অৱাং নোংপোক লমদমদা চাউখৎপা পুক্নবা মহাক্কী ৱাফমদা প্রধান মন্ত্রী শ্রী নরেন্দ্র মোদী জীনা হায়খি মদুদি, “অৱাং-নোংপোকপু লৈবাক অসিগী অতোপ্পা চাউখৎলবা রিজনশিংগা মানহনবা হায়বসি ঐহাক্কী অচেৎপা ৱারেপনি।”

মীৎয়েং অসিগা লোয়ননা মাংলোমদা চংশিন্দুনা, এম.ও.এস., এম.দি.ও.এন.ই.আর., শ্রী বি. এল. বর্মনা ঙসি নই দিল্লীগী বিগ্যান বভনদা ভর্চুএল ওইনা “দেতা এনালাইতিক্স দাশবোর্দ” অমসুং “পুর্বোত্তর সমপর্ক সেতু” লোঞ্চ তৌখ্রে।

“এম.দি.ও.এন.ই.আর. দেতা এনালাইতিক্স দাশবোর্দ”দা বিভাগ অমসুং মন্ত্রালয় 55গী স্কিম 112গী দেতা লৈরি। মসিনা (a) দেতাদা য়ুমফম ঔইবা ৱারেপ লৌবা; (b) ওপরেসনশিং লাইথোকহনবা; (c) সেন্ত্রেলাইজ মোনিতরিং; (d) পোলিসী লেবেল দেসিজন তুল; অমসুং (e) ইনফোর্মেসন ইন্তিগ্রেসনদা মতেং পাংলগনি। মসিনা এন.ই.আর. এস্পিরেস্নেল দিস্ত্রিক্তশিং, নোর্থ ইস্ত বোর্দর দিস্ত্রিক্তশিং অমসুং এন.ই.আর.দা খ্বাইদগী বেকৱার্দ দিস্ত্রিক্তশিংদা অচেৎপা মীৎয়েং থমগনি। এন.ই.আর.দা স্কিমশিংগী মরুওইবা পর্ফোমেন্স ইন্দিকেতরগীদমক বেঞ্চমার্ক অমা শেমগৎলদুনা, দাশবোর্দ অসিনা ই-গবর্নান্সদা খ্বাইদগী নৌবা ইনোবেসনশিং য়াওগনি অমসুং সিঙ্গল প্লেৎফোর্ম অমদা বিভাগ অমসুং মন্ত্রালয় কয়াগী ইনফোর্মেসন দিসপ্লে তৌগনি।

“পুর্বোত্তর সমপর্ক সেতু” পোর্তেল অসি এন.ই.আর.দা কেন্দ্র মন্ত্রীশিংগী থাখায়গী খোংচৎশিংগী স্ত্রিমলাইন অমসুং মোনিতর তৌবা হেনগৎহন্নবা দিজাইন তৌবা শক্তি লৈবা তুল অমনি। দাশবোর্দ অসিনা মফম অমদা স্তেক হোল্দর পুম্নমক্না শিজিন্নগদবা কেন্দ্র মন্ত্রীশিংনা অৱাং নোংপোক লমদমশিংদা রাজ্য-রাজ্যশিংগী/ জিলা-জিলাশিংগী খোংচৎকী মতাংদা মমল য়াম্লবা নুংগী ওইবা মীৎয়েং অমসুং গ্রাফিকেল ইনফোর্মেসন ফংহল্লি। পোর্তেল অসিনা লাক্কদৌরিবা থাশিংদা এন.ই.আর.দা চৎনবগীদমক নোমিনেত তৌবা ঙম্বা মন্ত্রীশিংগী ক্যুরেতেদ লিস্ত জেনরেত তৌই। লিস্ত অসি দাইনামিক ওই অমসুং খোংচৎশিং স্ত্রিমলাই তৌনবা ফেক্তর কয়া অমা একাউন্তদা থম্মি। খোংচৎকী মতুংদা মন্ত্রীনা মখোয়গী তুর রিপোর্তশিং রিকমেন্দেসনগা লোয়ননা ওনলাইনদা সবমিত তৌবা য়াই। এম.দি.ও.এন.ই.আর.না মদু এনালাইজ তৌরবা মতুং রিকমেন্দেসনশিং অথুবা এক্সনগীদমক মরী লৈনবা মন্ত্রালয়শিং/বিভাগশিং/রাজ্য সরকারশিংদা ফোরৱার্দ তৌবা য়াই। পোর্তেলনা সিঙ্গল ক্লিক অমদা খোংচৎশিংদা শম্লকপা রিপোর্ত অমা জেনরেত তৌই।

ইনিসিয়েতিব অসি মিনিস্ত্রীয়েল খোংচৎশিংগী লেন্দস্কেপ নৌনা মায়কৈ য়াৎনবা থৌরাং তৌই, মদু মখোয়গী ইফিকেসী, ত্রান্সপরেন্সী, অমসুং প্রোফাউন্দ ইনফ্লুয়েন্স হেনগৎহন্নবগীদমক চেকশিন্না থৌরাং তৌই। মসিগী মরুওইবা পান্দমদি ময়েক শেংনা অশোই অঙাম য়াওহন্দনা কেন্দ্র সরকারগী স্কিমশিংগী কানবা ভারতকী অৱাং নোংপোক লমদমদা লৈরিবা নাগরিক খুদিংমক্তা য়ৌহনবনি।

থৌরমদা ৱা ঙাংলদুনা এম.ও.এস., এম.দি.ও.এন.ই.আর.না তুলশিং অসিগী দিবলপমেন্তগীদমক মহাক্কী ওইবা থাগৎপা ফোংদোকখি। মহাক্না হায়খি মদুদি পি.এম. অমসুং অতোপ্পা কেন্দ্র মন্ত্রীশিংগী খোংচৎকী ইফেক্ত অৱাং নোংপোক লমদমগী প্রোগ্রেসতা উরে। মহাক্না থাজবা থমখি মদুদি এম.দি.ও.এন.ই.আর.না অৱাং নোংপোক লমদমদা লৈরিবা মীপুম খুদিংমক্কী কাননবগীদমক অনৌবা অমসুং ইনোবেতিব তেক্নোলোজীশিং শিজিন্নবা মখা তানা হোৎনখিগনি।

লোঞ্চ তৌবগী থৌরম অসিদা এম.দি.ও.এন.ই.আর.গী সেক্রেতরী শ্রী চনচল কুমার, এম.দি.ও.এন.ই.আর.গী মকোকথোংবা ওফিসরশিং, এম.দি.ও.এন.ই.আর.গী মখাদা লৈরিবা ওর্গনাইজেসনশিংগী মকোকশিং, অৱাং নোংপোক রাজ্যশিংগী চিফ সেক্রেতরীশিং অমসুং প্লানিং এদভাইজরশিং, এন.আই.সি.এস.আই. অমসুং এন.আই.সি.গী মকোকথোংবা ওফিসরশিং অমসুং তোঙান তোঙানবা কেন্দ্রগী মন্ত্রালয়শিং/বিভাগশিংগী মকোকথোংবা ওফিসরশিং শরুক য়াখি।

***