بھارت میں زرعی شعبہ ایک قابل ذکر تبدیلی سے گزر رہا ہے ، جس کی وجہ ٹکنالوجی اور اختراعی طریقوں میں تیزی سے ترقی  ہوئی ہے۔ جدید ترین تکنیکی صلاحیتوں سے لیس ایگری اسٹارٹ اپس اور نجی شعبے کے اداروں کی نمایاں موجودگی سے اس ارتقاء میں مزید تیزی آئی ہے۔ ایک مضبوط ڈیجیٹل پبلک انفراسٹرکچر کا انضمام ، انٹرنیٹ آف تھنگز ، مصنوعی ذہانت ، اور مشین لرننگ کی صلاحیت کو بروئے کار لاتے ہوئے ، پہلے ہی اس ڈومین میں امید افزا نتائج کا مظاہرہ کر چکا ہے۔ مزید برآں ، یہ شعبہ منفرد موضوعات جیسے ہائپر اسپیکٹرل ڈیٹا تجزیہ ، فوٹو تجزیات ، اور جغرافیائی سیٹلائٹس کے ذریعہ درست موسمی پیرامیٹرز کی بازیابی جیسے منفرد موضوعات کے ابھرنے کا مشاہدہ کر رہا ہے۔ تقسیم کی تکنیک اور پارسل سطح کی فصل کی نقشہ سازی بے مثال بصیرت فراہم کر رہی ہے ، جس سے زرعی طریقوں کی کارکردگی اور درستگی میں اضافہ ہو رہا ہے۔ یہ اجتماعی پیش رفت زراعت میں ایک اہم لمحے کی نشاندہی کرتی ہے، جس سے بے مثال پیداواری صلاحیت اور پائیداری کے دور کا آغاز ہوتا ہے۔ نتیجتاً، وزارت زراعت اور کسانوں کی فلاح و بہبود اس بات کو یقینی بنانے کے لیے اسٹریٹجک اقدامات  کر رہی ہے کہ ایگری ٹیک سیکٹر میں تیزی سے ترقی کو ملک بھر کے کسانوں کے فائدے کے لیے مناسب طریقے سے استعمال کیا جائے۔

ان اختراعات سے فائدہ اٹھانے کے لیے وزارت زراعت اور کسانوں کی فلاح و بہبود نے ایک اسکریننگ کمیٹی تشکیل دی ہے جس میں آئی آئی ٹی ، آئی آئی ایم ، آئی آئی ایس سی ، آئی آئی ایس ای آر وغیرہ جیسے موقر اداروں کے ماہرین شامل ہیں۔ اس میں ڈومین کے ماہرین اور صنعت کے ماہرین بھی ہیں۔ یہ کمیٹی ایسے جدید حلوں کا جائزہ لے گی جو کسانوں کی فلاح و بہبود پر براہ راست اثر انداز ہوتے ہیں۔ اس کے لیے وزارت زراعت اور کسانوں کی فلاح و بہبود نے مسائل کے بیانات کا ایک سیٹ تیار کیا ہے جس پر ایسے دلچسپی رکھنے والے اداروں سے تجاویز طلب کی جارہی ہیں۔ اس سے ان اداروں کے لیے ایک راستہ کھل گیا ہے جو زراعت کے شعبے میں کام کر رہے ہیں یا کام کرنے کے خواہاں ہیں اور اس شعبے کے داخلی چیلنجوں سے نمٹنے کے لیے اپنے جدید حل کا اطلاق کرتے ہیں۔ گزشتہ ایک دہائی کے دوران ایگری ٹیک سیکٹر میں تیزی سے ترقی دیکھنے میں آئی ہے جس کی وجہ نوجوان ٹیلنٹ ہیں جو اس شعبے کے لیے سنجیدگی سے کام کر رہے ہیں۔ ایسے اداروں کو درپیش چیلنجوں میں سے ایک اس شعبے سے قابل اعتماد اعداد و شمار اور اسٹریٹجک رہنمائی کا فقدان ہے۔ وزارت زراعت اور کسانوں کی فلاح و بہبود ایسے تمام اداروں کو ان کے حل کو عملی جامہ پہنانے اور چیلنجوں سے مؤثر طریقے سے نمٹنے کے لیے بہترین ایکو سسٹم کی شکل میں ضروری مدد فراہم کرکے مواقع فراہم کرے گی اگر حل جدید ہیں تو انھیں ملک بھر میں نافذ کیا جاسکتا ہے۔

وزارت حکومت کے ساتھ تعاون اور اپنی مہارت کا اشتراک کرنے کے لیے ایگری ٹیک ، اسٹارٹ اپ وغیرہ سے دلچسپی کے اظہار (ای او آئی) اور مسائل کے بیانات پر تجاویز طلب کرتی  ہے۔ یہ جامع اپروچ آئیڈیاز اور علم کے متحرک تبادلے کی سہولت فراہم کرنا چاہتی ہے ، جس سے زرعی شعبے کو آگے بڑھانے کے لیے ایک جامع نقطہ نظر کو یقینی بنایا جاسکتا ہے۔ کمیٹی ممکنہ معاونین سے پریزنٹیشن طلب کرے گی ، جس کا مقصد مخصوص ٹکنالوجیوں اور ہدف شدہ مداخلتوں کی نشاندہی کرنا ہے جو بھارتی زرعی منظر نامے کے منفرد مطالبات سے مطابقت رکھتے ہیں۔ مجوزہ اقدامات کے امکانات  اور توسیع پذیری کا اندازہ لگانے کے لیے تصور، قدر پروپوزیشن اور ایکشن پلان کا جامع جائزہ لیا جائے گا۔ اس جائزے کی بنیاد پر کمیٹی وزارت کے ساتھ تعاون کے لیے موزوں اداروں کی نشاندہی کرتے ہوئے باخبر سفارشات پیش کرے گی۔ کچھ معاملات میں ، پرو بونو شراکت داریوں کی حوصلہ افزائی کی جاسکتی ہے ، خاص طور پر جدت طرازی کو چلانے اور بعد میں انھیں بڑھانے کے لیے۔ ان مربوط کوششوں کے ذریعے کمیٹی کا مقصد زرعی شعبے میں نمایاں پیش رفت اور جدت طرازی کو آگے بڑھانا ہے، جس سے بالآخر ملک بھر کے کسان مستفید ہوں گے۔

دلچسپی رکھنے والے ادارے زرعی شعبے میں جدت طرازی سے فائدہ اٹھانے کے لیے مسائل کے بیانات اور فریم ورک کے فارم ڈاؤن لوڈ کرسکتے ہیں ، جسے وزارت زراعت اور کسانوں کی بہبود کی ویب سائٹ (www.agricoop.gov.in) پر اپ لوڈ کیا گیا ہے ۔ اس کے لیے کیلنڈر حسب ذیل ہے:

***

(ش ح – ع ا – ع ر)

U. No. 10813