নুপী অমসুং অঙাংশিংগী চাউখৎ থৌরাং মন্ত্রালয়
অঙাংশিং মচি ওইবা চীঞ্জাক ৱাৎপা য়েংশিন্নবা অনৌবা চৎন-কাংলোন লৈবাক শীনবা থুংনা হৌদোক্লে
অঙাংশিংগী মরক্তা মচি ওইবা চীঞ্জাক ৱাৎপা য়েংশিন্নবা কৎথোকপগা লোয়ননা থবক তৌবগীদমক ৱুমেন অমসুং চাইল্দ দিবলপমেন্তগী য়ুনিয়ন মিনিস্তরনা রাজ্যশিং/য়ু.তিশিংগী অঙ্গনৱাদি ৱার্করশিং অমসুং অশা ৱার্করশিং ইকায়খুম্নবা উৎখ্রে
মচি ওইবা চীঞ্জাক চাবা ৱাৎপগী হৌজিক থেংনরিবা অৱাবশিং কোকহন্নবা হৌজিক পায়খৎলিবা থবকশিং চৎন-কাংলোন অসিনা মপাঙ্গল কনখৎহনগনি: ৱুমেন অমসুং চাইল্দ দিবলপমেন্তগী য়ুনিয়ন মিনিস্তর
Posted On:
11 OCT 2023 1:02PM by PIB Imphal
ঙসি ৱুমেন অমসুং চাইল্দ দিবলপমেন্তগী য়ুনিয়ন মিনিস্তর শ্রীমতি স্মৃতি জুবিন ইরানিনা অঙাংশিংগী মরক্তা মচি ওইবা চীঞ্জাক ৱাৎপা য়েংশিন্নবা ফগৎহল্লবা অনৌবা চৎন-কাংলোন(প্রোতোগোল) অমা হৌদোকখ্রে। হৌদোকপগী থৌরম অদুদা ৱুমেন অমসুং চাইল্দ দিবলপমেন্ত অমসুং অয়ুসকী রাজ্য মন্ত্রী দোক্তর মুঞ্জাপারা মহেন্দ্রভাই, ৱুমেন অমসুং চাইল্দ দিবলপমেন্তগী সেক্রেতরি শ্রী ইন্দেভর পান্দে, ভারত্তা লৈবা য়ুনিসেফকী মীহুৎ সিন্থিয়া এমক কাফ্রি, য়ু.এন ৱুমেন কন্ত্রি রিপ্রসেন্তিতিপ সুসান ফর্গসন অমসুং দব্লিউ.ঐচ.ওগী দিপুতি কন্ত্রি হেদ পেদেন অমসুং হেল্থ অমসুং ফেমিলি ৱেলিফিয়ারগী জোইন্ত সেক্রেতরি শ্রী রজিব মানঝি শরুক য়াখি।
অঙাংশিংগী মরক্তা মচি ওইবা চীঞ্জাক ৱাৎপা য়েংশিন্নবা ফগৎহল্লবা অনৌবা চৎন-কাংলোন(প্রোতোগোল) অসি ৱুমেন অমসুং চাইল্দ দিবলপমেন্ত মিনিস্ত্রি অমসুং হেল্থ অমসুং ফেমিলি ৱেলফিয়ার মিনিস্ত্রিনা পুন্না পুথোকপনি।
নিউ দিল্লিগী বিগ্যান ভাবন্দা পাংথোকপা হৌদোকপগী থৌরম অদুদা লৈবাক শীনবা থুংনা লৈরিবা ৱুমেন অমসুং চাইল্দ দিবলপমেন্ত অমসুং হেল্থ দিপার্তমেন্তশিংগী সেনিয়র ওফিসারশিং, য়ুনিসেফ, ইন্দিয়ান মেদিকেল এসোসিএসন, ইন্তরনেসনেল পেদিয়াত্রিক এসোসিএসন, ইন্দিয়ান একাদেমি ওফ পেদিয়াত্রিক্স, ৱাল্দ হেল্থ ওর্গনাইজেসন, ৱার্ল্দ বেঙ্ক অমসুং বিল এন্দ মেলিন্দা গেতস ফাউন্দেসন, লৈবাক শীনবা থুংবগী সি.দি.পি.ওশিং, লেদি সুপরভাইজরশিং, অঙ্গনৱাদি অমসুং অশা ৱার্করশিং শরুক য়াখি।
