மத்திய மீன்வளம், கால்நடை பராமரிப்பு மற்றும் பால்வளத்துறை அமைச்சர் திரு. பர்ஷோத்தம் ரூபாலா, மீன்வளம் மற்றும் நீர்வாழ் உயிரின வளர்ப்பு துறையில் காலநிலை நெருக்கடியை நிவர்த்தி செய்ய பொதுவான பொறுப்புகள் மற்றும் பொதுவான நலன்களின் அடிப்படையில் அனைத்து பங்குதாரர்களையும் உள்ளடக்கிய ஒருங்கிணைந்த உலகளாவிய நடவடிக்கை தேவை என்று வலியுறுத்தியுள்ளார்.

மத்திய மீன்வளம், கால்நடை பராமரிப்பு மற்றும் பால்வளத்துறை அமைச்சர் திரு பர்ஷோத்தம் ரூபாலா 17-ந் தேதி அன்று இந்தோ-பசிபிக் பிராந்தியத்தில் பருவநிலை மாற்றத்தை சர்வதேச மீன்வள ஆளுமையில் பிரதானப்படுத்துதல் மற்றும் மீன்வள மேலாண்மை நடவடிக்கைகளை வலுப்படுத்துதல் குறித்த சர்வதேச மாநாட்டை தொடங்கி வைத்தார். ஐக்கிய நாடுகள் சபையின் உணவு மற்றும் வேளாண்மை அமைப்பு மத்திய அரசின் மீன்வளத் துறை, மீன்வளம், கால்நடை பராமரிப்பு மற்றும் பால்வள அமைச்சகம் மற்றும் வங்காள விரிகுடா திட்ட அரசுகளுக்கு இடையிலான அமைப்பு ஆகியவற்றுடன் இணைந்து 17 முதல் 19-ந் தேதி வரை சென்னை மகாபலிபுரத்தில் பருவநிலை மாற்றத்தை ஒருங்கிணைப்பதற்கான வழிகாட்டுதல்களை உருவாக்கும் நோக்கத்துடன் இந்த மாநாட்டை நடைபெற்று வருகிறது. சர்வதேச மீன்வள நிர்வாகம். மத்திய மீன்வளத்துறை செயலாளர் டாக்டர் அபிலக்ஷ்லிகி மற்றும் மத்திய அரசின் மீன்வளத் துறை இணைச் செயலாளர் திருமதி நீது பிரசாத் ஆகியோர் உடனிருந்தனர்.

 

 

இந்த நிகழ்வில் இந்தியாவிற்கான உணவு மற்றும் விவசாய அமைப்பின் பிரதிநிதி டாக்டர் டகாயுகி ஹகிவாரா, மூத்த மீன்வள அதிகாரி எஃப்.ஏ.ஓ டாக்டர் பியரோமண்ணி மற்றும் பிராந்திய மீன்வள அமைப்புகள் செயலக வலையமைப்பின் தலைவர் டாக்டர் டேரியஸ் காம்ப்பெல் மற்றும் பி.ஓ.பி.பி-ஐ.ஜி.ஓவின் இயக்குநர் டாக்டர் பி.கிருஷ்ணன், ஐ.சி.ஏ.ஆரின் துணை இயக்குநர் ஜெனரல் (மீன்வளம்) டாக்டர் ஜே.கே. தேசிய மீன்வள மேம்பாட்டு வாரியம், டாக்டர் எல்.நரசிம்ம மூர்த்தி மற்றும் மத்திய அரசின் மீன்வளத் துறை, மாநில அரசுகள், பல்கலைக்கழகங்கள், ஆராய்ச்சி நிறுவனங்கள் ஆகியவற்றின் மூத்த அதிகாரிகள் பங்கேற்றனர்.

 

இந்நிகழ்ச்சியில் பேசிய மத்திய அமைச்சர் திரு பர்ஷோத்தம் ரூபாலா, இந்தியப் பெருங்கடல் மற்றும் பசிபிக் பெருங்கடல் பகுதிகளை பகிர்ந்து கொள்ளும் பொதுவான வாய்ப்புகள் மற்றும் பொதுவான சவால்களுக்கு உத்திரீதியிலான ஒருங்கிணைப்பை வலியுறுத்தினார், மேலும் சவால்கள், அச்சுறுத்தல்களை எதிர்கொள்வதற்கும் பிரச்சனைகளை ஒன்றாகத் தீர்ப்பதற்குமான பொறுப்புடமையை கோரினார்.  அப்போதுதான் இந்தப் பிராந்தியத்தை அனைத்து உயிரினங்களுக்கும் பொருத்தமான வாழ்விடமாக மாற்ற முடியும் என்று அவர் தெரிவித்தார்.

