عزت مآب وزیر اعظم جناب نریندر مودی کی اپیل پر شروع کی گئی صفائی کی پہل کے تحت چھوٹی ، بہت چھوٹی اور درمیانہ صنعتوں (ایم ایس ایم ای ) کے مرکزی وزیرجناب نارائن رانے کھادی اینڈ ولیج انڈسٹری کمیشن (کے وی آئی سی) کے ذریعہ ممبئی کے جوہو بیچ پر شروع کی گئی شرمدان، صفائی مہم میں شامل ہوئے ۔

اس موقع پر شرکا سے خطاب کرتے ہوئے جناب رانے نے کہا کہ صفائی کی اہمیت پر مہاتما گاندھی کی تعلیمات سے ہم آہنگ اس مہم کا مقصد صاف اور صحت مند ماحول کو برقرار رکھنے کے لیے شہری فرض کے احساس کی ترغیب دینا ہے۔

مہاتما گاندھی  کے قول ، "صفائی سیاسی آزادی سے زیادہ اہم ہے،" کا حوالہ دیتے ہوئے ، مرکزی وزیر نے صفائی کی اہمیت پر زور دیا۔ 2014 میں 'سوچھ بھارت ابھیان' کے آغاز کے دوران وزیر اعظم جناب نریندر مودی کے الفاظ کو دہراتے ہوئے، وزیرموصوف نے  کہا کہ گندگی اور کھلے میں رفع حاجت سے نمٹنے کی ضرورت ہے اور انہوں نے پرانی عادات کو بدلنے اور صفائی کو ایک طرز زندگی کے طور پر اپنانے پر زور دیا۔

آج منعقد کی گئی شرمدان مہم کا مقصد ملک کو ایک بار پھر صفائی کی عوامی تحریک میں شامل کرنا ہے۔ کھادی اور دیہی صنعت کمیشن  (کے وی آئی سی) اس پہل میں سرگرمی سے حصہ لے رہا ہے، اسکولوں، کالجوں اور مقامی برادریوں میں صفائی کی خصوصی مہم اور مقابلوں کا انعقاد کر رہا ہے، جس میں 'شرمدان' کے موضوع پر زور دیا گیا ہے۔

جناب رانے نے کہا کہ کے وی آئی سی وزیر اعظم کی کال پر اس صفائی مہم میں بڑھ چڑھ کر حصہ لیتی ہے۔ انہوں نے مزید کہا کہ یہ صرف وزیراعظم کا فرض نہیں بلکہ معاشرے کے ہر فرد کی اجتماعی ذمہ داری ہے۔ جناب رانے نے کہا کہ صفائی محض ایک سرکاری پہل نہیں ہے، بلکہ ایک صحت مند اور خوشحال زندگی کے لیے ایک سماجی عہد ہے۔ مرکزی وزیر نے عوام کو متحد کرنے اور صاف ہندوستان کی سمت کام کرنے کے لیے ریلی نکال کر اختتام کیا۔

فلم اسٹار جناب سریش اوبرائے اور مقامی ایم ایل اے جناب امیت ساتم کے ساتھ جناب ونیت کمار، کے وی آئی سی کے چیف ایگزیکٹیو آفیسر اور جناب پنکج بودھکے اور کے وی آئی سی کے افسران اور بڑی تعداد میں اسکولی طلباء اور مقامی باشندوں نے اس صفائی مہم میں حصہ لیا۔ واضح رہے کہ کھادی اور گاؤں کی صنعت کمیشن اپنی مختلف اسکیموں اور پروگراموں کے ذریعہ غیر کاربن خارج کرنے والی کھادی اور گاؤں کی صنعت کی مصنوعات کی حوصلہ افزائی کرتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

10197

(रिलीज़ आईडी: 1962859) आगंतुक पटल : 122