ঙসি নই দিল্লীদা পাংথোকপা 10শুবা “ভারত স্বিদেন ইন্নোভেসন নুমিৎ”তা ৱাঙাঙবদা, সাইন্স অমসুং তেক্নোলোজী (ইন্দিপেন্দেন্ত চার্জ), এম.ও.এস. পি.এম.ও., পর্সোন্নেল, পব্লিক গ্রাইভেন্স অমসুং পেন্সন, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী, দাঃ জিতেন্দ্র সিংহনা নেত জিরোগী ফ্যুচরগী মাইকৈদা চঙশিল্লিবা অসিদা হৌজিক্কী ওইবা পান্দমশিং ফংনবগীদমক্তা খোঙফম চেৎপগা লোয়ননা মালেমগী শিংনবা কয়া নীংথিনা মাইয়োক্নবা ঙম্নবগীদমক্তা ভারত-স্বিদেন মরী মপাঙ্গল হেন্না কনখৎহনসি হায়বগী ৱাফম থম্লি।

দাঃ জিতেন্দ্র সিংহনা ভারত সরকারগী মহুৎ শিন্দুনা ৱা ঙাঙলদুনা নাকল অনিমক্কী কম্পেনীশিংবু তেংবাংমিন্নবা রিসর্চ পাংথোকহন্নবা অমসুং হ্যুমেন রিসোর্স লান্ননবা পুক্নিং থৌগৎফম থোকই হায়না ফোংদোকখ্রে।

হন্দক্কী চহিদা স্বিদেনগী কম্পেনী মাপন্না ভারত স্বিদেন ইন্নোভেসন এক্সেলরেতরগী মখাদা গ্রীন তেক্নোলোজীগী লমদা এক্সপোর্ত অমসুং ইনভেস্তমেন্ত তৌবগী ওইথোকপা হেনগৎহনবগী পান্দমগা লোয়ননা ভারত্তা লাকখি অমসুং থৌওং অসিনা সেক্তর অসিদা ভারত অমসুং স্বিদেনগী মরীবু হেন্না চেৎশিলহনখি হায়না দাঃ জিতেন্দ্র সিংহনা হায়খি।

ইং 2023দা লৈবাক অনিমক্না মখোয়গী দিপ্লোমেতিক মরীগী 75শুবা কুমওন অমসুং সস্তেনেবল ফ্যুচর অমগীদমক্তা ইনোভেসন পার্ত্নরশিপকী জোইন্ত দিক্লারেসনগী মঙাশুবা কুমওন পাংথোক্লিবনি হায়না মন্ত্রীনা পনখি। মসিনা 10শুবা ভারত স্বিদেন ইন্নোভেসন নুমিৎকী লমজিংবা থীম অমা ওইনা থৌ পুরিবা অসিনা মরম ওইরগা য়াম্না মরু ওইবা পুঙফম অমসু ওইরি হায়না মহাক্না মখা তাখি।

মসিগুম্বা মশক থোক্লবা থৌরম অসিনা নেত জিরোগী ফ্যুচর অমগী পান্দমগা লোয়ননা ঐখোয়না নীংথিজনা হৈ-শিংবা হীরমগী কান্নবা মপুং ফানা লৌবা অমসুং অকোয়বগী ফিভমগা চুনবা সস্তেনেবল ওইবা গ্রোথ লৌনবা থৌরাং য়াৎপদা অহেনবা মিৎয়েং চঙলি হায়না মন্ত্রীনা অমুক্কা হন্না পাউদমখি।

ইং 2022গী মে থাদা, প্রধান মন্ত্রী, শ্রী নরেন্দ্র মোদী অমসুং স্বিদেনগী প্রধান মন্ত্রী, শুকুমারী মেগদেলেনা এন্দর্সন্না পোলর অমসুং স্পেস রিসর্চ য়াওনা তোঙান-তোঙানবা দোমেনশিংদা তেংবাংনবা রিসর্চ অমসুং ইন্নোভেসন পাংথোকপবু খুমাং হেন্না চাউশিলহন্নবা খোঙফম চেৎপগী ৱাফম থম্মিন্নখিবনি হায়না দাঃ জিতেন্দ্র সিংহনা নীংশিংখি।

পার্ত্নরশিপ অসিনা স্মার্ত সিতী, ত্রান্সপোর্তেসন অমসুং ই-মোবিলিতী, ইনর্জী, ক্লীন তেক্নোলোজী, অনৌবা মেতরিএল, স্পেস, সর্ক্যুলর অমসুং বাইও-বেজ ইকোনোমী, অমদি হকশেল অমসুং লাইফ সাইন্স য়াওনা তোঙানবা হীরম কয়া কোল্লি হায়না মন্ত্রীনা হায়খি। ভারত স্বিদেন ইন্নোভেসন পার্ত্নরশিপ অসিনা ইন্সতিত্যুসন, R&D ইন্তেন্সিব ইন্দস্ত্রী অমসুং ক্রিএতিব ওন্তোপ্রিনরশিপ কয়াবু অমত্তা ওইনা শম্নদুনা UNগী সস্তেনেবল দিভেলপমেন্ত গোলশিংগী মতুং ইন্না মালেমগী শিংনবশিং মাইয়োক্নবগী পান্দমসু থম্লি হায়না মহাক্না মখা তাখি।