 

பருவநிலை மாற்றம் மற்றும் மீன்வளத்தில் அதன் தாக்கத்தை மையமாகக் கொண்ட இந்த முக்கியமான பயிலரங்கை கூட்டாக ஏற்பாடு செய்ததற்காக எஃப்.ஏ.ஓ.வுக்கு நன்றி தெரிவித்த மத்திய அமைச்சர், இந்த பயிலரங்கின் முடிவுகள் இந்தோ பசிபிக் பிராந்தியத்தின் மீனவ சமூகங்களுக்கு உதவியாகவும், பிரச்சனைகளை சமாளிக்கவும் ஏதேனும் பாதிப்புகள் இருந்தால் குறைக்கவும் பெரும் உதவியாக இருக்கும் என்று கூறினார்.

மத்திய அரசின் மீன்வளத் துறை சார்பில், 'கடல் மீன்வளத்தில் பருவநிலை மாற்றத்திற்கு ஏற்ப, இந்தியாவின் தயார்நிலை குறித்த சிந்தனை அமர்வு' என்ற தலைப்பில், இணை நிகழ்ச்சியும் நடத்தப்படுகிறது. இந்த அமர்வில் பல்வேறு தேசிய மற்றும் சர்வதேச அறிவியல் அறிஞர்கள் கலந்து கொள்கின்றனர். பருவநிலை மாற்றம் குறித்த உத்திகள் தொடர்பாகவும், கடல் மீன்வளத்தில் பருவநிலை மாற்றத்திற்கு ஏற்ப இந்தியாவின் தயார்நிலை, மீன்வளத்தின் நிலை குறித்தும் முக்கியமாக இவர்கள் கவனம் செலுத்துவார்கள்.

உணவு மற்றும் வேளாண் அமைப்பின் இந்தியப் பிரதிநிதி, மீன்வளத் துறையில் வாழ்வாதாரம், ஊட்டச்சத்து மற்றும் நலனுக்காக பணியாற்றும் போது நிலையான வளர்ச்சி இலக்குகளை மையமாக வைத்திருக்குமாறு இந்திய அரசுக்கு அழைப்பு விடுத்தார். பருவநிலை மாற்றம் இங்கே ஒரு பிரச்சனையாக உள்ளது. ஊட்டச்சத்து பாதுகாப்பு மற்றும் உலக உணவுப் பாதுகாப்புக்கு ஏற்றவகையில் கடல் வளத்தை மாற்றம் அடைய செய்ய இந்த துறையில் பாலின உள்ளடக்கத்தையும் எஃப்.ஏ.ஓ பிரதிநிதி பரிந்துரைத்தார்.

 

மீன்வளத் துறையில் பருவநிலை மாற்றத்தின் தாக்கத்தை மாற்றியமைப்பதற்கும், தணிப்பதற்கும் மத்திய அரசின் சில முன்முயற்சிகள் மற்றும் திட்டங்கள் குறித்து அரசின் மீன்வளத் துறை செயலாளர் தெரிவித்தார். பருவநிலை மாற்றத்தால் மீன்களுக்கு ஏற்படும் நோய்களை மதிப்பிடுவதற்கு உதவும் நீர்வாழ் விலங்கு நோய்களுக்கான தேசிய கண்காணிப்புத் திட்டம், மீன்பிடிக் கப்பல்களின் இயக்கம் மற்றும் கப்பல் பதப்படுத்தலுக்கு புதுப்பிக்கத்தக்க எரிசக்தி ஆதாரங்களைப் பயன்படுத்துவதை ஊக்குவித்தல், கடல் சுற்றுச்சூழல் மாசுபாட்டைக் குறைக்க விசைப்படகுகளில் சுற்றுச்சூழலுக்கேற்ற கழிப்பறைகளை நிறுவுதல் ஆகியவை குறிப்பிடப்பட்ட சில முன்முயற்சிகளாகும்.

 

மீன்வளத் துறைக்கான பல்வேறு திட்டங்கள் மூலம் கடந்த 9 ஆண்டுகளில் மத்திய அரசு மேற்கொண்டுள்ள முயற்சிகளை எடுத்துரைத்த மத்திய அமைச்சர், மீன் உற்பத்தி மற்றும் உற்பத்தித்திறன், தொழில்நுட்பத்தை மேற்கொள்ளுதல் உள்கட்டமைப்பை வலுப்படுத்துதல் மற்றும் நவீனமயமாக்குதல், உள்நாட்டு நுகர்வு மற்றும் ஏற்றுமதியை அதிகரித்தல் ஆகிய துறைகளில் பன்முக உத்திகள் மற்றும் கவனம் செலுத்தும் தலையீடுகள் மூலம் ஏற்படும் மாற்றங்கள், சீர்திருத்தங்கள் பற்றி தெரிவித்தார். மீனவர்கள் மற்றும் மீன் வளர்ப்போரின் நலனை மையமாகக் கொண்டு தொழில் முனைவோர் மற்றும் வேலைவாய்ப்புகளை மேம்படுத்துதல் ஆகியவை முக்கியமான நடவடிக்கைகளாகும்.

