కేంద్ర స్కిల్ డెవలప్‌మెంట్ & ఎంటర్‌ప్రెన్యూర్‌షిప్ మరియు ఎలక్ట్రానిక్స్ & ఐటీ శాఖ సహాయ మంత్రి శ్రీ రాజీవ్ చంద్రశేఖర్ తాను  విద్యను అభ్యసించిన  మణిపాల్ ఇన్‌స్టిట్యూట్ ఆఫ్ టెక్నాలజీని రేపు సందర్శించనున్నారు.వార్షిక టెక్‌తత్వ ఫెస్టివల్ 2023 ప్రారంభోత్సవానికి ఆయన ముఖ్య అతిథిగా హాజరవుతారు. అక్కడ విద్యార్థులతో ఫైర్‌సైడ్ చాట్‌లో ఆయన సంభాషిస్తారు. రోబోటిక్స్  స్కిల్ డెవలప్‌మెంట్ ల్యాబ్‌ను కూడా ఆయన ప్రారంభించనున్నారు.

వేడుక ఇతివృత్తానికి అనుగుణంగా "న్యూ ఇండియా" యొక్క ఎప్పటికప్పుడు అభివృద్ధి చెందుతున్న టెక్ ల్యాండ్‌స్కేప్‌లో ఈ రోజు యువ భారతీయులకు అందుబాటులో ఉన్న అద్భుతమైన అవకాశాల గురించి కూడా మంత్రి మాట్లాడే అవకాశం ఉంది. దేశ యువతకు, ప్రస్తుత తరానికి ముఖ్యంగా సాంకేతిక రంగంలో అపూర్వమైన సామర్థ్యాన్ని స్థిరంగా హైలైట్ చేశారు.

ఎంఓఎస్ శ్రీ రాజీవ్ చంద్రశేఖర్ తన మునుపటి ప్రకటనలలో ఆధునిక భారతదేశ చరిత్రలో నేటి తరం అత్యంత అదృష్టవంతులని తన నమ్మకాన్ని వ్యక్తం చేశారు. 2047 నాటికి అభివృద్ధి చెందిన దేశంగా మారాలనే లక్ష్యాన్ని సాధించే దిశగా వారి సహకారం భారతదేశాన్ని ఎలా ముందుకు నడిపించగలదో హైలైట్ చేశారు.

1981లో ఎంఓఎస్ శ్రీ రాజీవ్ చంద్రశేఖర్ మణిపాల్ ఇన్స్టిట్యూట్ ఆఫ్ టెక్నాలజీలో చేరారు. అక్కడ ఆయన ఎలక్ట్రికల్ ఇంజనీరింగ్‌లో బ్యాచిలర్ డిగ్రీని పొందాడు. తదనంతరం 1986లో ఇల్లినాయిస్ ఇన్‌స్టిట్యూట్ ఆఫ్ చికాగో నుండి కంప్యూటర్ సైన్స్‌లో మాస్టర్స్ డిగ్రీని పొందాడు. 'ఫాదర్ ఆఫ్ పెంటియమ్ చిప్'గా పేరుగాంచిన వినోద్ ధామ్ ఇంటెల్‌లో చేరడానికి మంత్రిని వ్యక్తిగతంగా ఎంపిక చేశారు. అక్కడ ఆయన 1988 నుండి 1991 వరకు పనిచేశారు. ఇంటెల్‌లో తన పదవీకాలంలో మంత్రి సీనియర్ డిజైన్ ఇంజనీర్‌గా మరియు i486 ప్రాసెసర్ రూపకల్పనకు బాధ్యత వహించే ఆర్కిటెక్చరల్ టీమ్‌లో కీలక పాత్ర పోషించారు.

ఒక వ్యాపారవేత్తగా మంత్రి 1994లో బిపిఎల్ మొబైల్‌ను స్థాపించారు. ఇది భారతదేశంలోని అతిపెద్ద టెలికాం కంపెనీలలో ఒకటి. ఆయన భారత సాయుధ బలగాల పట్ల స్థిరమైన నిబద్ధతతో పరోపకారి కూడా ఉన్నారు.

నాలుగు రోజుల పాటు జరిగే టెక్‌తత్వ ఫెస్టివల్ 2023 దేశంలోని అత్యంత ప్రజాదరణ పొందిన సాంకేతిక ఉత్సవాల్లో ఒకటిగా ప్రసిద్ధి చెందింది మరియు విద్యార్థుల కోసం కర్నాటకలో ఇది అతిపెద్ద ఈవెంట్. తన పర్యటనలో మంత్రి శ్రీ రాజీవ్ చంద్రశేఖర్ భారతదేశ జీడీపీకి యువ భారతీయులు ఎక్కడ మరియు ఎలా దోహదపడగలరు అనే దానిపై ప్రసంగిస్తారు. వినూత్న ఆలోచనలను అన్వేషించడానికి, వ్యక్తిగత వెంచర్‌లను ప్రారంభించే మార్గాలపై తన ఆలోచనలను పంచుకుంటారు.డిజిటల్ ఎకానమీ యొక్క సామర్థ్యాన్ని నొక్కిచెప్పే అభివృద్ధి చెందుతున్న సాంకేతికతలను వివరిస్తారు.
 

***

(रिलीज़ आईडी: 1968287) आगंतुक पटल : 108