جیویکا دیدیاں (خواتین کے ذاتی مدد گروپ) بہار میں سوچھتا ہی سیوا - 2023 کی قیادت کر رہی ہیں اور ’کچرے سے پاک بھارت‘ کے تھیم کو چلا رہی ہیں۔ سب سے زیادہ توجہ کمیونٹیز کو شرمدان اور صفائی کی سرگرمیوں کے لیے تعلیم دینا، حصہ لینا اور ان کی حوصلہ افزائی کرنا ہے۔ ریاست بہار میں مشترکہ جگہوں، بازاروں کے علاقوں، گلیوں، کچرے کے مقامات، دریائے گنگا کے کنارے، سیاحتی، تاریخی اور مذہبی مقامات کی صفائی کے لیے ایک بڑے پیمانے پر جن بھاگیداری زور پکڑ رہی ہے۔

جیویکا بہار میں ایک کمیونٹی پر مبنی تنظیم، ہے جس کے پاس تقریباً 10 لاکھ خواتین کے سیلف ہیلپ گروپ ہیں، 74 ہزار سے زیادہ گاؤں پر مبنی تنظیموں کا ایک بڑا نیٹ ورک ہے، اس طرح بہار میں سوچھتا ہی سیوا کے لیے تقریباً 1.24 کروڑ خواتین کو متحد کیا جاتا ہے۔ بیداری پیدا کرنے کے لیے دیہاتوں تک پہنچنے اور بڑے پیمانے پر صفائی کی سرگرمیاں شروع کرنے کے لیے خواتین کا ہاتھ ملانا ’ناری شکتی‘ کی حقیقی عکاسی ہے۔

ہر دن - ایک گاوں (ہر دن - ایک گاؤں) کے لیے ایک جامع منصوبہ تیار کیا گیا ہے جس میں ریاستی اور ضلعی سطح پر سرکاری افسران سمیت سماج کے تمام طبقوں کی فعال شرکت کا مشاہدہ کرنے کے لیے دن بھر منصوبہ بندی کی گئی ہے۔ ضلع مجسٹریٹ اپنی ٹیموں کے ساتھ فیلڈ میں صفائی مہم چلا رہے ہیں اور شرمدان (رضاکارانہ مزدوری) کر رہے ہیں۔ ضلع مجسٹریٹ بھاری شمولیت والے مقامات، مقامی بازاروں، اداروں، گلیوں وغیرہ پر صفائی کی سرگرمیاں شروع کر رہے ہیں۔ حکومت کی جانب سے جن سمواد کا انعقاد کیا جا رہا ہے تاکہ ’کچرے سے پاک ہندوستان‘ کے تھیم کو فروغ دیا جا سکے اور کمیونٹیوں کی صفائی کی ضروریات کو پورا کیا جا سکے۔ صفائی کے کارکنوں کو ان کے تعاون کے لئے مبارکباد دی جاتی ہے اور ان کی تندرستی کے لئے خصوصی صحت کیمپ منعقد کئے جا رہے ہیں۔

بچوں کو مکمل صفائی کا گیٹ وے بناتے ہوئے، اسکول کی سطح پر صفائی مہم چلائی جا رہی ہے اور اسکول کے بچوں کو حفظان صحت کی اہمیت سے آگاہ کیا جا رہا ہے۔ وہ اپنے خاندانوں اور محلوں میں او ڈی ایف پلس کے پیغامات پھیلانے کے لیے صفائی کے سفیر ہیں۔ اسکول میں تقریباً 30000 اسکول کی سرگرمیاں منعقد کی جاتی ہیں جس میں 65 لاکھ سے زیادہ بچوں تک رسائی حاصل ہوتی ہے۔ اس کے بعد گاؤں کی سطح پر نئے خاندانوں یا چھوڑے گئے افراد کے لیے انفرادی گھریلو لیٹرین فراہم کرنے کے لیے اجتماعی میٹنگیں ہوتی ہیں۔ اب تک 36000 انفرادی گھریلو بیت الخلاء تعمیر کیے جا چکے ہیں۔

جن سمواد یا عوامی نمائندوں، فیلڈ فنکشنز اور کمیونٹی کے بااثر لوگوں کے ساتھ آن سائٹ فیلڈ میٹنگز، جو سبھی گاؤں کو او ڈی ایف پلس بنانے کے لیے اکٹھے ہو رہے ہیں۔ گھرانوں اور کمیونٹی کی سطح پر مائع اور ٹھوس فضلہ کے انتظام کے لیے بیداری پیدا کرنے اور اقدامات کرنے کے لیے سوچھتا چوپال کا انعقاد کیا جا رہا ہے۔

ریاست،  12ریاستی اضلاع میں 266 گرام پنچایتوں پر محیط گنگا گھاٹوں کی صفائی کے لیے خصوصی مہم چلا رہی ہے۔ کمیونٹیز، نہرو یووا کیندر، صفائی کارکن، گنگا کے کنارے صفائی مہم کی قیادت کر رہے ہیں۔ ان مربوط کوششوں اورزندگی کے تمام شعبوں سے تعلق رکھنے والے تقریبا 5.80 کروڑ افراد کی شرکت کے ساتھ، ریاست، صفائی کو سب کا کاروبار بنا کر او ڈی ایف پلس کے اہداف کی طرف تیزی سے ترقی کرے گی۔

*****

U.No.10163

(ش ح - اع - ر ا)   

(Release ID: 1962572) Visitor Counter : 107