وزارت خزانہ کے ، مالی خدمات کے محکمے (ڈی ایف ایس) اور اس کی تنظیموں نے 2 اکتوبر 2023 سے تیسری خصوصی مہم کے تحت  التوا کو کم سے کم کرنے اور سوچھتا کو ادارہ جاتی شکل دینے کے لئے سرگرمیاں شروع کیں۔

خزانے کے مرکزی وزیر مملکت ڈاکٹر بھاگوت کشن راؤ کراڑ نے 5اکتوبر 2023 کو مالی خدمات کے محکمے کا دورہ کیا، جس کا مقصد جاری تیسری خصوصی مہم کے حصے کے طورپر جاری بہت سے اقدامات کی پیش رفت کا جائزہ لینا تھا۔ ڈاکٹر کراڑ نے ڈی ایف ایس کے ریکارڈ روم کا بھی معائنہ کیا  اور افسران کو ہدایت دی کہ وہ اس مہم کے دوران ، ریکارڈ کے بندوبست کے موجودہ طریقہ کار کے مطابق ، ریکارڈز کی دیکھ بھال کریں۔

اس مہم کے دوران 10000سے زیادہ عوامی شکایات اور اپیلوں کو نمٹایا جائے گا۔ امید ہے کہ ڈی ایف ایس کی تنظیمیں ملک بھر میں کم سے کم 25000جگہوں پر صفائی ستھرائی مہم شروع کریں گی۔ مختلف تنظیموں نے اُن سرگرمیوں سے متعلق بینرز لگائے ہیں، جو وہ 2اکتوبر سے 31 اکتوبر 2023 کے دوران انجام دے رہی ہیں۔

ڈی ایف ایس کی سبھی تنظیمیں مختلف پلیٹ فارموں پر مہم کے بارے میں سوشل میڈیا پر لگاتار پوسٹیں ڈال رہی ہیں۔

*************

ش ح۔ ا س۔ن ع

U. No.10659

(Release ID: 1966594) Visitor Counter : 99