హైటెక్ వైద్య పరికరాల కోసం ప్రపంచవ్యాప్తంగా ఉన్న పోటీ మధ్య, భారతదేశం ప్రపంచంలోని టాప్ 5 హెల్త్ కేర్ తయారీదారులలో ఒకటిగా అవతరించిందని, అది కూడా చాలా తక్కువ ఖర్చుతో అని కేంద్ర మంత్రి డాక్టర్ జితేంద్ర సింగ్ అన్నారు. ప్రాణాలను కాపాడే హైరిస్క్ వైద్య పరికరాలను భారత్ తయారు చేస్తోందని, అయితే ఖర్చు మిగతా వాటి కంటే తక్కువే నని  ఆయన అన్నారు.

కన్సార్షియం ఆఫ్ అక్రిడేటెడ్ హెల్త్ కేర్ ఆర్గనైజేషన్స్ (సి ఎ హెచ్ ఒ) ఢిల్లీలో నిర్వహించిన 8వ కాహోటెక్, వార్షిక అంతర్జాతీయ హెల్త్ కేర్ టెక్నాలజీ కాన్ఫరెన్స్ లో మంత్రి ప్రారంభోపన్యాసం చేశారు.

వైద్య పరికరాల(మెడికల్ డివైజెస్)  ను దేశంలోని పురోగామి (సన్ రైజ్) రంగాలలో  ఒకటిగా పరిగణిస్తున్నామని, ప్రధాన మంత్రి శ్రీ నరేంద్ర మోదీ.నాయకత్వంలోని ప్రభుత్వం భారతదేశాన్ని దాని ఉత్పాదక కేంద్రంగా మార్చడానికి సాధ్యమైన అన్ని చర్యలు తీసుకుంటోందని డాక్టర్ జితేంద్ర సింగ్ అన్నారు.

‘ప్రస్తుతం ఉన్న 11 బిలియన్ డాలర్ల (సుమారు రూ.90,000 కోట్లు) మార్కెట్ పరిమాణం 2050 నాటికి 50 బిలియన్ డాలర్లకు పెరుగుతుందన్న అంచనా తో భారతదేశం వైద్య సాంకేతిక పరిజ్ఞానం, పరికరాల గ్లోబల్ హబ్ గా మారనుందని’ ఆయన చెప్పారు.

1.5 శాతంగా ఉన్న మార్కెట్ వాటా వచ్చే 25 ఏళ్లలో 10-12 శాతానికి పెరుగుతుందని ఆశాభావం వ్యక్తం చేశారు.

వైద్య పరికరాలను మోదీ ప్రభుత్వం ప్రాధాన్య రంగంగా గుర్తించిందని, దేశీయంగా తయారీ పర్యావరణ వ్యవస్థను బలోపేతం చేయడానికి కట్టుబడి ఉందని డాక్టర్ జితేంద్ర సింగ్ తెలిపారు.

‘నేషనల్ మెడికల్ డివైజ్ పాలసీ 2023, ఎక్స్ పోర్ట్ ప్రమోషన్ కౌన్సిల్ ఫర్ మెడికల్ డివైజెస్ ఏర్పాటు భారతదేశాన్ని వైద్య పరికరాల తయారీ కేంద్రంగా మార్చడమే లక్ష్యంగా పెట్టుకున్నాయి. దీనితో పాటు, గ్రీన్ ఫీల్డ్ , బ్రౌన్ ఫీల్డ్ సెటప్ లకు ఆటోమేటిక్ రూట్ కింద 100 శాతం ఎఫ్ డి ఐలు, 'ప్రమోషన్ ఆఫ్ మెడికల్ డివైజెస్ పార్క్స్ ' పథకం పరిశోధన, తయారీని ఉత్తేజపరిచేందుకు దోహదపడతాయి. ప్రొడక్షన్ లింక్డ్ ఇన్సెంటివ్ (పీఎల్ఐ) పథకం వల్ల గతంలో విదేశాల నుంచి దిగుమతి చేసుకున్న 43 క్రిటికల్ యాక్టివ్ ఫార్మాస్యూటికల్ ఇంగ్రీడియెంట్స్ (ఏపీఐ)లను దేశంలోనే ఉత్పత్తి చేయగలిగాం’ అన్నారు.

