ওক্তোবর ১০,২০২৩দা নিউ দিল্লিদা বিগ্যান ভাবন্দা ‘অঙাংশিং মচি ওইবা চীঞ্জাক ৱাৎপা ফহন্নবা প্রোতোগোল’ হৌদোকপগী জাতি থাক্কী থৌরম পাংথোক্কনি। থৌরম অসিদা হেল্থ অমসুং ফেমিলি ৱেলিফিয়ারগী য়ুনিয়ন মিনিস্তর শ্রীমতি স্মৃতি জুবিন ইরানি, ৱুমেন অমসুং চাইল্দ দিবলপমেন্ত অমসুং আইয়ুসকী রাজ্য মন্ত্রী দোক্তর মুঞ্জাপারা মহেন্দ্রভাই অমসুং হেল্থ অমসুং ফেমিলি ৱেলিফিয়ার মিনিস্ত্রিগী সেক্রেতরিশিং শরুক য়াখি।

থৌরম অসিদা লৈবাক শীনবা থুংনা লৈরিবা ৱুমেন অমসুং চাইল্দ দিবলপমেন্ত অমসুং হেল্থ দিপার্তমেন্তশিংগী সেনিয়র ওফিসারশিং শরুক য়াগনি। য়ুনিসেফ, ইন্দিয়ান মেদিকেল এসোসিএসন, ইন্তরনেসনেল পেদিয়াত্রিক এসোসিএসন, ইন্দিয়ান একাদেমি ওফ পেদিয়াত্রিক্স, ৱাল্দ হেল্থ ওর্গনাইজেসন, ৱার্ল্দ বেঙ্ক অমসুং বিল এন্দ মেলিন্দা গেতস ফাউন্দেসন শরুক য়াগনি।

থৌরম অসিদা লৈবাক শীনবা থুংবগী সি.দি.পি.ওশিং, লেদি সুপরভাইজরশিং, অঙ্গনৱাদি অমসুং অশা ৱার্করশিং শরুক য়াগনি। থৌরম মনুংদা তোঙান-তোঙানবা রাজ্যশিংগী অঙ্গনৱাদি অমসুং অশা ৱার্করশিংনা অঙাংশিং মচি ওইবা চীঞ্জাক ৱাৎপগী খুদোংচাদবা থেংনরিবা অসি কোকহন্নবা কৎথোকপগা লোয়ননা থবক কয়া পায়খৎলি।

মচি ওইবা চীঞ্জাক ৱাৎপা হায়বসি অপুনবা ওইনা থেংনবা দরকার ওইবা অরুবা থবক অমনি। পান্দম অসিগী মখাদা, অপাম্বা ফলশিং ফংনবা অপুনবা থবকশিং পায়খৎপা দরকার ওইরি। সকশম অঙ্গনৱাদি অমসুং মিসন পোসন ২.০গী মখাদা মরী লৈনবা লাইন মিনিস্ত্রিশিং/দিপার্তমেন্তশিংগা লোয়ননা মচি ওইবা চীঞ্জাক ৱাৎপা থেংননবা থৌরাং অমা পায়খৎলে।

মচি ওইবা চীঞ্জাক ৱাৎপা অঙাং মশক খঙদোকপা অমসুং মখোয় লায়য়েংবা হায়বসি মিসন পোসন ২.০গী মরুওইবা থবক অমনি। মীয়ামগা লোয়ননা অঙ্গনৱাদি সেন্তরশিংদা মচি ওইবা চীঞ্জাক ৱাৎপা অঙাংশিং মশক খঙদোকপা অমসুং লায়য়েংবা পাংথোক্কনি অমসুং মখোয় মেদিকেলগী মতেং পীনবা নিউত্রিসনেল রিহেবিলিতেসন সেন্তরশিংদা থাগনি।

সেভিয়র একুত মালনিউত্রিসন(সাম) মায়োক্নরিবা অঙাংশিং লায়য়েংবা হায়বসি খুদোংচাবশিং ফংবা মফমদা পাংথোক্কদবনি। হিরম অসিদা অহানবা ওইনা, হেল্থ অমসুং ফেমিলি ৱেলিফিয়ার মিনিস্ত্রিগী পাউতাকশিংগা লোয়ননা এম.দব্লিউ.সি.দিনা অহানবা ওইনা দ্রাফ তৌরিবা নেসনেল প্রোতোগোল অসিনা মচি ওইবা চীঞ্জাক ৱাৎপা অঙাংশিং মশক খঙদোকপা অমসুং ফহন্নবগী অকুপ্পা থবকশিং তাক্লি। 

****