ৱুমেন অমসুং চাইল্দ দিবলপমেন্ত মিনিস্ত্রিগী সেক্রেতরি শ্রী ইন্দেভর পান্দেনা মহাক্কী হৌদোকপগী ৱারোলদা হায়খি অঙাংশিংদা মচি ওইবা চীঞ্জাকশিং ফংহন্নবা মরুওইবা থবক কয়া মিনিস্ত্রিনা পায়খৎলি। মরুওইবা মচি ওইবা চীঞ্জাক অমসুং হকশেলগী খুদোংচাবশিং ফংহনবগী থবকশিং খোঙ্গুল লিনবা আই.সি.তি এপ্লিকেসন পোসন ত্রেক্করনা মরুওইবা থৌদাং লৌরি। সেপ্তেম্বর ২০২৩ দা অঙাং করোর ৭ হেনবগী মচি ওইবা চীঞ্জাক্কী ফিবম য়েংশিন্নবা অমসুং ওন্নবা মাইপাক্না পাংথোক্নবা থবকশিং পাংথোকখ্রে। মসিন শকশম অঙ্গনৱাদি অমসুং নিউত্রিসন ২.০গী খুৎথাংদা মচি ওইবা চীঞ্জাক চাবা ৱাৎথবা হন্থহন্নবা মিনিস্ত্রিনা পায়খৎলিবা মরুওইবা থবকশিংগী মরুওইবা মচাক অমা প্রোতোগোল অসিনা ওইগনি। অঙ্গনৱাদি অমসুং মেদিকেলগী থবকশিংগী খুৎথাংদা মচি ওইবা চীঞ্জাক চাবা ৱাৎলবা অঙাংশিং য়েংশিন্নবগী অকুপ্পা মরোলশিং চৎন-কাংলোন অসিদা ময়েক শেংনা তাক্লে।
লেদি হার্দিং কলেজগী পেদিয়াত্রিসিয়ান দোক্তর প্রভিন কুমারনা মচি ওইবা চীঞ্জাক ৱাৎপা থেংননবা খুন্নাইগী ওইবা থবকশিংগী মতাংদা ফোঙদোকখি। মহাক্না হায়খি লৈবাক শীনবা থুংনা অঙাংশিং মচি ওইবা চীঞ্জাক ৱাৎপা য়েংশিন্নবা অনৌবা চৎন-কাংলোন হৌদোকপা অসিনা মেদিকেলগী অরুবা লৈতবা কেসশিং মীয়াম্না থেংনবা ঙম্বগী থাক্তা লৈহনগনি।
ইন্তরনেসনেল পেদিয়াত্রিক এসোসিএসনগী প্রসিদেন্ত দোক্তর নবিন থাক্করনা হায়খি অনৌবা চৎন-কাংলোন অসিনা মচি ওইবা চীঞ্জাক ৱাৎপগী খুদোংচাদবশিং থেংননবা মমাশিং অমসুং মীয়াম য়েংশিনবদা মতেং পাংগনি। অনৌবা চৎন-কাংলোন অসি মরুওইবা চে-চাং অমনি অমসুং মসি মালেম শীনবা থুংনা শরুক য়াগদবনি।
থৌরম মনুংদা অঙাংশিংগী মরক্তা মচি ওইবা চীঞ্জাক ৱাৎপা য়েংশিন্নবা কৎথোকপগা লোয়ননা থবক তৌবগীদমক ৱুমেন অমসুং চাইল্দ দিবলপমেন্তগী য়ুনিয়ন মিনিস্তরনা রাজ্যশিং/য়ু.তিশিংগী অঙ্গনৱাদি ৱার্করশিং অমসুং অশা ৱার্করশিং ইকায়খুম্নবা উৎখ্রে।
ভারত্তা লৈবা য়ুনিসেফকী মীহুৎ সিন্থিয়া এমক কাফ্রি, য়ু.এন ৱুমেন কন্ত্রি রিপ্রসেন্তিতিপ সুসান ফর্গসন অমসুং দব্লিউ.ঐচ.ওগী দিপুতি কন্ত্রি হেদ পেদেন অমসুং ইন্দিয়ান মেদিকেল এসোসিএসনগী জোইন্ত সেক্রেতরি দোক্তর মুনিস প্রভাকরনা নৌনা হৌদোক্লিবা প্রোতোগোল অসিগী মতাংদা মখোয়গী ওইবা ৱাফমশিং ফোঙদোকখি।
ৱুমেন অমসুং চাইল্দ দিবলপমেন্তগী রাজ্য মন্ত্রী দোক্তর মুঞ্জাপরানা হায়খি অঙাংশিং মচি ওইবা চীঞ্জাক ৱাৎপা য়েংশিন্নবা অনৌবা চৎন-কাংলোন লৈবাক শীনবা থুংনা হৌদোকপা অসি মরুওইবা খোঙথাং অমনি। মসি হকশেল অমসুং নুংঙাই-য়াইফবগী অচুম্বা থৌরাং অমদা পায়খৎপনি অমসুং মসি মচি ওইবা চীঞ্জাক ৱাৎপা থেংনবা ঙমগনি।