ভারত সরকারগী সাইন্স অমসুং তেক্নোলোজী বিভাগনা স্বিদিশ গবর্নমেন্ত এজেন্সী ফোর ইন্নোভেসন সীস্তেম (VINNOVA)গা খুৎশম্নদুনা ভারত স্বিদেন কোল্লাবোরেতিব ইন্দস্ত্রীএল রিসর্চ অমসুং দিভেলপমেন্তকী খোল্লাও অমা হন্দক্তসু থমখ্রবনি হায়না দাঃ জিতেন্দ্র সিংহনা হায়খি। মহাক্না হায়খিবদা, খোঙথাং অসিনা চাংয়েংনবগী ইথিলবু হেন্না খুমাং চাউশিনহল্লিবা অমসুং ক্লাইমেত চেঞ্জ অমসুং ইন্নোভেতিব ওইবা ৱারোইশিনগী খুত্থাংদা সস্তেনেবল দিভেলপমেন্ত তৌবগুম্বা মালেমগী হৌজিক হৌজিক্কী শিংনবা মাইয়োক্নরিবা ভারত স্বিদেন ইন্নোভেসন পার্ত্নরশিপ অসিগী হেন্না পাক চাওবা শরুক অমসু ওইরিবনি।

সর্ক্যুলর ইকোনোমীগী মনুংদা ৱাহৌদোক কয়া থম্বগী ভারত-স্বিদেন জোইন্ত কোল অমসু লৈবাক অনিনা মমাংগী চহিমক্তদা লাউথোকখিবনি হায়না দাঃ জিতেন্দ্র সিংহনা হায়খি। জোইন্ত প্রোগ্রাম অসি ভারত অমসুং স্বিদেনগী ফন্দিং এজেন্সী 9না পুন্না শেল থাদমিন্নবনি অমসুং ৱাহৌদোক অসিগী মখাদা পুন্না মরু ওইবা প্রোজেক্ত 3 কোল্লি।

মেমোরেন্দম ওফ কোওপরেসন (MoC) অমা মার্চ 13, 2023দা হৌনবী মতুং ইন্না থাংৎখি, মসিনা সাইন্স অমসুং ইঞ্জিনিয়রিং রিসর্চ বোর্দ (SERB), সাইন্স অমসুং তেক্নোলোজী বিভাগ অমসুং স্বিদিশ ফাউন্দেসন ফোর ইন্তর্নেস্নেল কোওপরেসন ইন রিসর্চ অমসুং হাইয়র এজুকেসন (STINT)গী মরক্তা পার্ত্নরশিপ অমা শেমখি। তেংবাংনবগী থৌওং অসিনা ভারত অমসুং স্বিদেনগী একাদমিক ইন্সতিত্যুসনশিংগী মরক্তা রিসর্চ কন্নেক্সন লৈহনগনি, কোওপরেসন হেনগৎহনগনি অমসুং লোয়ন-লোয়ননা, সেমিনার, ৱর্কশোপ অমসুং কনফরেন্স পাংথোকপদা তেংবাংদুনা লৌশিং লান্নবা অমসুং রিসর্চ খুমাং চাউশিলহনবদা হেন্না খুমাং চাউশিলহনগনি।

দাঃ জিতেন্দ্র সিংহনা স্বিদেন সরকারগী ইনফ্রাস্ত্রকচর মন্ত্রী, শ্রী এন্দ্রিএস কার্লসনবু 10শুবা ভারত স্বিদেন ইন্নোভেসন নুমিৎকী 10শুবা তাঙ্কক্তা শরুক য়াবগীদমক্তা থাগৎপা ফোংদোকখি অমসুং ভারতনা বাইলেতরেল মরী অসিবু, মরু ওইনা, সাইন্স অমসুং তেক্নোলোজীগী লমদা হেন্না ফগৎহন্নবা অমসুং ঐখোয়গী ইন্নোভেসন ইকোসীস্তেম্বু হেন্না চাউখৎহন্নবা শেম শাদুনা লৈরি হায়না ফোংদোকখি।

ঐখোয়গী মরক্তা চপ মান্নবা ভেল্যু লৈবা অমসুং কাঙলোন চুম্বা ত্রেদ অমসুং গ্লোবেলাইজেসন্দা খোঙফম চেৎনরিবা অসিনা মরম ওইরগা বাইলেতরেল দিপ্লোমেতিক মরী অসি য়াম্না ফগৎপনি হায়বা ৱাফম থমদুনা মন্ত্রীনা মহাক্কী ৱারোল লোইশীনখি। ইন্নোভেসন কোপরেসন অসিনা ঐখোয়গী বাইলেতরেল মরীগী খ্বাইদগী খোঙেজল য়াঙনা পাকথোক চাউথোক্লিবা থৌওং ওইবসিদা মহাক্না নুংঙাইবা ফাওই হায়না মহাক্না মখা তাখি।

ভারতকীদমক্তা লৈরিবা স্বিদেনগী এম্বেসেদর, শ্রী য়ান থেসলেফ, স্বিদেনগীদমক্তা লৈরিবা ভারতকী এম্বেসেদর, শ্রী তনময়া লাল; স্বিদেন ইন্দিয়া ব্যুজিনেস কাউন্সিলগী প্রসিদেন্ত, শ্রী রোবিন সুখিয়া অমসুং ইন্দিয়া অনলিমিতেদকী CEO, শ্রী সঞ্জু মলহোত্রানা থৌরম অসিদা মশাগী ৱারোলসু থম্নখি।

***