سائنس و ٹکنالوجی کے مرکزی وزیر مملکت  (آزادانہ چارج) ، وزیراعظم کے دفتر ، عملے ، عوامی شکایات ، پنشن ، ایٹمی توانائی اور خلاء کے مرکزی وزیر مملکت ڈاکٹر جتیندرسنگھ نے نئی دلی میں آج  ڈی او پی ٹی صدر دفتر میں سرکاری ملازمین کےلیے صلاحیت سازی کے منصوبے سی بی پی کا آغاز کیا۔

منصوبے کا آغاز ڈی او پی ٹی کے ساتھ صلاح مشورے کے بعد صلاحیت سازی کمیشن سی بی سی نے کیا ہے۔

ڈاکٹر جتیندر سنگھ نے اِس موقعے پر کہا کہ سی بی پی ، وزیراعظم نریندر مودی کا ایک نیا قدم ہے جس کا مقصد افسروں کو تربیت دینا اور ہنرمندی نیز موصولہ صلاحیت پر انحصار کرتے ہوئے افسروں اور عملے کے تقرر کو معقول بنانا ہے۔ اس قدم میں سرکاری افسروں میں یکسر تبدیلی لانے پر خصوصی توجہ دی گئی ہے۔

انہوں نے کہا کہ ‘‘وزیراعظم جناب نریندر مودی نے ایسی ای حکمرانی پر زور دیا ہے جس سے حکومت میں آسان، کم خرچ اور ماحولیات کے لیے سازگار کام کاج کا طریقہ اپنایا جائے۔ آسان کا مطلب وضاحت یا واضح کرنا، ای آفس کا مطلب کم اخراجات، اس کے ساتھ ساتھ فائلوں کے کام میں نہ صرف وقت کی بچت ہو بلکہ وہ ماحول دوست بھی ہو۔ وزیراعظم مودی کی طرف سے کی گئیں انتظامی اصلاحات کا مقصد ایک مستعد ، شفاف اور بدعنوانی سے پاک انتظامیہ تشکیل دینا ہے۔

ڈاکٹر جتیندر سنگھ نے کہا کہ کرم یوگی پرارمبھ طریقہ کار کو سبھی سرکاری ملازمین کی ، تقرر کے وقت تربیت کا حصہ بنا یا گیا ہے اور اس طریقۂ کار کو اُن نئے مقرر کیے گئے ملازمین پر بھی لاگو کیا جائے گا جنہوں نے چھٹے روزگار میلے کے تحت سرکاری سروس حاصل کی ہے جس کا انعقاد کل کیا گیا تھا اور جس میں 51 ہزار سے زیادہ نوجوانوں کو وزیراعظم مودی نے تقرر نامے سونپے تھے۔

ڈی او پی ٹی کے وزیر نے سی بی سی سے کہا کہ وہ مختلف تربیتی ماڈیولس کو تازہ شکل دیتے رہیں اور ان کا جائزہ لیتے رہیں جیساکہ مصنوعی ذہانت ہمارے سیکھنے کے عمل اور کام کرنے کے طریقہ کار کو پوری طرح بدلنے والی ہے۔

انہوں نے کہا کہ ‘‘ٹکنالوجی کے اس دور میں کسی بھی تعداد کو دوگنا کرنے کا وقت ، پانچ سال سے کم ہوکر محض ایک سال سے بھی کم رہ گیا  ہے۔’’

اے ایس او سطح سے جے ایس تک ، ہر سطح کے سرکاری ملازمین اور سکریٹری تک کے لیے کچھ منتخبہ نصابات کے لیے آئی گوٹ تربیتی ماڈیولز سے متعلق سی بی پی کی تعریف کرتے ہوئے ڈاکٹر جتیندر سنگھ نے سی بی سی کے چیئرمین جناب عادل زینل بھائی سے کہا کہ وہ وزیروں کے لیے بھی اسی طرح کا ایک تربیتی مادیول تیار کریں۔

سی بی سی کےچیئرمین نے وزیر موصوف کا بتایا کہ آئی گوٹ پلیٹ فارم  پر 700 نصابات شروع کیے گئے ہیں۔ انہوں نے کہا کہ مرکزی سرکار کے تقریباً 30 لاکھ ملازمین میں سے دس لاکھ ملازمین ، ریلویز میں ہیں۔ دیگر دس لاکھ ملازمین سی اے پی ایف میں ہیں اور بقیہ دس لاکھ ملازمین وزارتوں اور محکموں میں ہے۔  کام کاج اور رویہ جاتی ہنرمندی سے متعلق 80 فیصد ہنرمندیاں مشترک ہیں جبکہ 20 فیصد اپنے اپنے کام کاج سے متعلق ہیں اور ان کا تعلق خصوصی کاموں اور رول سے ہے۔ انہوں نے کہا کہ مشن کرم یوگی اور آئی گوٹ کا مقصد کرم چاریوں میں یکسر تبدیلی لانا ہے۔

*************

 ( ش ح ۔ ا س ۔ ت ح  (

U. No 10020