রাজ্য মন্ত্রীনা হায়খি চৎন-কাংলোন অসিনা লৈবাক শীনবা থুংনা লৈরিবা অঙাংশিং মতম চানা অমসুং নিংথিনা মতেং পাংগনি। মসিনা অঙ্গনৱাদি ৱার্করশিং, অশা ৱার্করশিং, লেদি সুপরভাইজরশিং, সি.দি.পি.ওশিং মপুংফানা লমজিংগনি।
য়ুনিয়ন মিনিস্তর শ্রীমতি স্মৃতি জুবিন ইরানিনা হায়খি মচি ওইবা চীঞ্জাক চাবা ৱাৎপা থেংননবা পোসন অভিয়ান অসি মিনিস্ত্রি ১৮ অমসুং রাজ্য সরকারশিং পুন্না থবক তৌমিন্নবগী খুদম অমনি।
য়ুনিয়ন মিনিস্তরনা হায়খি কোবিদ লাইচৎ মনুংদা হৌদোকখিবা পোসন ত্রেক্কর এপ্লিকেসন অসিদা থা অহুমগী মনুংদা এ.দব্লিউ.সি লাখ ১৩ হেন্না শরুক য়াদুনা অচৌবা অওনবা অমা পুরকখি। হৌজিক পোসন ত্রেক্কর অসিনা এন.এফ.ঐচ.এস-৫গা চাংদম্নবদা মচি ওইবা চীঞ্জাক ৱাৎপগী চাং হন্থবা থংনরে।
য়ুনিয়ন মিনিস্তরনা হায়খি রাজ্যশিংগী দরকার ওইবশিং য়েংলগা তোইলেত শাবদা চঙবা শেনফম লুপা ১২,০০০ ওইরম্বদগী লুপা ৩৬০০০দা হেনগৎহল্লে অমসুং থক্নবা ঈশিং পীনবা লুপা ১০,০০০ পীরম্বা অদু লুপা ১৭০০০দা হেনগৎলে। এ.দব্লিউ.সি ৪০,০০০ হেনবদা এল.দি.দি স্কৃনশিং, ওদিও-ভিজুয়েল তিচিং এইদশিং পীরে অমসুং সিক্কিম, লাদাখ অমসুং অরুনাচল প্রদেসকী ঙমখৈগী খুঙ্গংশিংগী অঙ্গনৱাদি সেন্তরশিং ফগৎহল্লে।
য়ুনিয়ন মিনিস্তরনা মখা তানা হায়খি অঙ্গনৱাদি ৱার্করশিংনা হৌজিক পায়রিবা মোবাইল ফোনশিং 5G মোবাইল ফোনশিং ওইহন্নবা থবক পায়খৎলে অমসুং মোবাইল ফোনশিং চহি ৪ খুদিংগী শীন্নবা থৌশিল অমা শেম্লে।
য়ুনিয়ন মিনিস্তরনা হায়খি কান্নবা ফংলিবা মীওইশিংনা অঙ্গনৱাদি সর্বিস স্কিমগী মখাদা খুঙ্গং অমদগী অতোপ্পা অমদা নত্ত্রগা রাজ্য অমদগী অতোপ্পা রাজ্য অমদা হোংবগী খুদোংচাবা পোসন ত্রেক্করনা পীরে। মে ২০২২দগী হৌনা বেনিফিসরি লাখ ১ হেন্না মসিগী খুদোংচাবা ফংখ্রে।
য়ুনিয়ন মিনিস্তরনা হায়খি অনৌবা চৎন-কাংলোন অসিনা মচি ওইনা চীঞ্জাক ৱাৎপা থেংননবা হৌজিক পায়খৎলিবা থবকশিং মপাঙ্গল কনখৎহল্লগনি হায়না পেদিয়াত্রিসিয়ানশিং অমসুং অখঙ-অহৈশিংনা থাগৎলি। পোসন মাহ ২০২৩দা মীয়াম শরুক য়াবা থৌরম করোর ৩৫ হেন্না পাংথোকখ্রে। মার্চ ২০২৩দা পোসন পাখৱারাদা মিল্লেত্তা য়ুম্ফম ওইবা মথেলশিং মমিং চৎহন্নবা অমসুং মিল্লেত শীজিন্নবা হেনগৎহন্নবা থবক করোর ১ হেন্না পাংথোকখ্রে। মসিগীদমক য়ুনিয়ন মিনিস্তরনা রাজ্যশিং/য়ু.তিশিংগী অঙ্গনৱাদি ৱার্করশিং অমসুং অশা ৱার্করশিং থাগৎপা ফোঙদোকখি।
*****
(Release ID: 1966798)
Visitor Counter : 83