ٹیکسٹائلز کی وزارت نے میڈیکل ٹیکسٹائلز کی 06 مصنوعات اور ایگرو ٹیکسٹائل کی 20 مصنوعات کے لیے 02 کوالٹی کنٹرول آرڈرز (کیو سی اوز) کے اجراء کا اعلان کیا اور تجارت اور صنعت کی وزارت کے  ڈی پی آئی آئی ٹی، کے مطابق مرحلہ-II میں، متعلقہ فریقوں کی مشاورت، قانونی جانچ سمیت تکنیکی ضوابط کے نوٹیفکیشن کے لیے مناسب عمل کے بعد یہ اجرا عمل میں آئے گا۔

میڈیکل ٹیکسٹائل کیو سی او میں صحت کی دیکھ بھال اور حفظان صحت کے لیے ضروری مصنوعات کی ایک رینج  شامل ہے۔ اس کیو سی او کے تحت آنے والی مصنوعات میں سینیٹری نیپکن، میڈیکل ٹیکسٹائل - جوتوں کے کور، میڈیکل ٹیکسٹائل - ڈینٹل بب/نیپکنز، ڈسپوزایبل بیبی ڈائپر، دوبارہ استعمال کے قابل سینیٹری پیڈ/ سینیٹری نیپکن/ ماہواری کے دوران استعمال کی جانے والی پینٹیز اور میڈیکل ٹیکسٹائل - بیڈ شیٹ اور تکیے کے غلاف  شامل ہیں۔

قابل ذکر بات یہ ہے کہ، ٹیکسٹائل کی وزارت نے ان سیلف ہیلپ گروپس یعنی خود اپنی مدد کرنے والے گروپوں (ایس جی اوز)کو میڈی ٹیک کیو سی اوز سے مستثنیٰ قرار دیا ہے، جو ضروری مصنوعات یعنی سینیٹری نیپکنز، بیبی ڈائپرز، اور دوبارہ قابل استعمال سینیٹری پیڈ/سینیٹری نیپکن/ ماہواری کے دوران استعمال کی جانے والی پینٹیز کے لیے چھوٹے پیمانے پر پیداوار کو فروغ دیتے ہیں۔

اس کے علاوہ ، سینیٹری نیپکنز، بیبی ڈائپرز، اور دوبارہ قابل استعمال سینیٹری پیڈ/سینیٹری نیپکن/ ماہواری کے دوران استعمال کی جانے والی پینٹیز بنانے والی بہت چھوٹی اور چھوٹی صنعت (ایس ایم ای) کے لیے، میڈیکل ٹیکسٹائل کیو سی او یکم  اکتوبر 2024 کو نافذ ہو جائے گا اور انہیں کیو سی اوکی تعمیل  سے متعلق مطابقت کے لیے کافی وقت فراہم کرے گا۔  میڈیکل ٹیکسٹائل کی دیگر اشیاء اور عام صنعت کے لیے، یہ میڈیکل ٹیکسٹائل کیو سی او یکم  اپریل 2024 سے نافذ العمل ہوگا۔

ان کیو سی اوز میں بیان کردہ مطابقت سے متعلق معائنہ کی ضروریات گھریلو مینوفیکچررز کے ساتھ ساتھ ان غیر ملکی مینوفیکچررز پر بھی یکساں طور پر لاگو ہوتی ہیں جو اپنی مصنوعات بھارت کو برآمد کرنا چاہتے ہیں۔ ہندوستانی حکومت کی رائے ہے کہ زرعی ٹیکسٹائل اور میڈیکل ٹیکسٹائل کے معیار اور کوالٹی میں اضافہ کرنے کے لیے عوامی مفاد میں ایسا کرنا ضروری ہے۔

زرعی ٹیکسٹائل کیو سی او  یکم اپریل 2024 کو نافذ ہو جائے گا۔ یہ کیو سی او زرعی برادری کے لیے انتہائی اہمیت کا حامل ہے اور اس کا مقصد زرعی  ٹیکسٹائل مصنوعات کے معیار اور کارکردگی کو بڑھانا ہے، اوراس کے ساتھ ساتھ اس بات کو بھی یقینی بنانا کہ کسانوں کو ان کے زرعی مسائل اور ضروریات کے لیے قابل اعتماد اور پائیدار حل تک رسائی حاصل ہو۔  اس میں زراعت اور باغبانی کے طریقوں کو بڑھانے کے لیے تیار کردہ مصنوعات کی ایک وسیع رینج شامل ہے جس میں درج ذیل شامل ہیں:

کیو سی اوز صارفین کے مفادات کے تحفظ اور تکنیکی ٹیکسٹائل کے شعبے  کی ترقی میں معاونت کے لیے بہت ضروری ہیں۔ یہ صارفین اور اختتامی صارفین کو بہترین قیمت فراہم کرنے کی کوشش کرے گا، اس طرح ہندوستانی مصنوعات کے معیار کو فروغ ملے گا جن کا عالمی معیارات سے موازنہ  کیا جاسکتا ہے۔

جیو- ٹیکسٹائل کی 19 اشیاء اور تحفاظتی ٹیکسٹائل کی 12 اشیاء کے لیے پہلے مرحلے میں جاری کیے گئے 2 کیو سی اوز 7اکتوبر 2023 سے نافذ العمل ہوں گے۔

مرحلہ -III میں، دیگر کے ساتھ ساتھ تعمیراتی ٹیکسٹائل، صنعتی ٹیکسٹائل، رسی اور کورڈیجز کے شعبوں کی تقریباً 30 مزید ٹیکنیکل ٹیکسٹائل  مصنوعات کے بارےمیں  کیو سی او  کے اجراء کے لیےغور کیا جاسکتاہے۔

۰۰۰۰۰۰۰۰۰۰۰۰۰۰۰۰

ش ح۔ ع م ۔ را

U. No. 10118