অয়ুশ, পোর্তস, শিপ্পিং অমসুং ৱাতরৱেজগী কেন্দ্র মন্ত্রী শ্রী সর্বনন্দ সোনোৱালনা ঙসি মাজুলীগী শ্রিরাম চাপোরিদা ফমুং 50 লৈবা অয়ুর্বেদিক হোস্পিতাল শঙ্গাখ্রে। হোস্পিতাল অসিনা রাজ্য অসিদা অয়ুশ হেল্থকেয়র সিস্তেম মখা তানা মপাঙ্গল কনখৎন্নবা পান্দম থম্লি।  

অনৌবা হোস্পিতাল অসিদা শালয়া (জেনরেল সর্জরী), প্রস্তুতি তন্ত্রা & স্ত্রী রোগা নত্রগা পি.তি.এস.আর. (ওবস্তেত্রিক্স & গাইনিকোলোজী), পঞ্চকর্মা লোয়ননা কায়াচিকিৎসা (জেনরেল মেদিসিন)গীদমক স্পেসিয়েলাইজ ও.পি.দি. সর্বিসশিং লৈরি। মসিদসু নত্তনা মোদর্ন লেবোরেতরী অমা, পঞ্চকর্ম & কশারুসুত্র থেরাপী সেৎ অপশিং, য়োগা য়ুনিৎ অমা, এনোরেক্তেল ক্লিনিক, ইনফর্তিলিতী ক্লিনিক, জেরিয়েত্রিক & রেজুবেনেতিব ক্লিনিক, রুমেতোলোজী ক্লিনিক, লাইফস্তাইল দিসওরদর্সকা লোয়ননা স্কিন & কোস্মেতিক ক্লিনিকসু নৌনা হাংদোক্লবা হোস্পিতাল অসিদা ফংলি। ও.পি.দি. সেক্সনদা অমুক্তদা পেসেন্ত 50 লায়েংগনি।

থৌরম অদুদা ৱা ঙাংলদুনা শ্রী সর্বনন্দ সোনোৱালনা হায়খি, “মাজুলীদা রিজন অসিদা অয়ুশ হেল্থকেয়রগীদমক হব অমা ওইরক্নবা অচৌবা পোতেন্সিয়েল লৈরি। মসিগী ইনাক খুল্লবা ফ্লোরা অমসুং হেরিতেজগা লোয়ননা ঐখোয়গী ফজরবা মাজুলীদা হেল্থকেয়র হব অমা ওইরক্নবা তোপ-তোপ্পা এবিলিতী লৈ। মসিগী অয়ুর্বেদিক হোস্পিতাল অসি মফম অসিগী মীয়ামদা ত্রিৎমেন্ত পীবগা লোয়ননা মাজুলীবু রিজন অসিগী অয়ুশ কেন্দ্র ওইহনবদা প্রধান মন্ত্রী নরেন্দ্র মোদী জীনা মংলিবা ‘স্বস্থ ভারত’কী মাংলানবু মংফাওনহনবদা মরুওইবা থৌদাং লৌবা য়াই।”

কেন্দ্র মন্ত্রীনা মসিমসু লাউথোকখি মদুদি অসামদা অনৌবা অয়ুশ হোস্পিতাল 6 লিংখৎনবা থৌরাং তৌরি। মদুগী মরক্তা কালিয়াবোর, মোরিগাও, কোক্রাঝার অমসুং বক্সাদা ফমুং 50 লৈবা হোস্পিতাল মরি শাগনি অদুগা দিফুদা ফমুং 30 লৈবা হোস্পিতাল অমা শাগনি অমসুং বাজালিদা ফমুং 10 লৈবা হোস্পিতাল অমা শাগনি। মসিদসু নত্তনা কেন্দ্রগী অয়ুশ মন্ত্রীনা রাজ্য অসিদা অয়ুশ হেল্থ & ৱেলনেস সেন্তর 289 মথৌ তৌহনবদসু থাজবা পীখি, অদুগা অয়ুশ হেল্থ & ৱেলনেস সেন্তর 200 হেন্না অথুবদা অসামদা মথৌ তৌরগনি। সোনোৱালনা মসিমসু লাউথোকখি মদুদি অসামগী জিলা পুম্নমক্তা অয়ুশ দিস্পেন্সারী 100 লিংখৎলগনি।

থৌরম অসিদা অসাম সরকারগী হেল্থ অমসুং ফেমিলী ৱেলফেয়র মন্ত্রী শ্রী কেশব মহন্তা, জোরহাতকী এম.পি. (লোক সভা) শ্রী তপোন কুমার গোগোই, লখিমপুরগী এম.পি. (লোক সভা) শ্রী প্রদান বরুৱা, এম.এল.এ. (মাজুলী) ভুবন গাম অমসুং ভারত সরকার অমসুং রাজ্য সরকারগী অয়ুশ মন্ত্রালয়গী মকোকথোংবা ওফিসিয়েলশিংসু শরুক য়াখি।

***

(Release ID: 1966440) Visitor Counter : 79