சவால்களுக்கு மத்தியில் இத்துறையை மேம்படுத்த எடுக்கப்பட்ட முன்முயற்சிகளைப் பற்றிக் குறிப்பிட்ட அமைச்சர், மத்திய அரசு, கடந்த 9 ஆண்டுகளில், மீன் உற்பத்தி மற்றும் உற்பத்தித்திறன், தொழில்நுட்ப உட்செலுத்துதல், உள்கட்டமைப்பை நவீனப்படுத்துதல், தொழில்முனைவோர் மற்றும் வேலைவாய்ப்பு வளர்ச்சி போன்ற துறைகளில் மாற்றங்களையும் சீர்திருத்தங்களையும் ஏற்படுத்தியுள்ளது என்றார். தமிழகத்தில் ரூ.1.27 பில்லியன் மதிப்பில் பல்நோக்கு கடற்பாசி பூங்கா ஒன்றை மத்திய அரசு அமைத்து வருகிறது. 2015-ஆம் ஆண்டு முதல், கடலோர மாநிலங்களில் மீன்பிடி துறைமுகங்கள் மற்றும் மீன் இறங்குதளங்களின் 107 திட்டங்களை நவீனமயமாக்குவதற்கும் உருவாக்குவதற்கும் கவனம் செலுத்தப்பட்டுள்ளது" என்று அமைச்சர் மேலும் கூறினார்.

இந்தியாவின் பொருளாதாரத்தில் மீன்வளத் துறை ஒரு நல்ல பங்களிப்பை வழங்குகிறது என்றும், ஆரம்ப மட்டத்தில் 2.8 கோடிக்கும் அதிகமான மீனவர்கள் மற்றும் மீன் விவசாயிகளுக்கு வாழ்வாதாரத்தை வழங்குகிறது என்றும் அமைச்சர் கூறினார். "2022-23 ஆம் ஆண்டில் ரூ.63,969 கோடி (8.09 பில்லியன் அமெரிக்க டாலர்) ஏற்றுமதியுடன் கடந்த ஒன்பது ஆண்டுகளில் கடல் உணவு ஏற்றுமதி இரு மடங்காக அதிகரித்துள்ளது. இறால் ஏற்றுமதியும் கடந்த ஒன்பது ஆண்டுகளில் இரு மடங்காக அதிகரித்து. 2022-23 ஆம் ஆண்டில் ரூ.43,135 கோடியை (5.48 பில்லியன் அமெரிக்க டாலர்) எட்டியுள்ளது.

 

பல்வேறு திட்டங்களின் கீழ், கடந்த 9 ஆண்டுகளில் 61.9 லட்சம் வேலைவாய்ப்புகள் மற்றும் வாழ்வாதார வாய்ப்புகள் உருவாக்கப்பட்டுள்ளன. மீனவ குடும்பங்களுக்கு ஆதரவு, மீன்பிடி தடைக்காலம் மற்றும் மீன்பிடி தடைக்காலத்தில் ஆண்டுதோறும் சுமார் 6 லட்சம் மீனவ குடும்பங்களுக்கு வாழ்வாதாரம் மற்றும் ஊட்டச்சத்து உதவிகள் வழங்கப்பட்டு வருகின்றன. ஆண்டுக்கு சராசரியாக 38 லட்சம் மீனவர்கள், குழு விபத்து காப்பீட்டுத் திட்டத்தின் கீழ் காப்பீடு செய்யப்படுகிறார்கள் என்று அமைச்சர் கூறினார்.

 

பருவநிலை மாற்றம், மீன்வளத்தில் அதன் தாக்கம், மீன்வளத்தில் பருவநிலை மாற்றத்தின் தாக்கம் குறித்து அரசுகள் மற்றும் பிராந்திய மீன்வள அமைப்புகளின் தயார்நிலை ஆகியவற்றில் இந்த திட்டம் கவனம் செலுத்த வேண்டும் என்று மத்திய அமைச்சர் கூறினார்.

 

உலக மீன்வள தினத்தை முன்னிட்டு 2023 நவம்பர் 21 முதல் 22 வரை குஜராத் மாநிலம் அகமதாபாத்தில் நடைபெறும் முதல் உலக மீன்வள மாநாட்டில் கலந்து கொள்ளுமாறு அனைத்து பங்கேற்பாளர்களுக்கும் மத்திய அமைச்சர் அழைப்பு விடுத்தார்.

---

ANU/PS/SMB/AG/KRS

(Release ID: 1968571)