హిమాచల్ ప్రదేశ్, మధ్యప్రదేశ్, తమిళనాడు, ఉత్తరప్రదేశ్ రాష్ట్రాల్లో 4 మెడికల్ డివైజెస్ పార్కుల ఏర్పాటుకు కేంద్ర ప్రభుత్వం సహకరిస్తోంది. వైద్య పరికరాల కోసం  పిఎల్ ఐ పథకం కింద, ఇప్పటివరకు, రూ.1,206 కోట్ల పెట్టుబడితో మొత్తం 26 ప్రాజెక్టులకు ఆమోదం లభించింది.  వీటిలో ఇప్పటివరకు రూ.714 కోట్ల పెట్టుబడిని సాధించామని చెప్పారు. మొత్తం 26 ప్రాజెక్టుల్లో 37 ఉత్పత్తులను ఉత్పత్తి చేసే 14 ప్రాజెక్టులు ప్రారంభించారు.  లీనియర్ యాక్సిలరేటర్, ఎంఆర్ఐ స్కాన్, సిటి-స్కాన్, మామోగ్రామ్, సి-ఆర్మ్, ఎంఆర్ఐ కాయిల్స్, హై ఎండ్ ఎక్స్-రే ట్యూబులు మొదలైన హై-ఎండ్ వైద్య పరికరాల దేశీయ తయారీ ప్రారంభమైంది.

తిరువనంతపురంలోని శ్రీచిత్ర తిరునాళ్ ఇనిస్టిట్యూట్ ఆఫ్ మెడికల్ సైన్సెస్ అండ్ టెక్నాలజీ అభివృద్ధి చేసిన కృత్రిమ గుండె వాల్వ్, హైడ్రోసెఫాలస్ షంట్, ఆక్సిజనేటర్, డ్రగ్ ఎలూటింగ్ ఇంట్రా గర్భాశయ పరికరం వంటి సాంకేతిక పరిజ్ఞానాన్ని అమెరికా, జపాన్, బ్రెజిల్, చైనాలో మాత్రమే తయారు చేస్తున్నారని డాక్టర్ జితేంద్ర సింగ్ తెలిపారు.

“దేశీయంగా తయారైన ప్రపంచ స్థాయి వైద్య పరికరాలు దిగుమతి చేసుకున్న వాటి ధరలో నాలుగింట ఒక వంతు నుంచి మూడింట ఒక వంతు ధరకు భారతీయ రోగులకు అందుబాటులో ఉన్నాయి. వైద్య పరికరాలు, వైద్య నిర్వహణలో స్వయం సమృద్ధి సాధించాలన్న ప్రధాని మోదీ ఆత్మనిర్భర్ దార్శనికతను ఇది ప్రతిబింబిస్తుంది”అన్నారు. 

వాణిజ్య ఉపయోగం కోసం పిలానీలోని సిఎస్ఐఆర్-సిఇఇఆర్ఐ (సెంట్రల్ ఎలక్ట్రానిక్స్ ఇంజనీరింగ్ రీసెర్చ్ ఇన్స్టిట్యూట్) అభివృద్ధి చేసిన హై పవర్డ్ మాగ్నెట్రాన్ 2 మిల్లీమీటర్ల వ్యాసం కలిగిన మెదడు కణితిని కూడా చాలా తక్కువ దుష్ప్రభావాలతో ఖచ్చితమైన రేడియేషన్ తో చికిత్స చేయడానికి ఆంకాలజిస్టులకు మార్గదర్శక సాంకేతికత అని డాక్టర్ జితేంద్ర సింగ్ చెప్పారు.

డాక్టర్ జితేంద్ర సింగ్ 2023 ఆగస్టు 1 న భారతదేశంలో మొట్టమొదటి దేశీయంగా అభివృద్ధి చేసిన, సరసమైన, తేలికపాటి, అల్ట్రాఫాస్ట్, హై ఫీల్డ్ (1.5 టెస్లా), నెక్ట్స్ జనరేషన్ మాగ్నెటిక్ రెసొనెన్స్ ఇమేజింగ్ (ఎంఆర్ఐ) స్కానర్ ను న్యూఢిల్లీలో ప్రారంభించారు.

“స్వదేశీ ఎంఆర్ఐ స్కానర్ తో సామాన్యులకు ఎంఆర్ఐ స్కానింగ్ ఖర్చు గణనీయంగా తగ్గుతుందని, తద్వారా అధిక ధర కలిగిన ఎంఆర్ఐ స్కాన్ లకు విస్తృత ప్రాప్యత లభిస్తుంది. అంతేకాకుండా అంతర్జాతీయ మార్కెట్ నుంచి ఎంఆర్ ఐ స్కానర్ల కొనుగోలు మూలధన పెట్టుబడి గణనీయంగా తగ్గుతుంది. దీనివల్ల చాలా విదేశీ మారకద్రవ్యం ఆదా అవుతుంది” అన్నారు. 

