زرعی سائنسز کی قومی اکیڈمی (این اے اے ایس) کے ذریعہ منعقدہ 16ویں زرعی سائنس کانگریس (اے ایس سی) آج کوچی میں اختتام پذیر ہوئی۔ اختتامی تقریب سے ڈاکٹر ہمانشو پاٹھک، سکریٹری، محکمہ زرعی تحقیق اور تعلیم اور ڈائریکٹر جنرل، انڈین کونسل آف ایگریکلچرل ریسرچ (آئی سی اے آر) نے خطاب کیا۔ انہوں نے کہا کہ ہندوستانی زراعت کا مستقبل روشن ہے اور نوجوانوں کی ایک بڑی تعداد جوش و خروش کے ساتھ اس شعبے میں آرہی ہے۔

ڈاکٹر ہمانشو پاٹھک اے ایس سی کی اختتامی تقریب سے خطاب کرتے ہوئے

اس موقع پر یونیورسٹی کے طلبہ کے لیے منعقد کیے گئے تقریری مقابلے کے فاتحین میں انعامات تقسیم کیے گئے۔

کانگریس میں 10 موضوعات پر تبادلہ خیال کیا گیا۔ ان موضوعات میں زراعت اور اس سے منسلک شعبوں اور زمین اور پانی، زرعی پیداواری نظام، مصنوعات، زرعی مشینری، موسمیاتی عمل، معاشیات، قابل تجدید یا متبادل توانائی، درست کاشتکاری، متبادل زراعت، ساحلی زراعت، اگلی نسل کے ٹیکنالوجی کے نظام سے متعلق تمام مسائل شامل ہیں۔ تقریباً 114 مقالے  کانگریس میں پیش کیے گئے۔

ایک جامع ایجنڈے کے ساتھ، 16ویں اے ایس سی میں زراعت اور اس سے منسلک شعبوں کی ممتاز شخصیات کے چھ مکمل لیکچرز شامل تھے۔ کانگریس نے تین پینل مباحثوں اور چار سمپوزیم کی میزبانی بھی کی جس میں موضوعات کی ایک صف کا احاطہ کیا گیا۔

طلباء کے تقریری مقابلے کے فاتحین معززین کے ساتھ

کانگریس میں ہندوستان اور بیرون ملک سے 1500 سے زیادہ مندوبین جمع ہوئے۔ پروگرام کے ساتھ ساتھ منعقد ہونے والی زرعی ایکسپو میں سرکاری اور نجی شعبے کے تحقیقی اداروں، یونیورسٹیوں، زرعی صنعتوں، توسیعی ایجنسیوں اور این جی اوز کی جدید زرعی ٹیکنالوجیز کی نمائش کی گئی۔

*************

ش ح۔ ش ت  ۔ ت ح

U- 10854

(Release ID: 1968090) Visitor Counter : 64