధికారులు ఈ కార్యక్రమంలో పాల్గొన్నారు.

****

(Release ID: 1968615)