"ప్రపంచ జనాభాలో దాదాపు 70% మందికి ఎంఆర్ఐ నిర్ధారణ పద్ధతికి ప్రాప్యత లేదు. కారణం అధిక మూలధన వ్యయాలు, ఇది భారతదేశం వంటి అభివృద్ధి చెందుతున్న దేశాలలో సమస్య. ప్రస్తుతం వార్షికంగా 350 యంత్రాల కంటే తక్కువ డిమాండ్ ఉంది. అయితే ప్రతిష్టాత్మక ఆయుష్మాన్ భారత్ కార్యక్రమంతో సహా ఆరోగ్య సంరక్షణ ప్రాప్యత ,  సమ్మిళితతను మెరుగుపరచడానికి ప్రభుత్వం చేపట్టిన అనేక కార్యక్రమాల కారణంగా, వార్షిక డిమాండ్ 2030 నాటికి రెట్టింపు అవుతుంది” అని ఆయన అన్నారు.

ఇప్పటికే అందుబాటులో ఉన్న యంత్రాలతో పోలిస్తే చౌకగా దేశీయంగా అభివృద్ధి చేసిన మొట్టమొదటి ఎంఆర్ఐ స్కానర్ ను అందుబాటులోకి తీసుకురావడం ద్వారా భారతదేశం ఈ అనేక సమస్యలను పరిష్కరిస్తుందని మంత్రి అన్నారు. సహేతుకమైన,  నమ్మదగిన మెడికల్ ఇమేజింగ్ పరిష్కారాలను పొందడంలో సహాయపడటానికి గ్లోబల్ సౌత్ లోని ఇతర దేశాలతో ఈ విజయాన్ని పంచుకునే అవకాశాన్ని కూడా ఇది అందిస్తుంది.

బెంగళూరులోని పనాసియా మెడికల్ టెక్నాలజీస్ ప్రైవేట్ లిమిటెడ్ టెక్నాలజీ డెవలప్మెంట్ బోర్డ్ (టిడిబి) సహకారంతో, 3డిసిఆర్టి, విఎంఎటి, ఐఎంఆర్ టి , ఎస్ బి ఆర్ టి ,  ఎస్ఆర్ఎస్ వంటి చికిత్సా విధానాలను నిర్వహించగల భారతదేశపు మొట్టమొదటి అత్యంత అధునాతన ,  వినూత్న ఎస్ బి ఆర్ టి ఎనేబుల్డ్ లీనియర్ యాక్సిలరేటర్ (లినాక్) ను సిద్ధార్థ్ 11 గత సంవత్సరం ప్రారంభించిందని డాక్టర్ జితేంద్ర సింగ్ తెలిపారు. రెండు గ్లోబల్ దిగ్గజాలు యు కె, జపాన్ తర్వాత మార్కెట్లోకి సిద్ధంగా ఉన్న మూడో బ్రాండ్ ఇదేనని ఆయన చెప్పారు.

'మేడ్ ఫర్ ది వరల్డ్'తో 'మేక్ ఇన్ ఇండియా' అనే మోదీ ప్రభుత్వ మంత్రానికి అనుగుణంగా, ఈ యంత్రాన్ని ప్రపంచంలోని అనేక దేశాలకు ఎగుమతి చేయవచ్చు, దీనికి కంపెనీ ఇప్పటికే యుఎస్ ఎఫ్ డి ఎ ఆమోదం  పొందింది.

డ్రగ్స్, మెడికల్ డివైజెస్ అండ్ కాస్మోటిక్స్ బిల్లు 2023 తాజా ముసాయిదాను ప్రభుత్వం పంపిణీ చేసిందని, ఇది నోటిఫికేషన్ ద్వారా ఏదైనా మందుల ఆన్ లైన్ అమ్మకాలు లేదా పంపిణీని నియంత్రించడానికి, పరిమితం చేయడానికి లేదా నిషేధించడానికి ప్రభుత్వాన్ని అనుమతించే నిబంధనను కలిగి ఉందని ఎస్ అండ్ టి మంత్రి తెలిపారు.

40 ఏళ్ల లోపు జనాభా 70% ఉన్న దేశంలో, నేటి యువత India@2047 ప్రధాన పౌరులు కాబోతున్నారని, నివారణ ఆరోగ్య సంరక్షణ, విస్తృతమైన సామూహిక స్క్రీనింగ్ - మన ఆర్థిక వ్యవస్థకు ప్రధాని మోదీ నిర్దేశించిన వృద్ధి రేటును సాధించడంలో సహాయపడతాయని ఆయన అన్నారు.                    

****