হাউশিং অমসুং অর্বান পোবর্তী এল্লিবেসন মন্ত্রালয়
ভারত্তা মালেমদা ২শুবা খ্বাইদগী চাউবা মেত্রো নেতৱার্ক লৈরগনি: শ্রী হরদিপ সিংহ পুরি
লৈবাক শীনবা থুংনা অর্বান ত্রান্সপোর্ত মপাঙ্গল কনখৎহন্নবা খন্ন-নৈনরে: হাওসিং অমসুং অর্বান এফেয়ার্স মিনিস্ত্রিগী কন্সলতেতিপ কম্মিতিগী মীফমশিং
Posted On:
13 OCT 2023 4:46PM by PIB Imphal
হাওসিং অমসুং অর্বান এফেয়ার্স অমসুং পেত্রোলিয়ম অমসুং নেচরেল গ্যাসকী য়ুনিয়ন মিনিস্তর শ্রী হরদিপ সিংহ পুরিনা হায়খ্রে লৈবাক শীনবা থুংনা অর্বান ত্রান্সপোর্ত মপাঙ্গল কনখৎহন্নবা সরকারনা থবক পায়খৎলে। ঙরাং মহাক্না হাওসিং অমসুং অর্বান এফেয়ার্স মিনিস্ত্রিগা থবক তৌমিন্নরিবা সংসদকী কন্সলতেতিপ কম্মিতি মেম্বরশিংদা ৱা ঙাংখ্রে। মীফম অদুদগী এজেন্দাদি অর্বান ত্রান্সপোর্তনি।
মীফম অদুদা হাওসিং অমসুং অর্বান এফেয়ার্সকী রাজ্য মন্ত্রী শ্রী কৌসল কিসোর, লোক সভাগী এম.পি শ্রী থিরু এ.কে.পি চিনরাজ, লোক সভাগী এম.পি শ্রী এম.ভি.ভি সত্যনরায়ন, লোক সভাগী এম.পি দোক্তর শ্রীকান্ত একনাথ সিন্দে, লোক সভাগী এম.পি শ্রী রমেস বিধুরি, রাজ্য সভাগী এম.পি শ্রী অবির রঞ্জন বিশ্বাস, রাজ্য সভাগী এম.পি শ্রীমতি বন্দনা চাভন, হাওসিং অমসুং অর্বান এফেয়ার্স মিনিস্ত্রিগী সেক্রেতরি শ্রী মনোজ জোসি অমসুং হাওসিং অমসুং অর্বান এফেয়ার্স মিনিস্ত্রিগী অতোপ্পা ওফিসিএলশিং শরুক য়াখি।
হাওসিং অমসুং অর্বান এফেয়ার্স মিনিস্ত্রিগী জোইন্ত সেক্রেতরি অমসুং ও.এস.দি(অর্বান ত্রান্সপোর্ত) শ্রী জয়দিপনা মীফমদা অর্বান ত্রান্সপোর্তকী মতাংদা শন্দোক্না তাকখি। লৈবাক শীনবা থুংনা মেত্রো নেতৱার্ক চাউখৎলকপগী মতাংদা মীফম অদুদা উৎখি।
![](https://static.pib.gov.in/WriteReadData/userfiles/image/image001HMIG.jpg)
মেত্রো, রেল, বস অমসুং পব্লিক ত্রান্সপোর্ত ওপরেতর(পিতিও) অমসুং দুকানশিং/রেস্তুরান্তশিং/এ.তি.এম/কিওক্স/থাউ হানফম/পার্কিংশিংদা শীজিন্ননবা মার্চ ২০১৯দা প্রধান মন্ত্রী শ্রী নরেন্দ্র মোদীনা হৌদোকখিবা লৈবাক অসিনা মশানা পুথোকচবা নেসনেল কম্মন মোবিলিতি কার্দ(এন সি এম সি), ‘কার্দ অমা লৈবাক অমা’ গী মরমদা মীফম শরুক য়াখিবশিংদা শন্দোক্না তাকখি। এন.সি.এম.সি কার্দ অসি নেসনেল পেমেন্তস কোওপরেসন ওফ ইন্দিয়ানা পুথোকপা qSPARC (কুইক স্পেসিফিকেসন ফোর পেমেন্ত এপ্লিকেসন ওফ রুপে চিপ)তা য়ুম্ফম ওইবনি। হৌজিক মসি মেত্রো রেল কোওপরেসনশিংনা শীজিন্নরি। এ.সি.এম.সি অসি মখাগী অসিদা শীজিন্নগনি:
- দিল্লি মেত্রো (দি এম আর সি)
- বেঙ্গালুরু মেত্রো (বি এম আর সি এল )
- মুম্বাই মেত্রো
- চেন্নাই মেত্রো (সি এম আর এল)
- অহমেদবাদ মেত্রো (জি এম আর সি এল)
- কানপুর মেত্রো (য়ু পি এম আর সি এল)
মখা তানা স্তেৎ রোদ ত্রান্সপোর্ত অন্দরতেকিংশিং হায়বদি কদম্বা ত্রান্সপোর্ত কোওপরেসন লিমিতেৎ, গৱা, বেস্ত মুম্বাই অমসুং হরিয়ানা রোদৱেজনা এন.সি.এম.সি শীজিন্নরে।
মীফম মনুংদা এম.পিশিংনা মখোয় মখোয়গী রাজ্যশিং/কেন্দ্রশিংদা মেত্রো থবক হৌনবা, অরাপ্পা মফমশিং ফাওবা মেত্রো য়ৌহনবা, খুদোংচাবা হেনগৎহনবা, মীয়াম চৎথোক-চৎশিন লাইহনবা অমসুং নুংঙাইহনবগী মতাংদা ৱাফম কয়া পুখৎনরকখি।
এম.পিশিংগী পাউখুমদা, য়ুনিয়ন মিনিস্তর শ্রী পুরিনা হায়খি হৌজিক লৈবাক অসিগী সহর ২০দা কিমি ৮৭৪গী মেত্রো রেল থবক তৌরে অমসুং তোঙান-তোঙানবা সহরশিং কিমি ৯৮৬ শেমগৎলি। ভারত্তা মালেমদা ২শুবা খ্বাইদগী চাউবা মেত্রো নেতৱার্ক লৈরগনি।
লৈবাক শীনবা থুংনা লৈরিবা মেত্রো নেতৱার্ক:
![](https://static.pib.gov.in/WriteReadData/userfiles/image/image002653S.jpg)
![](https://static.pib.gov.in/WriteReadData/userfiles/image/image003XZ7C.jpg)
য়ুনিয়ন মিনিস্তর পুরিনা হায়খি পি.পি.পি মোদেলদা ই-বস ১০,০০০ শীজিন্নদুনা সহরগী বস চেনবগী থবক ফগৎহন্নবা হন্দক কেন্দ্রগী মন্ত্রীমন্দলনা “পি.এম-ইবস সেবা” হৌদোকখ্রে। স্কিম অসিগী মরুওইবশিং মখাদা পীরি:
- পি.পি.পি মোদেলদা ই-বস ১০,০০০ শীজিন্নবা
- চহি ১০ বস চেনবদা মতেং পাংবা
- বস দিপো শেমগৎপা/ফগৎহনবদা মতেং পাংবা
- বিহাইন্দ-দি-মিতর পৱার ইনফ্রাস্ত্রকচর মতেং পাংবা
- অপুনবা মীশিং লাখ ৩ হেন্না সহরশিং কোনশিনবা
- চাংদম্নবা অমগী মখাদা সহরশিং খনবা
******
(Release ID: 1967584)
Visitor Counter : 73